Gisi Mgnaji Mimajuinu'g 1:8 - Gelulg Glusuaqan: Gisiteget Agnutmugsi'gw

⁸ Gatu ugjit uggwisl Gjinisgam teluet, “Gi'l Nisgamewin 'st'ge' ni'n aq 'gtelege'wa'gim iapjiwewe'tew. Iganpugu'tajig 'gtmimajuinumg giasgiwewei.

Gisi Mgnaji Mimajuinu'g 1:8 Iomraidhean Croise

Matiw 1:23

Tel wi'g'g'p, “Na e'pite's ta'n menaq wipemagul ji'nmul na tle'tew aq uggwisitew. Uggwisl tl wi'taten Imanuel.” (Na ugtli'sutiuow na wisun Imanuel telueg, “Gjinisgam wijitgweiugsi'gw.”)

Lu'g 1:75

Ugs'tawugsitesnu glaman sape'ultitesnu aq tetapua'taqatitesnu ta'n teli pgitawsulti'gw.

Sa'n 10:30

Ni'n aq Nujj newgte'jieg.”

Sa'n 10:33

Na Lesui'paq asitema'titl, “Mo getu gun'tewto'lueg ta'n tel tla'tege't'p gelu'lg 'lgowaqan gatu ugjit ta'n teli egsuaqanimt Gjinisgam aq anmima'mt aq mo gepmite'lmawt. Gi'l na pas'g ji'nm gatu teli ugsualsin 'st'ge' Nisgamewin.”

Sa'n 20:28

Tuma telimatl, “Gjisaqamaw aq 'Ntnisgamum!”

Lo'mewaq 9:5

Wettaqia'tijig Aplameg Isaqeg aq Je'gopeg. Se'suguli ta'n mimajuinualsip tleiawit negmow. Negm Se'suguli mestai assusit aq Gjinisgam Gisiteget pua'laji 'ms't mimajuinu'g gepmitelma'tis iapjiw. Na tliaj.

1 Golintewaq 15:25

Amujpa Se'suguli igani assusit glapis Gjinisgam wissuignemaj 'ms't ta'n te'sijig ta'n getana'titl.

1 Timoti 3:16

Maw tliaq ta'n goqwei getlams'tasulti'gw maw gelu'lg aq ta'nig mo getlams'tasulti'gw mo gisi ns'tmi'tigw, “Se'suguli mimajuinualsip aq ugs'tqamu pegisingeg. Wejuli Nisgam musga'tuapni mimajuinu'g, mo we'jituamugup goqwei amsalteg. Ansale'wijig nemia'tipnn. Ta'n tujiw nepgeg, Gjinisgam wenaqa'lapnn wa'so'q aq musga'tuapni na Se'susal uggwisl ta'n telue'lipn. Wesgutg'p ta'n telgi'g ugs'tqamu ta'n tel milapegsultijig mimajuinu'g. 'Ms't tami getlams'tua'titl aq gepmitelma'titl.” Na maw tliaq.

2 Pie'l 1:11

Ta'n tujiw siaw tla'taqatioq, ignmugsitoqs'p ta'n pisgwita'new Gjisaqamaw iapjiwewei ugtelege'wa'gimg. Gjisaqamaw ta'n assumugsi'gw, na Se'suguli nujiugs'tawi'wet. 'Ms't goqwe'l gelu'lgl 'msntoqs'p. Mo goqwei etegigjennug.

1 Sa'n 5:20

Geitu'gw na Gjinisgam uggwisl gisi pgisinnipnn ugs'tqamug aq gis nestuimugsi'gup ugjit nenuanew Gjinisgam ta'n getlamiet. Na elita'sualugg Gjinisgam aq elg uggwisl, Se'susal Westawulgul. Negm na giwnaqajewei Gjinisgam aq na mimajuaqan gis telimugsioqop na iapjiwewei mimajuaqan.