San Mateo 5:21 - Alacatlatzala Mixtec New Testament

²¹ Ta ta̱Jesús ni̱ka̱ꞌa̱n tuku ra saá xíꞌin ni̱vi: ―Xa xi̱ni̱ so̱ꞌo ndó ña ni̱ka̱ꞌa̱n namaestro na sa̱náꞌa nda̱yí Ndios xi̱na̱ꞌá. Ni̱ka̱ꞌa̱n na xíꞌin naxi̱i̱ síkuá yó, káchí na saá: “O̱n kaꞌni ndó ni̱vi. Tá ñii ta̱a xa̱ꞌni ra inka̱ ta̱a, ta saá xíni̱ ñóꞌó ko̱ꞌo̱n ra no̱o̱ nachiño ña kasa nani na xa̱ꞌa̱ kua̱chi ra”, káchí namaestro.

San Mateo 5:21 Iomraidhean Croise

San Mateo 5:27

Ta tuku káchí ta̱Jesús saá xíꞌin na: ―Xa xi̱ni̱ so̱ꞌo ndó ña ni̱ka̱ꞌa̱n namaestro na sa̱náꞌa nda̱yí Ndios xi̱na̱ꞌá, káchí na saá: “O̱n váꞌa ku̱su̱n ñii ta̱a xíꞌin ñii ñaꞌa̱ ñá o̱n si̱ví kúu ñásíꞌí ra”, káchí namaestro.

San Mateo 5:33

Ta káchí ta̱Jesús saá: ―Xa xi̱ni̱ so̱ꞌo ndó ña ni̱ka̱ꞌa̱n namaestro xíꞌin naxi̱i̱ síkuá yó xi̱na̱ꞌá, káchí na saá: “Tá chínáꞌa ndó Yivá yó Ndios ña kasa ndivi ndó ñii chiño, ta saá xíni̱ ñóꞌó kasa ndivi ndó ndiꞌi ña káꞌa̱n ndó”, káchí namaestro.

San Mateo 5:38

Ta tuku káchí ta̱Jesús saá xíꞌin ni̱vi: ―Xa xi̱ni̱ so̱ꞌo ndó ña ni̱ka̱ꞌa̱n namaestro xi̱na̱ꞌá, káchí na saá: “Tá yóo ñii ta̱a sa̱takuéꞌe̱ ra nduchu̱ no̱o̱ inka̱ ta̱a, ta yóo nda̱yí ñii ki̱ꞌva saá satakuéꞌe̱ na nduchu̱ no̱o̱ mi̱i ra. Tá yóo ñii ta̱a ka̱ni ra yuꞌu̱ inka̱ ta̱a ta ta̱yóꞌo na̱kava ñii no̱ꞌo ra, ta yóo nda̱yí ñii ki̱ꞌva saá kani na yuꞌu̱ ra ta nakava ñii no̱ꞌo mi̱i ra”, káchí namaestro.

San Mateo 5:43

Ta tuku káchí ta̱Jesús saá xíꞌin na: ―Xa xi̱ni̱ so̱ꞌo ndó ña ni̱ka̱ꞌa̱n namaestro xi̱na̱ꞌá, káchí na saá: “Kukiꞌvi ini ndó koni ndó natáꞌan ndó, ta kusaa̱ ini ndó koni ndó na sáa̱ ini xíni ndóꞌó”, káchí namaestro.

1 Juan 3:15

Ta ndiꞌi ni̱vi na sáa̱ ini xíni natáꞌan na, ta ni̱vi yóꞌo ñii ki̱ꞌva kúu na xíꞌin ni̱vi na xíka xáꞌni inka̱ ni̱vi. Ta xíni̱ yó ndí ndiꞌi ni̱vi na xíka xáꞌni inka̱ ni̱vi, o̱n si̱ví ni̱vi na táku̱ no̱o̱ Ndios kúu nayóꞌo.