San Mateo 6:28 - Alacatlatzala Mixtec New Testament

²⁸ ’¿Nda̱chun ndíꞌi ini ndó xa̱ꞌa̱ tiko̱to̱ ña xíni̱ ñóꞌó ndó? Koto ndó ndasaá livi ndáxaa yita ña yóo yuku̱; yita yóꞌo o̱n vása kísa chiño ña, ni o̱n vása kísa va̱ꞌa ña tiko̱to̱ ña.

San Mateo 6:28 Iomraidhean Croise

San Mateo 10:10

ni leká ndó, ni inka̱ tiko̱to̱ ndó, ni inka̱ ndu̱xa̱n ndó, ni o̱n kuniꞌi ndó yito̱n. Chi ndóꞌó kómí ndó nda̱yí nakiꞌin ndó ña xíni̱ ñóꞌó no̱o̱ ndó, ndaꞌa̱ ni̱vi na keꞌé ndó ñava̱ꞌa xíꞌin.

San Mateo 6:25

Ta tuku káchí ta̱Jesús saá xíꞌin na: ―Ta káꞌa̱n i̱ xíꞌin ndó, o̱n kundiꞌi ini ndó xa̱ꞌa̱ ña xíni̱ ñóꞌó kutaku̱ ndó, ni o̱n kundiꞌi ini ndó mí kixi ña kuxu ndó, ña koꞌo ndó, ni o̱n kundiꞌi ini ndó xa̱ꞌa̱ tiko̱to̱ ña kundixin ndó ñoyívi yóꞌo, saá chi níma̱ yó ndáya̱ꞌví ní ka̱ ña no̱o̱ ña xíxi yó, ta yi̱kí ko̱ñu yó ndáya̱ꞌví ní ka̱ ña no̱o̱ tiko̱to̱ yó.

San Mateo 6:27

Ta ndóꞌó, o̱n si̱ví xíꞌin ña ndíꞌi ní ini ndó kúu ña kúchiño ndó sakuaꞌno síkón ka̱ ndó xíꞌin mi̱i ndó, chi ñii la̱á Ndios kúu ta̱ xáꞌnda chiño ndasaá ki̱ꞌva síkón koo ndó.

San Mateo 6:31

Ta saá o̱n kundiꞌi ini ndó, ta ni o̱n ka̱ꞌa̱n ndó, kachí ndó saá: “¿Mí kixi ña kuxu yó? ¿Mí kixi ña koꞌo yó? ¿Mí kixi ña kundixin yó?”, o̱n kachí ndó saá.

San Lucas 10:41

Ta nda̱kuii̱n ra: ―Nana, ndíꞌi ní ini ún chi yóo kua̱ꞌa̱ ní chiño.

San Lucas 12:11

Ta ni̱ka̱ꞌa̱n ka̱ ra xíꞌin naxíka xíꞌin ra, káchí ra saá: ―Tá tiin na ndóꞌó ko̱ꞌo̱n ndó xíꞌin na, ta taxi na kua̱chi xa̱ꞌa̱ ndó no̱o̱ nachiño án no̱o̱ nanáꞌno veꞌe ño̱ꞌo sinagoga, ta o̱n kundiꞌi ini ndó xa̱ꞌa̱ to̱ꞌon ña ndakuii̱n ndó.

San Lucas 12:22

Ta saá ni̱ka̱ꞌa̱n ta̱Jesús xíꞌin naxíka xíꞌin ra: ―Ta káꞌa̱n i̱ xíꞌin ndó, o̱n kundiꞌi ini ndó xa̱ꞌa̱ ña xíni̱ ñóꞌó kutaku̱ ndó, ni o̱n kundiꞌi ini ndó mí kixi ña kuxu ndó, ni o̱n kundiꞌi ini ndó xa̱ꞌa̱ tiko̱to̱ ña kundixin ndó ñoyívi yóꞌo.

San Lucas 12:27

’Koto ndó ndasaá livi ndáxaa yita ña yóo yuku̱; yita yóꞌo o̱n vása kísa chiño ña, ni o̱n vása kísa va̱ꞌa ña tiko̱to̱ ña. Ta ndixa káꞌa̱n i̱ xíꞌin ndó, vará ta̱rey Salomón, ta̱kuíká ní xi̱kuu ra, ta xi̱komí ní ra kua̱ꞌa̱ ní tiko̱to̱ va̱ꞌa, ta yita ña yóo yuku̱, livi ní ka̱ ña no̱o̱ tiko̱to̱ va̱ꞌa ña xi̱ndixin ta̱yóꞌo.

San Lucas 3:11

Ta nda̱kuii̱n ta̱Juan, ni̱ka̱ꞌa̱n ra: ―Tá yóo ñii ta̱a, ta kómí ra o̱vi̱ tiko̱to̱, ta xíni̱ ñóꞌó taxi ra ñii tiko̱to̱ ndaꞌa̱ ta̱a ta̱ o̱n ko̱ó nda̱ ñii tiko̱to̱ kómí. Tá yóo ña xíxi ñii ta̱a, ta xíni̱ ñóꞌó taxi ra ña kuxu ta̱a ta̱ o̱n ko̱ó ñaxíxi ―káchí ta̱Juan xíꞌin na.

Filipenses 4:6

O̱n vása sandiꞌi ndó ini ndó xa̱ꞌa̱ nda̱ ñii ñayo̱ꞌvi̱ ndóꞌo ndó, ta nda̱ víka̱, ndato̱ꞌon ndó xíꞌin Ndios xa̱ꞌa̱ ndiꞌi ñayo̱ꞌvi̱ ndóꞌo ndó ta ndato̱ꞌon ndó xíꞌin ra xa̱ꞌa̱ ndiꞌi ña sándiꞌi ini ndó, ta kuaku ndáꞌví ndó no̱o̱ ra xa̱ꞌa̱ ndiꞌi ña xíni̱ ñóꞌó ndó. Ta tuku taxi ndó ña táxaꞌvi ñaꞌá ndaꞌa̱ Ndios xa̱ꞌa̱ ñava̱ꞌa kéꞌé ra xíꞌin ndó.

1 Pedro 5:7

Taxi ndó ndiꞌi ña sándiꞌi ini ndó ndaꞌa̱ Ndios, chi ta̱yóꞌo kíꞌvi ní ini ra xíni ra ndóꞌó ta ndáa ra ndóꞌó.