JAKOB 3:13 - ANU LUGOD N. T. (BSI)

¹³ Noluk ara:lo kinncpa:ncdc:lang mcngkinncdc sc:kon? Bvkkc ainc turnamdokki bvk ainc agerkvdv:dcm lcngkanmotok asinc ansv:pc mc:sula kinnam pa:namki.

JAKOB 3:13 Iomraidhean Croise

METIU 11:29

Ngok jungoli:ycm nolu tulvgsutok, odokkc ngokkolokkcm luyir-poyirnammcm torvgsutok; kapila:nc ngo ainc odokkc asinc rcmagnc tani:yc, odokkc noluk yalokvdv:dok lcga:pc du:rasukkom pa:ycpc.

METIU 21:5

“Jionolok omckvdv:dcm lubitoka, ka:tok, noluk migomdc nolukkolo:pc gvdo, asin ansv:la, odokkc vnc gadong gure:adorkolo sa:la, awo gadong gure: taycngkolo, gado:lok awokolo.”

METIU 5:5

“Ansv:nc asinang gcnckvdv:dc aipc luitpcnamc, kapila:nc bulu tani: rcngamscm dunggc daggcbomyc.

METIU 7:24

“Appvngc cdcmpila sc:koi sc ngok agomkvdv:scm taddonc oddokkc cdcmbulum lukamdcmpc agercm gerdonc cdc kinncpa:nc tani:koncmpc iyc sc:ko bvk okumdcm rakud adi: taycngkolo modagnc;

1 KORINTIANG KVDVNG 6:5

Scmngo nolu anyi:suycpc cmna ludung. Nolukkolok tani:akosinci kama:pc ila:dagnci kinnc pa:ncpc ila kcba:lok tani:kvdv:dok bvroagomdcm lupenbila:ma:nc,

2 KORINTIANGKVDVNG 10:1

Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!

2 KORINTIANGKVDVNG 8:24

Cdcmpidag sc tani:kvdv:scm noluk agomcm lukanbila lubilang, mondoli: kvdv:dok kangko-tadkolo noluk aipc mc:nam agomcmnang nolum ngoluk lubonsula lunamdc.

GALATIANG KVDVNG 5:23

aikamponammc, mc:jvg-jvrvgnammc, ainc asin gcla inamc, avycm mentumsula du:namc; cdcmbulumpinclok birudi:pc oko lujvglurrosin kamang.

GALATIANG KVDVNG 6:1

Bvrokvdvnga, tani: akonc jodi atv imurko iyc, nolu sc:kobulu yalodokki du:nc ainc asin gcla inamkokki yalokokki bvm motupa:do. Nolu avycm avyc ka:sutoka, ckvma:mvlo nolusin ankang ka:nampc iyc.

GALATIANG KVDVNG 6:4

Cmpige:la appvngcm bvkkc bvkkc agercm ankvsula kangkvsumotok, odokkc odo bvk atcro:do bottapc lubonsunamdok pa:ycpc odokkc bvk du:jon kumrv-ko:rvdo:mang.

IPESIANG KVDVNG 4:2

appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula,

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

KOLOSIANG 3:12

Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc,

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

1 TIMOTI: 6:11

Cdcmpige:la kapc nokkcpc, Ru:ncpvnckc tani:pc ila, cdc appv:dcm mcpaktoka; dormokanamdcm ka:mi:toka, ainc ager gernam, mc:jvgc, aipc mc:namc, mcmangke:ke:pc du:tvnammc, asin aipc inam gvnamcm.

2 TIMOTI 2:25

airu:nc poyirncpc, mc:yinsuncpc, ainc agomki bvk biruddi:ncm lugabdopc lulangka. Ru:ncpvncbv kapcjila cdcm tolvgciycsong jc bulu asinc mc:dvrra mc:latsuyckupc odokkc arodcm kinkapc gva:ycpc,

TITUS 3:2

pamvnsunamcm mcpakdopc, asin aiyo:dopc, odokkc appvng tani:ycm inam-sa:nam pv:namrungko lcngkandopc.

HIBRIUKVDVNG 13:5

Noluk turnamdo murkongcm aipc mc:bola mc:yoka, odokkc nolukkc okko du:ji cdcmong mc:tv:sula du:langka; kapcnc Bv luto, “Ngo cdvlosin bila:ma:pc ima:yc cdcmanggom nolum mcma:yc.”

JAKOB 1:21

Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

JAKOB 2:18

Cmpige:la sc:kaiyc luyc, “Nokkc mc:jvgc dung odokkc ngokkc agerc dung.” Nok mc:jvgdcm lcngkantei nok agerdc kama:pc, odokkc ngok agerkokki ngok mc:jvgcm lcngkanyc.

JAKOB 3:1

Nolukkolok bojcrungcm poyirncpc ingapmoyoka, ngokkc bvrokvdvnga, kapcnc nolu kindag jc ngolu sc:kobulu poyirdonc kvnggv:pc ncrgabla ngolum kcbangcm ba:ycku.

JAKOB 3:17

Cmpige:la tayc:tokkc gvinc kinnam agomdo lenpo:danna narcngtong cmdag, odokkc mcnganbola:dag, mc:jubmcngkabdag, lugab agom lcgangc tadmvnsudag, mc:yinsunamc bi:danna odokkc ainc apva:ycbulu du:dag. Mc:momc:ya kama:ncpc ila cdcmanggom mc:jupmcngkap kama:ncpc ima:pc.

1 PITOR 1:15

cmpige:la Bv sc:ko nolum gogtoji angunnc, nolusin anguntoka noluk appvng agerlo gernamlo;

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

1 PITOR 3:4

cmpige:la cdc lc:sula du:nc asin ara:bok tani:dokki yogpakma:ncdok asin ansvngclang agamnc yalodok avn gcrung gcbangki cdcmpc v:rmotoka, okodc Ru:ncpvnckc kangkolo airu:pc arc kadagji.