San Mateo 6:30 - Alacatlatzala Mixtec New Testament

³⁰ Vará nda̱ loꞌo ki̱vi̱ táku̱ yita válí yuku̱, chi ñii ki̱vi̱ ndáxaa ña, ta inka̱ ki̱vi̱ ndáꞌva̱ ña, ta saá táan na ña ini xi̱to̱n ko̱ko̱ ña, ta Ndios ndáa ra ña, ta ndátón sákundixin ra ña. Ñayóꞌo sánáꞌa ndí Ndios ndáa va̱ꞌa ra ndóꞌó, chi ndóꞌó ndáya̱ꞌví ní ka̱ ndó no̱o̱ yita válí. ¿Nda̱chun loꞌo ní kándixa ndó Ndios ña kundaa ra ndóꞌó?

San Mateo 6:30 Iomraidhean Croise

San Mateo 14:31

Ta ta̱Jesús xa̱ndi̱ko̱n sa̱nakaa̱ ra ndaꞌa̱ ra, ta ti̱in ra ta̱Pedro, ta ni̱ka̱ꞌa̱n ra xíꞌin ra: ―¡Ta̱a ta̱ loꞌo ní kándixa ini yi̱ꞌi̱ kúu yóꞌó! ¿Nda̱chun xíka ini ún, ta o̱n vása kándixa ún yi̱ꞌi̱ chindeé i̱ yóꞌó?

San Mateo 16:8

Ta ku̱nda̱a̱ ini ta̱Jesús yukía̱ ni̱ka̱ꞌa̱n xíꞌin táꞌan na, ta káchí ra saá xíꞌin na: ―Na o̱n vása kándixa kúu ndó. ¿Nda̱chun káꞌa̱n xíꞌin táꞌan ndó: “O̱n ko̱ó si̱ta̱ va̱ꞌa níꞌi yó”, káchí ndó?

San Mateo 17:17

Ta nda̱kuii̱n ta̱Jesús, ni̱ka̱ꞌa̱n ra xíꞌin ni̱vi: ―¡Ni̱vi na toon ní ini kúu ndóꞌó, ta o̱n xi̱in ndó kandixa ndó Ndios! ¿Ndasaá ka̱ ki̱vi̱ xíni̱ ñóꞌó kutaku̱ i̱ xíꞌin ndó? ¿Nda̱ ama kundeé ini i̱ xíꞌin ndó? Ta vitin, va̱ꞌa taxi ndó ná kixi ta̱loꞌo yóꞌo no̱o̱ i̱ ―káchí ra.

San Mateo 8:26

Ta ni̱ka̱ꞌa̱n ta̱Jesús xíꞌin na: ―¿Nda̱chun yíꞌví ní ndó? ¿Nda̱chun o̱n vása kándixa ndó Ndios ndáa ra ndóꞌó? Ta nda̱koo ta̱Jesús, ta xa̱ꞌnda chiño ra no̱o̱ ta̱chi̱ naꞌá xíꞌin takuií mi̱ni. Ta saá ku̱tásin ta̱chi̱ naꞌá xíꞌin takuií mi̱ni, ñii ya̱a̱ ya̱a̱ ku̱u.

San Marcos 4:40

Ta ni̱ka̱ꞌa̱n ta̱Jesús xíꞌin naxíka xíꞌin ra: ―¿Nda̱chun yíꞌví ní ndó? ¿Nda̱chun o̱n vása kándixa ndó Ndios ndáa ra ndóꞌó?

San Marcos 9:19

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―¡Ni̱vi na o̱n xi̱in kandixa Ndios kúu ndóꞌó! ¿Ndasaá ka̱ ki̱vi̱ xíni̱ ñóꞌó kutaku̱ i̱ xíꞌin ndó? ¿Nda̱ ama kundeé ini i̱ xíꞌin ndó? Ta vitin, va̱ꞌa taxi ndó ná kixi ta̱loꞌo yóꞌo no̱o̱ i̱ ―káchí ta̱Jesús.

San Lucas 12:28

Vará nda̱ loꞌo ki̱vi̱ táku̱ yita válí yuku̱, chi ñii ki̱vi̱ ndáxaa ña, ta inka̱ ki̱vi̱ ndáꞌva̱ ña, ta saá táan na ña ini xi̱to̱n ko̱ko̱ ña, ta Ndios ndáa ra ña, ta livi ndátón sákundixin ra ña. Ñayóꞌo sánáꞌa ndí Ndios ndáa va̱ꞌa ra ndóꞌó, chi ndóꞌó ndáya̱ꞌví ní ka̱ ndó no̱o̱ yita válí. ¡Nda̱chun loꞌo ní kándixa ndó Ndios ña kundaa ra ndóꞌó!

San Lucas 9:41

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―¡Ni̱vi na toon ní ini kúu ndóꞌó, ta o̱n xi̱in ndó kandixa ndó Ndios! ¿Ndasaá ka̱ ki̱vi̱ xíni̱ ñóꞌó kutaku̱ i̱ xíꞌin ndó? ¿Nda̱ ama kundeé ini i̱ xíꞌin ndó? ―káchí ra. Ta saá ni̱ka̱ꞌa̱n ta̱Jesús xíꞌin yivá ta̱loꞌo ta̱ kómí níma̱ ndiva̱ꞌa: ―Naꞌa xíꞌin sa̱ꞌya ún ―káchí ra.

San Juan 20:27

Ta saá ni̱ka̱ꞌa̱n ra xíꞌin ta̱Tomás, káchí ra: ―Naꞌa kixi ún, ta chikaa̱ ún nduku ndaꞌa̱ ún yóꞌo, no̱o̱ yóo yavi̱ ndaꞌa̱ i̱, ta koto ún ña. Ta chikaa̱ ún nduku ndaꞌa̱ ún no̱o̱ yóo yavi̱ sii̱n kándíká i̱. Ta saá o̱n kuu ka̱ ún ta̱a ta̱ o̱n vása kándixa, ta va̱ꞌa kuu ún ta̱a ta̱ kándixa ñanda̱a̱ ―káchí ta̱Jesús xíꞌin ta̱Tomás.

Hebreos 3:12

Ta ndóꞌó, nañani yó xíꞌin náki̱ꞌva̱ yó, koto va̱ꞌa ndó ndí nda̱ ñii ndó o̱n kuu ndó ni̱vi na o̱n xi̱in kandixa Ndios ta̱a ta̱táku̱, ta kasa toon ini ndó ta kuxíká ndó no̱o̱ ra.

1 Pedro 1:24

Chi to̱ꞌon Ndios, ña ni̱taa ñii ta̱profeta xi̱na̱ꞌá, káchí ña saá: Ndiꞌi ni̱vi nda̱tán yóo ku̱ꞌu̱ kuíi̱, saá yóo na. Ñakáꞌno livi ña kómí ni̱vi, yóo ña nda̱tán yóo yita livi ña xáꞌno no̱o̱ ku̱ꞌu̱ kuíi̱. Chi ku̱ꞌu̱ kuíi̱ yíchi̱ ña, ta ñii ki̱ꞌva saá yíchi̱ yita livi xíꞌin ña, ta nakava ña no̱o̱ ñoꞌo̱ ta ndiꞌi xa̱ꞌa̱ ñayóꞌo;