JAKOB 2:5 - ANU LUGOD N. T. (BSI)

⁵ Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

JAKOB 2:5 Iomraidhean Croise

METIU 11:5

miglunckvdv:dc ka:begdungku odokkc lambcgvla:ma:pc ngedgo:nckvdv:dc gvla:dungku, ngero:-ro:namkvdv:dc narcngkangku odokkc ru:benckvdv:dc tadbegamkangku, sinckvdv:dcm turabmodungku, odokkc opankvdv:dcm tadponc lutaddcm lubidung.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

METIU 5:3

“Asinbo opanc cmna mc:sunckvdv:dc aipc luitpcnamc, kapila:nc Ru:ncpvnckc dungko taycngamo:dc bulukkc.

MARKKC 7:14

Odokkc Bv tani:kvdv:dcm Bvkkolo:pc lckoda goga:toku, odokkc bulum luto, “Ngok agomcm tattoka, nolu appvngc odokkc mcngkintok:

LU:KKC 12:21

“Cdcmpidag sc:kobv avkcpc murkong lcngkumsudonc, odokkc Ru:ncpvnckcpc mircmmang.”

LU:KKC 12:32

“Pcsoyoka, adjio:nc kcrcnga, kapila:nc cdc noluk Abukc aipc mc:pola nolum migom doko mo:pvdcm bipc cmna mc:du:bong.

LU:KKC 16:22

“Opan tani:dc sikang odokkc Ru:nckc lutad lunc kvdv:dc Abrahamkc kcra:do:pc jo:bomkangku.

LU:KKC 16:25

“Cmpige:la Abrahambv luto, ‘Awosa mc:pa:langka nok turra du:dagdo no ainc ainc attarcm pa:to, odokkc Lajaru:bv cdcmv:pc aima:nc attarcm pa:to; cmpige:la su:pak bvm so mc:pomotakku, odokkc no su:pak ipusire:ycm pa:dungku.

LU:KKC 22:29

Odokkc ngo nolum agercm togclvgtung, ngok Ba:bubv ngom kapc agercm togclvgtoji,

LU:KKC 6:20

Odokkc Bvk agom tadjvgla gvmvnnc tani:kvdv:dcm Bv bcrsa:la kangge:la luto: “Opankvdv:dc gernc-pu:nc, kapila:nc Ru:ncpvnckc migom doko mo:pvdc nolu:kkc.

JO:N 7:48

Atv ager ilang-gvla:nckvdv:dok akonc manggom Parisi:kvdv:dc Bvm mc:tinsutonci?

AGER KVDVNG 7:2

Odo Stipenbv luto: “Bvrokvdvnga odokkc abukvdvnga, ngok agomscm tattok. Amin gvnclok Ru:ncpvncbv ngoluk abu Abrahammc lcngkansuto, bv cdvlo Mesopotamiangolo dunggaji, Haranolo bv du:ma-dagma:dapc, odokkc bvm luto,

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

1 KORINTIANG KVDVNG 2:9

Cmpige:la cdcm adla lc:tag, Okodcm oko amigcsin ka:begtoma:nc, cdcmanggom yerungc tadbbegtoma:nc, cdcmanggom tani: asinc mcnga:toma:nc, okodcm Ru:ncpvncbv mosv:tonc cdc sc:kobulu bulu Bvm aipc mc:toji.

2 KORINTIANGKVDVNG 4:15

Kapila:nc cdc appv:dc noluk lcgangc, odomvlo jen kapc ayangc bojc bojcya:pc gvbarka:nc bojcya:ng tani:yc aipai binamc bojcya:yc, Ru:ncpvnckc aminc gvdopc.

2 KORINTIANGKVDVNG 6:10

opanncmpc innc, ckvdaggom bojcrungcm mircmmonnc; okkosin kama:ncmpc innc, odokkc ckvdaggom appvngc dung.

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

IPESIANG KVDVNG 3:8

Ngokkcpc, aipc kumnc tani: appv: dokkcmyam adji:ya:nc-daggom, sc aya:scm bitungai Angu tani:kvdv:dcm Kristokc mala malenna:ma:nam mitc-mircm kvdv:dcm lubidopc,

1 TISSALONIANG 2:12

ngoluk appvngcm asincm pvtadopc lusv:toji odokkc nolum lugaplvkkaji Ru:ncpvnckc arckadopc turnamko turdopc, sc:kobv nolum Bvk avkc migom dokodo:pc gogdagji odokkc amin gvnamdo:pc.

2 TISSALONIANG 1:5

Cdc Ru:ncpvnckc dormokanam kcba:ba:namdok lcngkanc, jc nolum Ru:ncpvnckc migom doko amo:dok lcga:pc arckancpc imoycpc, okodok lcgangc nolu du:gcm pa:du:ji–

1 TIMOTI: 6:18

Bulu ainc agercm gerpa:yc, ainc ager gernam kvdv:lo mitc-mircmpcmvlo, bipaknam attarcm bijo:pcnamc odokkc ammem ayang abola,

2 TIMOTI 4:18

Ru:tumbv ngom appvng aima:nclokkc moturyc odokkc Bvk taycng dungkodok lcgangc mopvtag. Bvkkcpc amin gvnamdc ika:langka lo:dv-longkcm. Amen.

2 TIMOTI 4:8

Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.

HIBRIUKVDVNG 11:26

Bv Kristokc lcgangc ipusire:pa:nam-gvnamdcm Igiptolok mitc-mircmdcmyam bottcya:nc mitcmircmpc mcngkang, kapcnc bv amandcm kanggcla ka:to.

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

JAKOB 1:16

Ngok aipc mc:bomsunam bvrokvdvnga, yadkosuyoka.

JAKOB 1:19

Scm kintoka, ngokkc aipc mc:bomsunam bvrrangkvdvnga. Appvng tani:ycm tadnamcm lomna tadmotoka, aso:pc agomcm lumotoka, aso:pc aglvgngcm sa:motoka,

JAKOB 1:9

Opannc bvrodcm bvk kanam sv:namlo bottapc mc:sumotoka, odokkc mircmncdcm anyi:sumonamdo,

1 PITOR 1:4

odokkc dungkan-dakkansunam lo:pc okodc yogma:ji, narc:ma:pc ila lc:ycji, odokkc sana:ma:ycji, noluk lcgangc taycng amo:to lc:tung.

2 PITOR 1:11

Cdcmpila nolum kvnggv:pc mircmpc biycpc nolukkcpc cdc lo:dvlongkvpc du:nc migomdokodo:pc gva:namdo ngoluk Ru:tumbv odokkc Moturnc Jisu Kristobv.

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

LUNGOR LUNAM 3:18

Cdcmpidag ngo nom luyirdung vmvkokki romna narc:monam avncm rctoka cmna, no:jen mircmycpc, odokkc kamponc attarcm nom molvgsupc odokkc nok akudali:namdok anyi:dcm ka:begsuma:dopc, odokkc amig tarclok yonnvgsunam kusere:ycm, no:jen ka:begdopc.