San Mateo 9:22 - Alacatlatzala Mixtec New Testament

²² Ta ndi̱kó koo ta̱Jesús ta xi̱ni ra ñá, ta káchí ra saá xíꞌin ñá: ―O̱n kuyi̱ꞌví ún, nana. Xa ndu̱va̱ꞌa ún chi kándixa ini ún yi̱ꞌi̱. Ta saá xa̱ndi̱ko̱n ndu̱va̱ꞌa ñá, ta ni̱ya̱a̱ xíta̱ ni̱i̱ ñá.

San Mateo 9:22 Iomraidhean Croise

San Mateo 15:28

Ta ta̱Jesús ni̱ka̱ꞌa̱n ra: ―Nana, kónó ní chi̱kaa̱ ún ña ndáa ini ún yi̱ꞌi̱. Ta kasa ndivi i̱ ña ndúkú ún no̱o̱ i̱ ―káchí ra. Ta ñáloꞌo sa̱ꞌya ñáñaꞌa̱ yóꞌo mi̱i hora yóꞌo ndu̱va̱ꞌa ñá.

San Mateo 17:18

Ta ki̱xaa̱ ta̱loꞌo ta ta̱Jesús xa̱ꞌnda chiño ra no̱o̱ níma̱ ndiva̱ꞌa ña kee ña. Ta ñaníma̱ ndiva̱ꞌa yóꞌo ke̱e ña, ta xa̱ndi̱ko̱n ndu̱va̱ꞌa ta̱loꞌo.

San Mateo 8:13

Ta ni̱ka̱ꞌa̱n ta̱Jesús xíꞌin ta̱ ndíso chiño xíꞌin natropa, káchí ra saá: ―Vitin va̱ꞌa, noꞌo̱ ún veꞌe ún. Ta xa ndu̱va̱ꞌa ta̱ kísa chiño no̱o̱ ún xa̱ꞌa̱ ña kándixa ún yi̱ꞌi̱ ―káchí ta̱Jesús. Ta mi̱i hora ni̱ka̱ꞌa̱n ta̱Jesús ñayóꞌo, ndu̱va̱ꞌa ta̱ ndeé ndóꞌo.

San Mateo 9:2

Ta saá sava ni̱vi va̱xi na xíꞌin ñii ta̱ ndeé ndóꞌo no̱o̱ ta̱Jesús, kánóo ra no̱o̱ xi̱to, ñíso̱kó na, chi o̱n ki̱ví kanda ra. Tá ta̱Jesús xi̱ni ra ña kándixa na ndí kúndeé ra sandaꞌa ra ta̱táꞌan na, ta ni̱ka̱ꞌa̱n ta̱Jesús xíꞌin ta̱ ndeé ndóꞌo, káchí ra saá: ―Ñani, o̱n kuyi̱ꞌví ún. Vitin xa ki̱sa káꞌno ini i̱ xa̱ꞌa̱ kua̱chi ún ―káchí ta̱Jesús.

San Mateo 9:29

Ta saá ni̱to̱nda̱a ndaꞌa̱ ra nduchu̱ no̱o̱ ta̱kuáá yóꞌo, ta ni̱ka̱ꞌa̱n ra xíꞌin ra: ―Xa̱ꞌa̱ ña kándixa ndó yi̱ꞌi̱ saá ndaꞌa ndó vitin.

San Marcos 10:52

Ta ni̱ka̱ꞌa̱n ta̱Jesús xíꞌin ra: ―Va̱ꞌa kua̱noꞌo̱ ún. Xa ndu̱va̱ꞌa nduchu̱ no̱o̱ ún, saá chi kándixa ún yi̱ꞌi̱. Ta xa̱ndi̱ko̱n nda̱ꞌa nduchu̱ no̱o̱ ra, ta xa va̱ꞌa xíto ra, ta saá na̱kundiko̱n ra sa̱ta̱ ta̱Jesús.

San Marcos 5:34

Ta ni̱ka̱ꞌa̱n ta̱Jesús xíꞌin ñá: ―Nana, xa ndu̱va̱ꞌa ún chi kándixa ini ún yi̱ꞌi̱. Ta vitin noꞌo̱ ún, ta ná koo va̱ꞌa ini ún chi ndu̱va̱ꞌa ún, xa ke̱e kue̱ꞌe̱ yóꞌó.

San Lucas 17:19

Ta saá ni̱ka̱ꞌa̱n ta̱Jesús xíꞌin ta̱a ta̱ ndu̱va̱ꞌa: ―Nakundichi ún, ta kua̱noꞌo̱ ún. Xa ndu̱va̱ꞌa ún chi ka̱ndixa ún yi̱ꞌi̱ ―káchí ta̱Jesús xíꞌin ra.

San Lucas 18:42

Ta ni̱ka̱ꞌa̱n ta̱Jesús xíꞌin ra: ―Va̱ꞌa, xa ndu̱va̱ꞌa nduchu̱ no̱o̱ ún, saá chi kándixa ún yi̱ꞌi̱.

San Lucas 7:50

Ta ta̱Jesús ni̱ka̱ꞌa̱n ra xíꞌin ñaꞌa̱: ―Xa̱ꞌa̱ ña kándixa ún yi̱ꞌi̱, Ndios sa̱ka̱ku ra yóꞌó. Ta vitin ná koo va̱ꞌa ini ún ta kua̱noꞌo̱ ún veꞌe ún ―káchí ra xíꞌin ñá.

San Lucas 8:48

Ta ni̱ka̱ꞌa̱n ta̱Jesús xíꞌin ñá: ―Nana, xa ndu̱va̱ꞌa ún chi kándixa ini ún yi̱ꞌi̱. Ta vitin noꞌo̱ ún, ta ná koo va̱ꞌa ini ún.

San Juan 4:53

Ta saá ta̱káꞌno yóꞌo na̱káꞌán ra ndí mi̱i hora yóꞌo kúu ña ni̱ka̱ꞌa̱n ta̱Jesús xíꞌin ra ndí o̱n kivi̱ sa̱ꞌya ra. Ta saá ta̱chiño káꞌno yóꞌo xíꞌin ndiꞌi naveꞌe ra ka̱ndixa na ta̱Jesús.

Hechos 14:9

Ta ta̱a yóꞌo yóo ra xíni̱ so̱ꞌo ra to̱ꞌon káꞌa̱n ta̱Pablo, ta saá ta̱Pablo xi̱to káxín ra nduchu̱ no̱o̱ ta̱ o̱n ki̱ví kaka xáꞌá yóꞌo, ta ku̱nda̱a̱ ini ra ndí ta̱yóꞌo kándixa ra ndí Ndios kúchiño ra sandúva̱ꞌa ñaꞌá ra.

Hechos 16:18

Ta ñii ñii ki̱vi̱ ñii ki̱ꞌva kéꞌé ñá saá, ta ndíko̱n ñá sa̱ta̱ ndi̱. Ta saá ta̱Pablo, o̱n váꞌa na̱koni ini ra, ta ndi̱kó koo ra ta ni̱ka̱ꞌa̱n ra xíꞌin níma̱ ndiva̱ꞌa ña kómí ñáloꞌo ndáꞌyi yóꞌo, káchí ra saá: ―Xíꞌin nda̱yí ki̱vi̱ Jesucristo káꞌa̱n i̱ xíꞌin ún, kee ún ini ñáloꞌo yóꞌo ―káchí ta̱Pablo xíꞌin ñaníma̱ ndiva̱ꞌa. Ta saá xa̱ndi̱ko̱n ke̱ta ñaníma̱ ndiva̱ꞌa ini ñáloꞌo yóꞌo.

Hebreos 4:2

Mi̱i yó xa xi̱ni̱ so̱ꞌo yó to̱ꞌon va̱ꞌa ña nda̱to̱ꞌon Ndios ndí taxi ra ña ki̱ꞌvi yó no̱o̱ nakindée yó xíꞌin ra. To̱ꞌon yóꞌo ñii kúu ña xíꞌin ña xi̱ni̱ so̱ꞌo naxi̱i̱ síkuá yó kui̱ya̱ xi̱na̱ꞌá. Ta nda̱ ma̱ni̱ xi̱ni̱ so̱ꞌo na to̱ꞌon yóꞌo, chi o̱n vása ní‑xindaa ini na ña.