San Mateo 7:3 - Alacatlatzala Mixtec New Testament

³ Nda̱tán yóo ni̱vi na kíꞌin va̱ꞌa kuenda ña nákaa̱ ñii mi̱ꞌí loꞌo nduchu̱ no̱o̱ ñani táꞌan na, ta o̱n vása kíꞌin na kuenda ña nákaa̱ ñii yito̱n káꞌno nduchu̱ no̱o̱ mi̱i na, ta saá yóo ndóꞌó, chi kíꞌin va̱ꞌa ndó kuenda ña kua̱chi loꞌo kéꞌé natáꞌan ndó, ta o̱n vása kíꞌin ndó kuenda ña kua̱chi káꞌno kéꞌé mi̱i ndó.

San Mateo 7:3 Iomraidhean Croise

San Mateo 7:4

Tá ñii yito̱n káꞌno nákaa̱ nó nduchu̱ no̱o̱ ndó, ta o̱n váꞌa ka̱ꞌa̱n ndó xíꞌin ñani ndó, kachí ndó saá: “Taxi ún ná tava i̱ mi̱ꞌí loꞌo nákaa̱ nduchu̱ no̱o̱ ún”, kachí ndó.

San Mateo 7:5

Tá saá kéꞌé ndó, ta, ¡ni̱vi na o̱vi̱ yuꞌu̱ kúu ndóꞌó! Chi siꞌna xíni̱ ñóꞌó tava ndó yito̱n nákaa̱ nduchu̱ no̱o̱ ndó, ta saá kuchiño va̱ꞌa koto ndó ña tava ndó mi̱ꞌí loꞌo nákaa̱ nduchu̱ no̱o̱ ñani ndó.

San Lucas 18:11

Ta ta̱fariseo ñíndichi ra, ta káꞌa̱n ra xa̱ꞌa̱ mi̱i ra, káchí ra saá: “Tata Ndios, táxaꞌvi ún, yi̱ꞌi̱ o̱n vása yóo i̱ nda̱tán yóo inka̱ ni̱vi, chi o̱n si̱ví ta̱ kísa kuíꞌná kúu i̱, ni o̱n si̱ví ta̱ o̱n váꞌa kúu i̱, ni o̱n si̱ví ta̱ kísi̱n xíꞌin inka̱ ñaꞌa̱ kúu i̱, ni o̱n vása yóo i̱ nda̱tán yóo ta̱a ta̱ ñíndichi kaa̱, ta̱ káya si̱ꞌún xa̱ꞌa̱ nagobierno.

Romanos 2:1

Ta ndóꞌó, o̱n vása va̱ꞌa káꞌa̱n ndó ndí ndasaá kuiti inka̱ ni̱vi kúu na o̱n váꞌa, ta ndíso na kua̱chi no̱o̱ Ndios. Tá káꞌa̱n ndó to̱ꞌon o̱n váꞌa yóꞌo xa̱ꞌa̱ inka̱ ni̱vi, ta ñii ki̱ꞌva saá sákuiso ndó kua̱chi sa̱ta̱ mi̱i ndó, chi mi̱i ndó ñii ki̱ꞌva saá kéꞌé ndó ña o̱n váꞌa nda̱tán kéꞌé ni̱vi yóꞌo.

Gálatas 6:1

Nañani yó xíꞌin náki̱ꞌva̱ yó, tá yóo ñii ni̱vi na kándixa Jesucristo ta na̱kava na ke̱ꞌé na ña o̱n váꞌa, ta ndóꞌó, ni̱vi na va̱ꞌa táku̱ nda̱tán kóni Níma̱ Ndios, xíni̱ ñóꞌó chindeé ndó ta̱ñani yó án ñáki̱ꞌva̱ yó yóꞌo xa̱ꞌa̱ ña tuku va̱ꞌa nakiꞌin na kundiko̱n na yichi̱ ña nda̱a̱. Ta ki̱vi̱ ka̱ꞌa̱n ndó xíꞌin na, ta xíꞌin to̱ꞌon ña to̱ꞌó ta xíꞌin ña ni̱no̱ ini ndó ka̱ꞌa̱n ndó xíꞌin na. Ta ndixa koto va̱ꞌa xíꞌin mi̱i ndó ko̱to̱ ñii ki̱vi̱ ñii ki̱ꞌva saá ña o̱n váꞌa koto ndoso ña ndóꞌó ta nakava ndó keꞌé ndó ña o̱n váꞌa.