San Mateo 27:46 - Alacatlatzala Mixtec New Testament

⁴⁶ Ta ka̱a u̱ni̱ kúu ña, ta saá ndeé va̱ꞌa ni̱ka̱ꞌa̱n ta̱Jesús, káchí ra saá: ―Elí, Elí, ¿lama sabactani? ―káchí ta̱Jesús. To̱ꞌon yóꞌo káchí ña saá: Tata Yivá mi̱i i̱, Tata Yivá mi̱i i̱, ¿nda̱chun sa̱ndakoo ún yi̱ꞌi̱?, káchí ña.

San Mateo 27:46 Iomraidhean Croise

San Mateo 27:47

Ta sava ni̱vi na yíta yatin yóꞌo, xi̱ni̱ so̱ꞌo na ña ni̱ka̱ꞌa̱n ra, ta káchí na saá: ―Ta̱yóꞌo kána ra ta̱profeta Elías ña chindeé ñaꞌá ra ―káchí na.

San Marcos 15:34

Ta ka̱a u̱ni̱ kúu ña, ta saá ndeé va̱ꞌa ni̱ka̱ꞌa̱n ta̱Jesús, káchí ra saá: ―Eloi, Eloi, ¿lama sabactani? ―káchí ta̱Jesús. To̱ꞌon yóꞌo káchí ña saá: Tata Yivá mi̱i i̱, Tata Yivá mi̱i i̱, ¿nda̱chun sa̱ndakoo ún yi̱ꞌi̱?, káchí ña.

San Lucas 23:46

Ta saá ta̱Jesús xíꞌin ndiꞌi ndee̱ ra ni̱ka̱ꞌa̱n ra xíꞌin Ndios: ―Tata Yivá i̱, ndaꞌa̱ mi̱i ún táxi i̱ níma̱ i̱. Ta ndi̱ꞌi ni̱ka̱ꞌa̱n ra saá, ta ni̱xiꞌi̱ ra.

Hebreos 5:7

Táꞌan ni̱xika Jesucristo ñoyívi yóꞌo, ta xíꞌin ndiꞌi ndee̱ níma̱ ra ni̱ka̱ꞌa̱n ra xíꞌin Ndios, ta kua̱ꞌa̱ ní tánduta̱ ke̱e nduchu̱ no̱o̱ ra xíꞌin ña xáku ra, ta xíꞌin to̱ꞌon ra xáku ndáꞌví ra no̱o̱ Ndios, ta̱a ta̱ kúchiño saka̱ku ñaꞌá xa̱ꞌa̱ ña o̱n kivi̱ ra. Ta Ndios xi̱ni̱ so̱ꞌo ra ña ni̱ka̱ꞌa̱n Jesucristo xíꞌin ra, chi Jesucristo ki̱sa ni̱no̱ xíꞌin mi̱i ra ta ki̱sa ndivi ra ndiꞌi ña ni̱ka̱ꞌa̱n Ndios xíꞌin ra.