Tito 2:5 - Alacatlatzala Mixtec New Testament

⁵ Ta xíni̱ ñóꞌó sanáꞌa ná nákuáchí yóꞌo ndasaá siꞌna kani si̱ni̱ ná yu kúu ña va̱ꞌa keꞌé ná, ta saá kasa ndivi ná ñava̱ꞌa yóꞌo, ta xíꞌin ñayóꞌo nasita xíꞌin mi̱i ná no̱o̱ ña o̱n váꞌa. Ta nákuáchí ki̱ꞌva̱ yó xíni̱ ñóꞌó kuu ná náñaꞌa̱ ná va̱ꞌa kísa ndivi chiño veꞌe mi̱i ná, ta xíni̱ ñóꞌó kuu ná náñaꞌa̱ ná xíꞌin ñato̱ꞌó ini kéꞌé ndiꞌi ñava̱ꞌa ña kóni yii̱ ná. Saá chi xíni̱ ñóꞌó vivíi kutaku̱ náyóꞌo, ña o̱n taxi ná ka̱ꞌa̱n ni̱vi to̱ꞌon o̱n váꞌa xa̱ꞌa̱ to̱ꞌon Ndios.

Tito 2:5 Iomraidhean Croise

Hechos 9:36

Ta ñoo Jope táku̱ ñii ñaꞌa̱ ñá ndíko̱n yichi̱ ta̱Jesús, ta na̱ní ñá Tabita (ta ki̱vi̱ Tabita to̱ꞌon griego kúu Dorcas). Ndiꞌi saá ki̱vi̱ ñáyóꞌo táxi xíꞌin mi̱i ñá kéꞌé ñá chiño va̱ꞌa, ta chíndeé ñá ni̱vi na kúu nandáꞌví.

Hechos 9:39

Ta saá ke̱e ta̱Pedro kua̱ꞌa̱n ra xíꞌin na, ta ni̱xaa̱ na veꞌe ñáTabita, ta ni̱ka̱ꞌa̱n na xíꞌin ta̱Pedro, káchí na saá: ―Ndaa ún xíꞌin ndi̱ piso o̱vi̱ ―káchí na. Ta saá ni̱xaa̱ na no̱o̱ kándúꞌu̱ yi̱kí ko̱ñu ñáTabita ñá ni̱xiꞌi̱. Ta kua̱ꞌa̱ ní náñaꞌa̱ ndáꞌví ná ni̱xiꞌi̱ yii̱ ki̱xaa̱ ná no̱o̱ ta̱Pedro, ta xáku ní ná xa̱ꞌa̱ ñá ni̱xiꞌi̱ yóꞌo, ta sa̱náꞌa ná no̱o̱ ta̱Pedro kua̱ꞌa̱ ní tiko̱to̱ ña ki̱sa va̱ꞌa ñáTabita ki̱vi̱ xi̱taku̱ ñá, ta sa̱níꞌi ñá ná tiko̱to̱ yóꞌo.

Romanos 14:16

Vará mi̱i yó ni̱vi na kándixa Jesucristo kómí yó yichi̱ ña kuxu yó ndiꞌi no̱o̱ ña xíxi ni̱vi, ta o̱n váꞌa chindúꞌu̱ yó ña kakiꞌi xa̱ꞌa̱ nañani yó án xa̱ꞌa̱ náki̱ꞌva̱ yó ña ko̱yo na kua̱chi. Saá chi o̱n váꞌa keꞌé yó ña taxi ka̱ꞌa̱n ni̱vi ña o̱n váꞌa xa̱ꞌa̱ yichi̱ Jesucristo.

Romanos 2:24

Chi saá káchí to̱ꞌon Ndios ña ni̱taa na xi̱na̱ꞌá: “Najudío kéꞌé na ña o̱n váꞌa, ta xa̱ꞌa̱ ña o̱n váꞌa yóꞌo, ni̱vi na o̱n vása kúu najudío káꞌa̱n na ña o̱n váꞌa xa̱ꞌa̱ Ndios”, káchí to̱ꞌon Ndios.

1 Corintios 11:3

Ta vitin va̱ꞌa ná kunda̱a̱ ini ndó to̱ꞌon yóꞌo: Nda̱tán yóo si̱ni̱ ni̱vi xíꞌin yi̱kí ko̱ñu na, saá yóo Jesucristo xíꞌin ñii ñii mi̱i yó, nata̱a na kándixa ra. Ta ñii ñii ta̱a, nda̱tán yóo si̱ni̱ ñásíꞌí ra, saá yóo ra xíꞌin ñá. Ta Ndios, nda̱tán yóo si̱ni̱ Jesucristo saá yóo ra.

1 Corintios 14:34

ta náñaꞌa̱ ná nákutáꞌan yóꞌo, xíni̱ ñóꞌó tási̱ín koo yuꞌu̱ ná. Saá chi náñaꞌa̱ xíni̱ ñóꞌó kasa ni̱no̱ xíꞌin mi̱i ná, ñii ki̱ꞌva nda̱tán yóo ña xáꞌnda chiño nda̱yí ña kísa to̱ꞌó yó.

Efesios 5:33

Inka̱ to̱ꞌon káꞌa̱n i̱ xíꞌin ndó vitin kúu ñayóꞌo: Ñii ñii ta̱a xíni̱ ñóꞌó kukiꞌvi ini ra koni ra ñásíꞌí ra, ñii ki̱ꞌva nda̱tán kíꞌvi ini ra xíni ra mi̱i ra. Ta ñii ñii ñaꞌa̱ ñá yóo yii̱, xíni̱ ñóꞌó kasa to̱ꞌó ñá yii̱ ñá.

Colosenses 3:18

Náki̱ꞌva̱ yó, ñii ñii ndóꞌó ná yóo yii̱, xíni̱ ñóꞌó kasa ni̱no̱ xíꞌin mi̱i ndó ña kasa chiño ndó no̱o̱ yii̱ ndó, chi ñayóꞌo kúu chiño no̱o̱ ndó xa̱ꞌa̱ ña kúu ndó náñaꞌa̱ ná kándixa Jesucristo, Ta̱a ta̱Káꞌno no̱o̱ yó.

1 Timoteo 5:10

Ta náñaꞌa̱ ná nakiꞌin ñava̱ꞌa yóꞌo xíni̱ ñóꞌó kuu náñaꞌa̱ ná xa ki̱sa ndivi kua̱ꞌa̱ ní chiño va̱ꞌa, ta kánóo va̱ꞌa to̱ꞌon xa̱ꞌa̱ ná no̱o̱ ni̱vi. Xíni̱ ñóꞌó kuu ná náñaꞌa̱ ná va̱ꞌa sa̱kuaꞌno sa̱ꞌya, xíni̱ ñóꞌó kuu ná náñaꞌa̱ ná xíꞌin ñato̱ꞌó na̱kiꞌin ni̱vi na ki̱xaa̱ veꞌe ná, ta xíni̱ ñóꞌó kuu ná náñaꞌa̱ ná xa na̱kata xa̱ꞌa̱ nañani yó xíꞌin náki̱ꞌva̱ yó ki̱vi̱ ki̱xaa̱ na veꞌe ná, ta xíni̱ ñóꞌó kuu ná náñaꞌa̱ ná chi̱ndeé ni̱vi na xóꞌvi̱, ta ndixa ta̱xi xíꞌin mi̱i ná ña kasa ndivi ná ndiꞌi saá no̱o̱ chiño va̱ꞌa.

1 Timoteo 6:1

Tá nañani yó án náki̱ꞌva̱ yó kúu naesclavo, ta nayóꞌo xíni̱ ñóꞌó kasa to̱ꞌó ní na patrón na. Ta xíꞌin ña kéꞌé na saá, inka̱ ni̱vi o̱n ka̱ꞌa̱n na ña o̱n váꞌa xa̱ꞌa̱ Ndios, ni o̱n ka̱ꞌa̱n na ña o̱n váꞌa xa̱ꞌa̱ to̱ꞌon sánáꞌa yó.

Tito 2:4

Ta xíni̱ ñóꞌó sanáꞌa ná inka̱ ki̱ꞌva̱ yó nákuáchí ndasaá va̱ꞌa kukiꞌvi ini náyóꞌo koni ná yii̱ ná xíꞌin sa̱ꞌya ná.