Gisi Mgnaji Mimajuinu'g 8:9 - Gelulg Glusuaqan: Gisiteget Agnutmugsi'gw

⁹ Ma wije'nug aq na mawagnutmamgewei ta'n ni'n eltaqapnig gujjuaqi'g. Na na'gweg ta'n wesua'tugupnig ugpitnuaq aq tewa'lg'pni na maqamigew, teluisig Ijipteg. Mo siaw gugunmi'tigup teplumtimgewe'l ta'n gis agnutma'tieg'p, etna na ugjit eliamgupni.

Gisi Mgnaji Mimajuinu'g 8:9 Iomraidhean Croise

Malg 8:23

Se'sus wesua'latl ji'nmul ugpitn aq tewglisgenatl sitatug gutanji'j, tel gne'g elusgwatmuatl ji'nmul ugpugugul, Se'sus iga'toq ugpitnn ji'nmul ugpugugw aq pipanimatl, “Nemitun goqwei?”

Paqalaiwaqann 13:11

Gjinisgam nige' gi'l elapasual'sg aq ma nmitegewn, glapis Gjinisgam tli ul'te'lm'sg ulapin.” Smtug Elimas mu gis nemitegeg nugu aq al gigto'qwa'sit. Wejo'tg nat wen we'jian ilgwengun gnnamugsin ugpitn.

Paqalaiwaqann 7:36

Negm na Mowis tewa'lapni Ijiptg. Milamu'gl paqalaiuti'l tela'tegepnn Ijiptg na megwe'g 'gta'n aq ne'wisgegipunqeg eig'pnig paqtaqamigtug.

Paqalaiwaqann 9:8

Na Sol wenaqa'sit maqamigeg aq pana'toqol ugpugugul pas'g mo goqwei nemitug. El glisgna'titl Tamasgusg.

Galetiaewaq 4:24

Na ula ta'n teliaqap ugjit wegla tapusijig e'pijig aq un'januaq musga'tugsi'gul ta'pu nemi'gl ta'n Gjinisgam tela'teget ugjit mimajuinu'g. Ignmuapni Lesui'paq na 'tplutaqann ta'n eimu'tipnig na gm'tng ta'n teluisig Sainai. Teplumapni ta'n wen jigsitg 'ms't goqwei ewi'gas'g 'tplutaqanigtug tetapu'et Gjinisgam ugsisgug.