Biblia Todo Logo
Bìoball air-loidhne

- Sanasan -




JAKOB 1:21 - ANU LUGOD N. T. (BSI)

21 Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

Faic an caibideil Dèan lethbhreac




JAKOB 1:21
37 Iomraidhean Croise  

“Ansv:nc asinang gcnckvdv:dc aipc luitpcnamc, kapila:nc bulu tani: rcngamscm dunggc daggcbomyc.


Cdc yalodc:mvn turnamcm bincdc, adindc oko arrcsin kamang; ngok noluk agom lunamkvdv:dc yallolang turnamc.


Simon Pitorbv bvm lubito, “Ru:tuma, ngolu sckkolopcn gvycn? Nokkc lo:dvscm turyarla turnamdcm binc gomugdc dung,


Cdcmpila ngo nokkolo:pc vgcmpc gvto, odokkc aya:ru:la gvbito. Su:pak cdcmpila ngolu appvngc su:pak Ru:ncpv:nckc kangkolo dung, Ru:tumkc lulvgnam appv:dcm tadpc cmna.”


“Bvrrang kvdvnga, Abrahamkc ope:lok awangkvdvnga, odokkc nolukkolok sc:kobulu Ru:ncpvncmc pcsodagnc, ngolukkolo:pc sc moturnam lutadscm mclvgtagai.


Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.


Cmpige:la rcngke:kvdv:dok akke dvrsodamkang, odokkc nolusin, yumrang Jolpai oiyinnc, Jolpai vsvng amv:dokkcm mitcmircmdcm pa:mvnsupc cmna pasotge:la ilvgto, rcngke:kvdv:dcm pa:la bottapc lusuyok.


Cmpige:la Ru:ncpvncmc aipai binampc ika:langka, jc nolu sc:kobulu lckoncm pa:blok pagbopc ikaji asinbokki luyir agom tadncpc ikang okodcm nolu tadpc cmna tolvgtoji;


okodokki nolu turdu:ji, cdcm nolu kvnggv:pc gagla du:mvlo–ckvma:mvlo nolu cmmumpc mc:jvgto.


Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.


Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.


Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki.


Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc.


Ya:nc agomc du:mangka:langka, cdcmanggom lutum-lulumna lunam agomcm, cdcmanggom mcngcsagcma:pc lunamc, okodc:bulu aima:ji; cmpige:la cdcmyam aipai binamc dungka:langka.


kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.


Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.


Kapila:nc Ru:ncpvnckc aya:dc tani:kvdv:dok moturlcgangc lenkang,


Cdcmpidag, ngolum cddvnc bottcnc mukkangcmpinc lukanbinnc du:ribomnam kvdv:dc du:namc, kajc ngolu mcma:ru:pc ngoluk kcra:pc dugpcnamdcm dugnamdcm dugtvla du:lai, ngoluk dugpo:ncdcmlang mc:jvgdcm mc:pvtbonc,


kapc ngolu gagsila:ycn jodi ngolu cddvnc bottcnc moturdcm mc:yamc:samvlo? Cdcm lupo:danpc Ru:tumkokki lulenbito, odokkc cdcm ngolum arro cmna lubito cdc sc:kobulu Bvm tadtoji,


Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.


Ru:ncpvnckc kcra:pc gva:toka odokkc Bv:sin noluk kcra:pc gva:ycpc. Noluk alagkvdv:dcm mopu:sutoka, c:i papi:kvdvnga, odokkc noluk asinkvdv:dcm narc:motoka, c:i asin ba:nyikopc gcnctani:ya.


bvm kinmotoka jc papi:n ako sc:kobvi gvlatbotokunc bvk lambcdok imur ager kvdv:dcm bvk yalodcm sikolokkcm mopvyc odokkc bojcru:nc pa:bcm motityc


Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.


Noluk mc:jvgnamkokki kapc noluk yalokvdv:dok moturcm pa:to.


Cdcmpidag appvng ka:ru-ka:mangnammcm mc:pagamtoka odokkc yadgo:pagongcm odokkc mc:jubmcngkabma:nc asincm odokkc Ka:ruka:mangcm odokkc appvng lume:pc lujcmnam lunamcm.


Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.


Lean sinn:

Sanasan


Sanasan