San Mateo 4:4 - Alacatlatzala Mixtec New Testament

⁴ Ta nda̱kuii̱n ta̱Jesús, káchí ra saá xíꞌin ñaníma̱ ndiva̱ꞌa: ―To̱ꞌon Ndios káchí ña saá: “O̱n si̱ví nina ña xíxi ni̱vi kúu ña xíni̱ ñóꞌó ña kutaku̱ na. Ta xíni̱ ñóꞌó kandixa va̱ꞌa na to̱ꞌon Ndios, ta saá kutaku̱ na”, káchí to̱ꞌon Ndios ―káchí ta̱Jesús xíꞌin ñaníma̱ ndiva̱ꞌa.

San Mateo 4:4 Iomraidhean Croise

San Mateo 15:11

Ña xíxi ni̱vi ta ña kíꞌvi yuꞌu̱ na, ta o̱n vása ndása ña nduu ni̱vi na ya̱kua̱ no̱o̱ Ndios. Ta to̱ꞌon ña o̱n váꞌa va̱xi yuꞌu̱ ni̱vi, ta ñayóꞌo ndása ña nduu ni̱vi na ya̱kua̱ no̱o̱ Ndios ―káchí ta̱Jesús xíꞌin na.

San Mateo 4:10

Ta nda̱kuii̱n ta̱Jesús, ni̱ka̱ꞌa̱n ra xíꞌin ña: ―¡Kutaꞌa ún no̱o̱ i̱, yóꞌó, ñaníma̱ ndiva̱ꞌa káꞌno Satanás!, chi káchí to̱ꞌon Ndios saá: “Ndasaá kuiti Ndios kasa to̱ꞌó yó, ta kasa ndivi yó xíꞌin ra, ta o̱n kasa to̱ꞌó yó, ni o̱n kasa ndivi yó xíꞌin inka̱ na”, káchí to̱ꞌon Ndios ―saá ni̱ka̱ꞌa̱n ta̱Jesús xíꞌin ñaníma̱ ndiva̱ꞌa.

San Mateo 4:7

Ta nda̱kuii̱n ta̱Jesús: ―Saá tuku káchí to̱ꞌon Ndios: “O̱n váꞌa koto ndoso yó Ndios” ―káchí ta̱Jesús xíꞌin ñaníma̱ ndiva̱ꞌa.

San Marcos 7:20

Ta ni̱ka̱ꞌa̱n ka̱ ra xíꞌin na: ―Ña o̱n váꞌa va̱xi níma̱ ni̱vi kúu ña ndása ña nduu ni̱vi na ya̱kua̱ no̱o̱ Ndios.

San Lucas 4:12

Ta nda̱kuii̱n ta̱Jesús: ―Saá tuku káchí to̱ꞌon Ndios: “O̱n váꞌa koto ndoso yó Ndios” ―káchí ta̱Jesús.

San Lucas 4:4

Ta nda̱kuii̱n ta̱Jesús, káchí ra saá xíꞌin ñaníma̱ ndiva̱ꞌa: ―To̱ꞌon Ndios káchí ña saá: “O̱n si̱ví nina ña xíxi ni̱vi kúu ña xíni̱ ñóꞌó kutaku̱ na. Ta xíni̱ ñóꞌó kandixa va̱ꞌa na to̱ꞌon Ndios, ta saá kutaku̱ na”, káchí to̱ꞌon Ndios ―káchí ta̱Jesús xíꞌin ñaníma̱ ndiva̱ꞌa.

San Lucas 4:8

Ta ta̱Jesús nda̱kuii̱n ra, ni̱ka̱ꞌa̱n ra xíꞌin ña: ―¡Kutaꞌa ún no̱o̱ i̱, yóꞌó, ñaníma̱ ndiva̱ꞌa káꞌno Satanás! Chi káchí to̱ꞌon Ndios saá: “Ndasaá kuiti Ndios kasa to̱ꞌó yó, ta kasa ndivi yó chiño ra, ta o̱n kasa to̱ꞌó yó, ni o̱n kasa ndivi yó chiño inka̱ na”, káchí to̱ꞌon Ndios ―saá ni̱ka̱ꞌa̱n ta̱Jesús xíꞌin ñaníma̱ ndiva̱ꞌa.

San Juan 15:26

Ta ni̱ka̱ꞌa̱n ka̱ ta̱Jesús xíꞌin naxíka xíꞌin ra, káchí ra saá: ―Va̱xi ki̱vi̱ kixaa̱ Níma̱ Ndios no̱o̱ ndó, ta Níma̱ yóꞌo kúu ña chíkaa̱ ndee̱ ini ni̱vi, ta ndáto̱ꞌon ña ndasaá kuiti ñanda̱a̱ ndinoꞌo xíꞌin ni̱vi. Níma̱ yóꞌo kee ña no̱o̱ Ndios ta kixaa̱ ña no̱o̱ ndó, chi yi̱ꞌi̱ tiꞌví i̱ ña xíꞌin nda̱yí Yivá i̱, ta Níma̱ Ndios yóꞌo ka̱ꞌa̱n ña xíꞌin ndó ndiꞌi ñanda̱a̱ xa̱ꞌa̱ i̱.

San Juan 6:63

Ñii la̱á Níma̱ Ndios kómí ña ndee̱ ña taxi ña kutaku̱ ndinoꞌo ni̱vi, ta ndee̱ ña kómí yi̱kí ko̱ñu ni̱vi o̱n vása kúndeé ña taxi ña kutaku̱ ndinoꞌo nda̱ ñii ni̱vi. To̱ꞌon ña ni̱ka̱ꞌa̱n i̱ xíꞌin ndó kúu to̱ꞌon Níma̱ Ndios ta kómí ña ndee̱ ña taxi ña kutaku̱ ndinoꞌo ndó.

Romanos 15:4

Ta ndiꞌi to̱ꞌon Ndios ña ni̱taa na xi̱na̱ꞌá kúu ña to̱ꞌon ña ni̱taa na xa̱ꞌa̱ ña sanáꞌa ña mi̱i yó. Ta ni̱taa na to̱ꞌon Ndios yóꞌo xa̱ꞌa̱ ña chikaa̱ ña ndee̱ ini yó ña kundeé yó kundiko̱n yó yichi̱ Ndios. Ta saá ndáti yó ta ndáa ini yó ndí keta va̱ꞌa ña xíꞌin yó, chi Ndios ndixa kasa ndivi ra ndiꞌi to̱ꞌon ra.

Efesios 6:17

Nda̱tán yóo casco ña ndási̱ si̱ni̱ natropa ña o̱n vása táxi takuéꞌe̱ si̱ni̱ na, saá yóo ndee̱ Jesucristo ña sáka̱ku ra ndóꞌó no̱o̱ ña o̱n váꞌa ña sándiꞌi xa̱ꞌa̱ ndó. Ta nda̱tán yóo espada si̱i̱n ña kúchiño kundeé no̱o̱ ndiꞌi ña o̱n váꞌa, saá yóo to̱ꞌon Ndios ña táxi Níma̱ Ndios ndaꞌa̱ ndó.