San Mateo 4:12 - Alacatlatzala Mixtec New Testament

¹² Ki̱vi̱ xi̱ni̱ so̱ꞌo ta̱Jesús xa̱ꞌa̱ ña chi̱kaa̱ na ta̱Juan ini veꞌe ka̱a, ta ndi̱kó ta̱Jesús kua̱noꞌo̱ ra estado Galilea.

San Mateo 4:12 Iomraidhean Croise

San Mateo 11:2

Ta ta̱Juan ta̱a ta̱ sa̱kuchu ni̱vi, nákaa̱ ra ini veꞌe ka̱a, ta xi̱ni̱ so̱ꞌo ra xa̱ꞌa̱ ndiꞌi ñava̱ꞌa kéꞌé ta̱Jesús xíꞌin ni̱vi, ta ti̱ꞌví ra o̱vi̱ naxíka xíꞌin ra kua̱ꞌa̱n na no̱o̱ ta̱Jesús, ta ni̱xaa̱ na no̱o̱ ra,

San Mateo 14:3

Ni̱ka̱ꞌa̱n ta̱Herodes to̱ꞌon yóꞌo chi xáni si̱ni̱ ra xa̱ꞌa̱ ña o̱n váꞌa ke̱ꞌé ra xíꞌin ta̱Juan. Chi ta̱Juan ni̱ka̱ꞌa̱n ra kua̱ꞌa̱ ní yichi̱ xíꞌin ta̱Herodes, káchí ra saá: ―Nda̱yí Ndios ña ni̱taa ta̱Moisés káchí ña, o̱n ko̱ó yichi̱ nakiꞌin ún ñásíꞌí ñani ún koo ñá xíꞌin ún ―káchí ra. Saá chi ta̱Herodes xa ni̱tonda̱ꞌa̱ ra xíꞌin ñáHerodías ñásíꞌí ta̱Felipe ta̱ kúu ñani mi̱i ra. Ta ta̱Herodes, xa̱ꞌa̱ ña sakusii̱ ra ini ñásíꞌí ra yóꞌo, xa̱ꞌnda chiño ra no̱o̱ natropa ña tiin na ta̱Juan, ta ka̱tón na ra ta chi̱kaa̱ na ra ini veꞌe ka̱a.

San Marcos 1:14

Ki̱vi̱ chi̱kaa̱ na ta̱Juan ini veꞌe ka̱a, ta ta̱Jesús kua̱ꞌa̱n ra estado Galilea, ta ni̱ka̱ꞌa̱n ndoso ra to̱ꞌon ñava̱ꞌa xa̱ꞌa̱ Ndios xíꞌin ni̱vi,

San Marcos 6:17

Ni̱ka̱ꞌa̱n ta̱Herodes to̱ꞌon yóꞌo chi xáni si̱ni̱ ra xa̱ꞌa̱ ña o̱n váꞌa ni̱keꞌé ra xíꞌin ta̱Juan. Chi ta̱Juan ni̱ka̱ꞌa̱n ra kua̱ꞌa̱ ní yichi̱ xíꞌin ta̱Herodes, káchí ra saá: ―Nda̱yí Ndios ña ni̱taa ta̱Moisés káchí ña, o̱n ko̱ó yichi̱ nakiꞌin ún ñásíꞌí ñani ún koo ñá xíꞌin ún ―káchí ra. Saá chi ta̱Herodes xa ni̱tonda̱ꞌa̱ ra xíꞌin ñáHerodías ñásíꞌí ta̱Felipe ta̱ kúu ñani mi̱i ra. Ta ta̱Herodes, xa̱ꞌa̱ ña sakusii̱ ra ini ñásíꞌí ra yóꞌo, xa̱ꞌnda chiño ra no̱o̱ natropa ña tiin na ta̱Juan, ta ka̱tón na ra, ta chi̱kaa̱ na ra ini veꞌe ka̱a.

San Lucas 23:5

Ta tuku tuku ndeé ka̱ ni̱ka̱ꞌa̱n na xíꞌin ta̱Pilato saá: ―Xíꞌin to̱ꞌon ña sánáꞌa ta̱yóꞌo sásaa̱ ra ni̱vi ndiꞌi saá ñoo estado Judea ña kani táꞌan na xíꞌin nagobierno. Ki̱xáꞌá ra ñoo estado Galilea sásaa̱ ra ni̱vi, ta̱nda̱ ñoo Jerusalén yóꞌo sásaa̱ ra ni̱vi xíꞌin to̱ꞌon ña o̱n váꞌa káꞌa̱n ra.

San Lucas 3:20

Ta xíꞌin ndiꞌi ña o̱n váꞌa yóꞌo, ta̱Herodes ke̱ꞌé ka̱ ra inka̱ ña o̱n váꞌa ní ka̱ ña chi̱kaa̱ ra ta̱Juan ini veꞌe ka̱a.

San Lucas 4:14

Ta saá ndi̱kó ta̱Jesús kua̱ꞌa̱n ra, ta na̱xaa̱ ra estado Galilea, ta ndee̱ Níma̱ Ndios yóo ña xíꞌin ra. Ta ni̱xi̱ta̱ níꞌnó to̱ꞌon xa̱ꞌa̱ ra ñii ñii ñoo.

San Lucas 4:31

Ta ni̱xaa̱ ta̱Jesús ñoo Capernaum estado Galilea, ta ki̱ndo̱o ra yóꞌo. Ta ndiꞌi saá ki̱vi̱ yi̱i̱ ña nákindée najudío, kíꞌvi ra veꞌe ño̱ꞌo sinagoga, ta sánáꞌa ra ni̱vi.

San Juan 1:43

Ta ni̱ti̱vi inka̱ ki̱vi̱, ta xáni si̱ni̱ ta̱Jesús ko̱ꞌo̱n ra ñoo estado Galilea. Ta ke̱e ra kua̱ꞌa̱n ra, ta ni̱xaa̱ ra ñoo yóꞌo, ta na̱níꞌi ra ta̱Felipe. Ta ni̱ka̱ꞌa̱n ra xíꞌin ra, káchí ra saá: ―Naꞌa, kundiko̱n ún sa̱ta̱ i̱ ―káchí ta̱Jesús xíꞌin ta̱Felipe.

San Juan 2:11

Ta seña yóꞌo kúu ñano̱ó ke̱ꞌé ta̱Jesús, ta ñoo Caná ña nákaa̱ estado Galilea kúu no̱o̱ ke̱ꞌé ra ña. Xíꞌin ñava̱ꞌa yóꞌo ta̱Jesús sa̱náꞌa ra ndee̱ káꞌno ña livi ní kómí ra. Ta naxíka xíꞌin ta̱Jesús ka̱ndixa na ra.

San Juan 3:24

Saá chi o̱n ta̱ꞌán kixaa̱ ki̱vi̱ tiin na ta̱Juan ko̱ꞌo̱n ra veꞌe ka̱a.

San Juan 4:43

Tá ni̱yaꞌa o̱vi̱ ki̱vi̱ ni̱xi̱yo ta̱Jesús ñoo Samaria, ta saá ke̱e ra kua̱noꞌo̱ ra ñoo estado Galilea.

San Juan 4:54

Ñayóꞌo kúu milagro ñao̱vi̱ ke̱ꞌé ta̱Jesús ñoo estado Galilea, ta ke̱ꞌé ra ñava̱ꞌa yóꞌo ki̱vi̱ ndi̱kó ra ki̱xaa̱ ra, ña ni̱xa̱ꞌa̱n ra ñoo Judea.