JAKOB 1:5 - ANU LUGOD N. T. (BSI)

⁵ Nolukkolok sc:koiyc jodi kinjvgla kinnam pv:ramyc, bvm Ru:ncpvnckolok komotoka, sc:kobv appvng tani:ycm aya:la mc:jong kadjo:la odokkc sc:kobv aima:pc ge:ma:pama:pc, odokkc cdcm bvm biycpc.

JAKOB 1:5 Iomraidhean Croise

METIU 11:20

Odo Bv oko oko nogorkvdv:do botta bottaru:nc agerkvdv:dcm gerkanc cdcmbulum luke-lumarra lurobbomkang, kapila:nc lcga:dc bulu mc:dvrra mc:sula asinc mc:latsutokumang.

MARKKC 16:14

Odok lcdupc Bv vyvngkolang akodcm lcngkansuto bulu bullong tcbuldo dodotv:dom; odokkc Bv bulum luka:la luto buluk mc:jvgma:nam kvdv:dokki odokkc asinkvdv:dok tornamkvdv:dokki, lcga:dc bulu Bvk turnamdcm kangge:la:sin mc:jvgtomang.

JO:N 14:13

Okkomci ngok aminno nolu ka:ycnc, ngo cdcm ibiyc, Abudc:jen Awodo aminc gvycpc cmna;

JO:N 15:7

Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

2 KORINTIANGKVDVNG 2:16

Akonkcpc sikolokkc sikolo:pc nambegc, akondokkcpc turnamlokkc turnamlo:pc namponc. Sc atvkvdv:sokkcpc, sc:ko pv:dang?

JAKOB 1:17

Appvng ainc aman binamkvdv:dc odokkc appvng aiyo:pc ainc bipaknam amanc tayc:tokkc, pva:lok Abukotokkc gvido sckkolo mcngumcnge:yc kamang cdcmanggom langkonsunam, lcgangc.

JAKOB 3:17

Cmpige:la tayc:tokkc gvinc kinnam agomdo lenpo:danna narcngtong cmdag, odokkc mcnganbola:dag, mc:jubmcngkabdag, lugab agom lcgangc tadmvnsudag, mc:yinsunamc bi:danna odokkc ainc apva:ycbulu du:dag. Mc:momc:ya kama:ncpc ila cdcmanggom mc:jupmcngkap kama:ncpc ima:pc.

JAKOB 5:16

Cdcmpidag noluk pa:pkvdv:dcm akonc akonkolo lude:sutoka, odomvlo jen nolum csa:moyckupc. Dormokanc tani:dok kumnamdc ager kvnggv:pc ilang gvla:dag.

1 JO:N 3:22

odokkc ngolu Bvkkolokkcm okodcmci kodoji Pa:do, lcga:dc ngolu Bvk lujvg lulvgkvdv:dcm lukamdcmpc gagla du:do odokkc okodc Bvm mc:lvgsumodagji.