JAKOB 1:12 - ANU LUGOD N. T. (BSI)

¹² Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

JAKOB 1:12 Iomraidhean Croise

METIU 10:22

Odokkc nolum ngok amin lcgangc tayumyc. Ckvdaggom sc:kobv du:tcrdo:pc du:jcmna du:ycnc bvm moturyc.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

LU:KKC 6:22

“Tani:kvdv:dc cdvlo nolum tayumycji nolu gernc-pu:nc, odokkc bulu cdvlo nolum angupc du:moycji odokkc nolum aima:pc luycji, odokkc nolum amincm aisi:ma:nc cmna minycji, Tani:kc Awodok lcgangc!

ROMANKVDVNG 5:4

odokkc mentumsunam mc:lang gvla gvnamcm mc:tincm lenmodag,

ROMANKVDVNG 8:28

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

1 KORINTIANG KVDVNG 2:9

Cmpige:la cdcm adla lc:tag, Okodcm oko amigcsin ka:begtoma:nc, cdcmanggom yerungc tadbbegtoma:nc, cdcmanggom tani: asinc mcnga:toma:nc, okodcm Ru:ncpvncbv mosv:tonc cdc sc:kobulu bulu Bvm aipc mc:toji.

1 KORINTIANG KVDVNG 8:3

Cmpige:la akonc Ru:ncpvncmc aipc mc:mvlo, Bvkkokki akonc kinnampc idag.

1 KORINTIANG KVDVNG 9:25

Cdcmpidag dugtoka no:jen cdcm pa:ycpc. Appvng moduduka:mvnsunc mentumsula du:namcm appvng agerlo idag. Bulu cdcm omvgpcnc dogsori: abvlcgang idag, cmpige:la ngolu omvgpcma:nc abv lcgangc ido.

2 TIMOTI 2:15

Noluk aiyanggerncm gertoka nolu avyc avycm Ru:ncpvnckolo tolvgnam akoncmpc, ager gerncko sc:kobv anyi:supcnammc kama:dopc, aropc aro agomdcm gagdopc.

2 TIMOTI 4:8

Cdcmpidag, ngok lcgangc dormokanamlok dumlubcm tvlenna lc:bitak, okodcm Ru:tumbv, cdc dormokanc kcba:-ba:ncdc, odo longcdo ngo biycji, odokkc ngommo:mang cmpige:la sc:koi Bvk lenkunamdcm aipc mc:dagji cdc appv:dcm.

HIBRIUKVDVNG 10:32

Cmpige:la po:pckc longckvdv:dcm mc:pa:toka cdvlo, nolum pvang kinnamcm kinmo:ge:la, nolu torncrung momvnsunamcm du:g kvdv:dcm gvla mentumsuto,

HIBRIUKVDVNG 11:17

Mc:jvgkokki Abrahambv, cdvlo bvm ankang kangkvtoji, Isahakmc bipakto, odokkc bv sc:kobv pesunamdcm tolvgsutonc bvk atcrong awodcm bipakpc mosv:suto, sck agomcm cdcm lutonc,

HIBRIUKVDVNG 12:5

Odokkc nolu luyirla lunam agomkvdv:dcm mitpanamtonci awopc lunamkvdv:dcm? “Ngok awo, Ru:tumkc luyir lugoddcm cmmumpc mc:samcyayok. Cdcmanggom asin pvtapc mc:namcm adji:pc mc:suyok cdvlo Bvkkoki nolum palvgcm lvgycji.

HIBRIUKVDVNG 6:15

Odokkc cdcmpila Abrahambv, mentumsula du:to, pesunamdcm pa:to.

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

JAKOB 5:11

Ka:toka, ngolu cdcmbulum mc:ponc cmna ludo sc:kobulu lo:dcm lo:dvlongkvpc menrasula dungaji. Nolu Jo:bkc lo:dv longkvpc menrasula du:namcm tadto, odokkc nolu Ru:tumkc mcngkamdcm kinto, kapc Ru:tumbv aya:sitapc mc:nckoji odokkc aya:nckoji.

1 PITOR 3:14

Cmpige:la jodi nolu dormokanam lcgangc geryc, nolu akirba:d pa:ncpc iyc. Nolu bulum pcsola kcngcrcjayok, cdcmanggom mc:dvrmc:so:la ogo:suyok,

1 PITOR 4:13

Cmpige:la su:paklo:pc nolu Kristokc du:g gvnamdcm gvmvnna du:g gvnamdcm mc:pobatsutoka, jen nolusin Bv cdvlo lenyckunc odo mc:pobatsuycpc odokkc mc:poycpc.

1 PITOR 4:14

Nolum jodi Kristokc amindok lcgangc aima:pc ge:la luyc, nolu akirba:d pa:nc, lcga:dc amin gvnc yalodc odokkc Ru:ncpvnckcdc nokkolo du:do.

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

1 JO:N 4:19

Ngolu aipc mc:dag, kapila:nc Bv ngolum aipc mc:po:to.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

LUNGOR LUNAM 3:19

Cdc sc:kobulum ngo aipc mc:dagnc, ngo mogvtmomatdo odokkc dcmdo; cdcmpidag kvnggv:pc mcnga:la gertoka odokkc asinc mc:dvrra mc:latsutokuka.

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.