San Mateo 9:18 - Alacatlatzala Mixtec New Testament

¹⁸ Tá káꞌa̱n ta̱Jesús xíꞌin na, ta saá ki̱xaa̱ ñii ta̱ xáꞌnda chiño no̱o̱ nañoo judío, ta ki̱xaa̱ ra xi̱kuxítí ra no̱o̱ ta̱Jesús, ta ni̱ka̱ꞌa̱n ra, káchí ra saá xíꞌin ra: ―Tata, sa̱kán ni̱xiꞌi̱ ñáloꞌo sa̱ꞌya i̱. Ná ko̱ꞌo̱n ún xíꞌin i̱ veꞌe i̱, ta ná chinóo ún ndaꞌa̱ ún si̱ni̱ ñá, ta nataku̱ ñá ―káchí ta̱yóꞌo xíꞌin ta̱Jesús.

San Mateo 9:18 Iomraidhean Croise

San Mateo 14:33

Ta na ñóꞌo ini tón barco xi̱kuxítí na no̱o̱ ta̱Jesús, ta ki̱sa to̱ꞌó na ra, ni̱ka̱ꞌa̱n na saá xíꞌin ra: ―¡Ndixa yóꞌó kúu ún Sa̱ꞌya Ndios! ―káchí na.

San Mateo 15:25

Ta ñáñaꞌa̱ yóꞌo ni̱to̱nda̱a yatin ñá, ta xi̱kuxítí ñá no̱o̱ ta̱Jesús, ta ni̱ka̱ꞌa̱n ñá xíꞌin ra: ―Tata, ¡chindeé ún yi̱ꞌi̱!

San Mateo 17:14

Ta ki̱xaa̱ ta̱Jesús xíꞌin naxíka xíꞌin ra no̱o̱ nákutáꞌan kua̱ꞌa̱ ní ni̱vi, ta ñii ta̱a ki̱xaa̱ yatin ra no̱o̱ ta̱Jesús, ta xi̱kuxítí ra no̱o̱ ra.

San Mateo 20:20

Ta saá ki̱xaa̱ siꞌí ta̱Jacobo xíꞌin ta̱Juan, sa̱ꞌya ta̱Zebedeo kúu ra, ta ki̱xaa̱ ñá xíꞌin o̱vi̱ sa̱ꞌya ñá no̱o̱ ta̱Jesús, ta xi̱kuxítí ñá chi ndukú ñá ñii ñava̱ꞌa no̱o̱ ra.

San Mateo 28:17

Ta xi̱ni na ra ta ki̱sa to̱ꞌó na ra, vará sava nayóꞌo ni̱xika ini na án ndixa kúu ta̱yóꞌo ta̱Jesús.

San Mateo 8:2

Ta ki̱xaa̱ ñii ta̱a ta̱ ndeé ní ndóꞌo kue̱ꞌe̱ táꞌyí ña na̱ní lepra. Ki̱xaa̱ ra xi̱kuxítí ra no̱o̱ ta̱Jesús, ta káchí ra saá xíꞌin ra: ―Tata, tá kóni ún, ta sandaꞌa ún yi̱ꞌi̱ no̱o̱ kue̱ꞌe̱ ña ndóꞌo i̱ ―káchí ta̱ ndeé ndóꞌo xíꞌin ta̱Jesús.

San Mateo 8:25

Ta naxíka xíꞌin ra sa̱nakáxín na ini ra, ta ni̱ka̱ꞌa̱n na xíꞌin ra: ―Tata, ¡saka̱ku ún ndi̱ꞌi̱! ¡Yi̱yo ní ka̱ꞌa̱ ndiꞌi yó xíꞌin takuií, chi kua̱n ke̱tá tón barco ini mi̱ni!

San Mateo 9:17

Ta vino xa̱á, ta nda̱ ñii ni̱vi o̱n vása taan na rá ini ñii̱ yatá, saá chi ta̱ꞌnda̱ ñii̱ yóꞌo, ta kui̱ta̱ ndiꞌi távino ta ndiꞌi xa̱ꞌa̱ ñii̱. Xíni̱ ñóꞌó taan na távino xa̱á ini ñii̱ xa̱á, ta saá kundeé rá koo rá, ta ñii̱ xa̱á yóꞌo o̱n ta̱ꞌnda̱ ña ―káchí ta̱Jesús xíꞌin na.

San Mateo 9:19

Ta saá na̱kundichi ta̱Jesús, ta ke̱e ra kua̱ꞌa̱n ra sa̱ta̱ ta̱yóꞌo, ta naxíka xíꞌin ra kua̱ꞌa̱n na xíꞌin ra veꞌe ta̱yóꞌo.

San Mateo 9:24

Ta ni̱ka̱ꞌa̱n ra xíꞌin na: ―Kua̱ꞌa̱n ndiꞌi ndó keꞌé. Ñáloꞌo yóꞌo o̱n vása ní‑xiꞌi̱ ñá, ñá kísi̱n kuiti kúu ñá ―káchí ra. Ta saá ku̱siki na ta̱Jesús ta ni̱xaku̱ ndaa na ra.

San Lucas 13:14

Ta ta̱káꞌno no̱o̱ na veꞌe ño̱ꞌo sinagoga yóꞌo, sáa̱ ní ini ra xa̱ꞌa̱ ña sa̱ndaꞌa ta̱Jesús ñáyóꞌo, chi ki̱vi̱ yi̱i̱ ña nákindée najudío kúu ña, ta o̱n váꞌa kasa chiño ni̱vi ki̱vi̱ yóꞌo. Ta ni̱ka̱ꞌa̱n ra saá: ―Yóo i̱ño̱ ki̱vi̱ kasa chiño yó ñii ñii semana. Ña̱kán va̱ꞌa kixi ndó i̱ño̱ ki̱vi̱ yóꞌo nduva̱ꞌa ndó, ta ki̱vi̱ yi̱i̱ ña nákindée yó o̱n váꞌa kixi ndó ña nduva̱ꞌa ndó ―káchí ta̱káꞌno xíꞌin ni̱vi na ñóꞌo ini veꞌe ño̱ꞌo sinagoga.

San Lucas 18:18

Ñii ta̱chiño ki̱xaa̱ ra no̱o̱ ta̱Jesús, ta ni̱ka̱ꞌa̱n ra, káchí ra saá: ―Tata maestro, ta̱a va̱ꞌa ní ini kúu ún. ¿Ndá chiño va̱ꞌa xíni̱ ñóꞌó keꞌé i̱ ta taxi Ndios ña kutaku̱ i̱ xíꞌin ra ndiꞌi saá ki̱vi̱ ña va̱xi?

San Lucas 7:2

Ta yóo ñii ta̱ñoo Roma ta̱ ndíso chiño xíꞌin ñii ciento natropa kúu ra, ta ndeé ní ndóꞌo ñii ta̱ kísa chiño no̱o̱ ra nda̱ yóo ña kivi̱ ra. Ta ta̱patrón ra kíꞌvi ní ini ra xíni ñaꞌá ra.

San Juan 11:25

Ta nda̱kuii̱n ta̱Jesús, ni̱ka̱ꞌa̱n ra saá: ―Yi̱ꞌi̱ kúu ndee̱ ña táxi nataku̱ ni̱vi na ni̱xiꞌi̱, ta yi̱ꞌi̱ kúu ndee̱ ña táxi kutaku̱ ndinoꞌo ni̱vi. Ndiꞌi ni̱vi na kándixa yi̱ꞌi̱, vará kixaa̱ ñii ki̱vi̱ ña kivi̱ na, ta nayóꞌo ndixa kutaku̱ ndinoꞌo na ndiꞌi saá ki̱vi̱ va̱xi.

San Juan 11:32

Ta ni̱xaa̱ ñáMaría no̱o̱ yóo ta̱Jesús, ta xi̱kuxítí ñá xa̱ꞌa̱ ra, ta ni̱ka̱ꞌa̱n ñá xíꞌin ra, káchí ñá saá: ―Tata, tá ni̱xi̱yo ún xíꞌin ndi̱ yóꞌo, níkúu, ta o̱n kivi̱ ta̱ki̱ꞌva̱ i̱ ―káchí ñá.

Hechos 13:15

Ta saá ñii ta̱a na̱kundichi ra ta ka̱ꞌvi ra loꞌo to̱ꞌon Ndios ña ni̱taa ta̱Moisés, ta ka̱ꞌvi ra loꞌo to̱ꞌon Ndios ña ni̱taa inka̱ ta̱profeta xi̱na̱ꞌá ña xi̱ni̱ so̱ꞌo ni̱vi na ndóo yóꞌo. Ta ndi̱ꞌi ka̱ꞌvi ta̱yóꞌo, ta nanáꞌno veꞌe ño̱ꞌo sinagoga yóꞌo ni̱ka̱ꞌa̱n na xíꞌin naapóstol, káchí na saá xíꞌin na: ―Tata natáꞌan yó, tá yóo ka̱ to̱ꞌon ña ka̱ꞌa̱n ndó ña chikaa̱ ndó ndee̱ ini ndi̱, ta saá vitin ndúkú ndi̱ no̱o̱ ndó ña ka̱ꞌa̱n ndó ndato̱ꞌon ndó xíꞌin ndi̱ ―káchí nanáꞌno veꞌe ño̱ꞌo sinagoga xíꞌin ta̱Pablo ta xíꞌin ta̱Bernabé.

Hechos 28:8

Ta yivá ta̱Publio yóꞌo ndeé ní ndóꞌo ra, kómí ra kue̱ꞌe̱ kaꞌni̱, ta kóon ní ini ra ni̱i̱. Ta saá ni̱xa̱ꞌa̱n ta̱Pablo no̱o̱ kándúꞌu̱ ta̱ ndeé ndóꞌo yóꞌo, ta chi̱so ra ndaꞌa̱ ra si̱ni̱ ta̱yóꞌo, ta ndu̱kú ra no̱o̱ Ndios xa̱ꞌa̱ ra, ta saá ndu̱va̱ꞌa ra.