San Mateo 9:24 - Alacatlatzala Mixtec New Testament

²⁴ Ta ni̱ka̱ꞌa̱n ra xíꞌin na: ―Kua̱ꞌa̱n ndiꞌi ndó keꞌé. Ñáloꞌo yóꞌo o̱n vása ní‑xiꞌi̱ ñá, ñá kísi̱n kuiti kúu ñá ―káchí ra. Ta saá ku̱siki na ta̱Jesús ta ni̱xaku̱ ndaa na ra.

San Mateo 9:24 Iomraidhean Croise

San Marcos 5:40

Ta saá ku̱siki na ta̱Jesús ta ni̱xaku̱ ndaa na ra. Ta ta̱yóꞌo ti̱ꞌví ra ndiꞌi na kua̱ꞌa̱n na ke̱ꞌe, ta ndasaá kuiti xíꞌin yivá ñáloꞌo xíꞌin siꞌí ñá xíꞌin u̱ni̱ ta̱xíka xíꞌin ra, ni̱ki̱ꞌvi ra no̱o̱ kándúꞌu̱ ñáloꞌo.

San Lucas 8:53

Ta saá ku̱siki na ta̱Jesús ta ni̱xaku̱ ndaa na ra, chi xi̱ni̱ na ndí ni̱xiꞌi̱ va̱ꞌa ñá.

San Juan 11:4

Tá xi̱ni̱ so̱ꞌo ta̱Jesús ñayóꞌo, ta ni̱ka̱ꞌa̱n ra: ―O̱n si̱ví xa̱ꞌa̱ ña kivi̱ ta̱Lázaro kúu ña ndeé ní ndóꞌo ra vitin. Ta ña ndeé ní ndóꞌo ra kúu xa̱ꞌa̱ ña kua̱ꞌa̱ ní ni̱vi chinóo síkón na ñato̱ꞌó Ndios, ta ñii ki̱ꞌva saá chinóo síkón na ñato̱ꞌó yi̱ꞌi̱, ta̱a ta̱ kúu Sa̱ꞌya Ndios.

Hechos 20:10

Ta ta̱Pablo no̱o ra, xíno ra ni̱xaa̱ ra, ta xi̱kundee ra no̱o̱ kándúꞌu̱ ta̱Eutico, ta nómi ra yi̱kí ko̱ñu ra, ta ni̱ka̱ꞌa̱n ra xíꞌin ni̱vi na yíta yóꞌo, káchí ra saá: ―O̱n kundiꞌi ini ndó, chi táku̱ ra ―káchí ta̱Pablo xíꞌin na.

Hechos 9:40

Ta saá ta̱Pedro xa̱ꞌnda chiño ra no̱o̱ ndiꞌi ni̱vi na yíta yóꞌo ña kee na ko̱ꞌo̱n na ke̱ꞌe. Ta ki̱ndo̱o ta̱Pedro matóꞌón mi̱i ra xíꞌin yi̱kí ko̱ñu ndi̱í ñá ni̱xiꞌi̱ yóꞌo. Ta saá xi̱kuxítí ra ta ni̱ka̱ꞌa̱n ra xíꞌin Ndios. Ta ndi̱ꞌi ni̱ka̱ꞌa̱n ra xíꞌin Ndios, saá ndi̱kó koo ra na̱koto ra no̱o̱ yóo yi̱kí ko̱ñu ñá ni̱xiꞌi̱ yóꞌo, ta ni̱ka̱ꞌa̱n ra, káchí ra saá: ―Nana Tabita, vitin nakundichi ún ―káchí ra. Ta saá na̱koná ñá nduchu̱ no̱o̱ ñá, ta xi̱ni ñá ta̱Pedro, ta nda̱níꞌi loꞌo xíꞌin mi̱i ñá, ta xi̱koo ñá.