San Mateo 27:42 - Alacatlatzala Mixtec New Testament

⁴² ―Ta̱yóꞌo sa̱ka̱ku ra inka̱ ni̱vi, ta o̱n vása ki̱ví saka̱ku xíꞌin mi̱i ra vitin. Tá ndixa kúu ra ta̱Rey ñoo yó Israel, ta ná sanoo xíꞌin mi̱i ra ndaꞌa̱ tón cruz vitin, ta saá kandixa yó ra.

San Mateo 27:42 Iomraidhean Croise

San Mateo 2:2

Ta saá ki̱xáꞌá na ndáka̱ to̱ꞌon na nañoo Jerusalén, káchí na siꞌa: ―¿Míkía̱ ka̱ku ta̱loꞌo ta̱ kuu rey no̱o̱ ndóꞌó najudío? Chí no̱o̱ va̱xi kana ño̱ꞌo xi̱ni ndi̱ ñii ki̱mi, ta saá ku̱nda̱a̱ ini ndi̱ xa ka̱ku ra, ta vitin va̱xi ndi̱ yóꞌo ña kasa to̱ꞌó ndi̱ ra ―káchí nandíchí.

San Mateo 27:37

Ta chi̱nóo kútu̱ na ñii tón vi̱ti̱ loꞌo si̱ni̱ tón cruz, ta no̱o̱ tón vi̱ti̱ yóꞌo na̱ka̱ꞌyi̱ to̱ꞌon ña káꞌa̱n xa̱ꞌa̱ kua̱chi ra, ta káchí ña saá: “Ta̱yóꞌo kúu ta̱Rey no̱o̱ najudío.”

San Mateo 27:40

káchí na saá xíꞌin ra: ―Yóꞌó kúu ta̱a ta̱ ni̱ka̱ꞌa̱n: “Yi̱ꞌi̱ sandiꞌi i̱ xa̱ꞌa̱ veꞌe ño̱ꞌo káꞌno, ta ti̱xin ña u̱ni̱ ki̱vi̱ tuku kasa va̱ꞌa i̱ ña”, ka̱chí ún, ta vitin, ¡saka̱ku xíꞌin mi̱i ún! Tá ndixa Sa̱ꞌya Ndios kúu ún, ta saá, ¡sanoo xíꞌin mi̱i ún ndaꞌa̱ tón cruz! ―káchí na xíꞌin ra.

San Mateo 27:41

Ta ñii ki̱ꞌva saá nafariseo xíꞌin na sánáꞌa nda̱yí Ndios xíꞌin naxi̱kua̱ꞌa̱ no̱o̱ najudío xíꞌin nanáꞌno no̱o̱ nasu̱tu̱ kúsiki na ra ta xáku̱ ndaa na ra, káꞌa̱n na xíꞌin ra:

San Marcos 15:31

Ta ñii ki̱ꞌva saá na sánáꞌa nda̱yí Ndios xíꞌin nanáꞌno no̱o̱ nasu̱tu̱ kúsiki na ra ta xáku̱ ndaa na ra, káꞌa̱n na xíꞌin táꞌan na, káchí na saá: ―Ta̱yóꞌo sa̱ka̱ku ra inka̱ ni̱vi, ta o̱n vása ki̱ví saka̱ku xíꞌin mi̱i ra vitin.

San Marcos 15:32

Tá ndixa kúu ra Cristo, ta̱Rey ñoo yó Israel, ta ná sanoo xíꞌin mi̱i ra ndaꞌa̱ tón cruz vitin ña koto yó, ta saá kandixa yó ra ―káchí na. Ta na o̱vi̱ tákaa̱ ndaa xíꞌin ra kúsiki ñaꞌá na ta kándiva̱ꞌa na xíꞌin ta̱Jesús.

San Lucas 19:38

Ni̱ka̱ꞌa̱n na saá: ―¡Ná keꞌé Ndios ñava̱ꞌa xíꞌin ta̱rey yóꞌo, ta̱a ta̱ ki̱xaa̱ xíꞌin nda̱yí Ndios! ¡Vitin Ndios taxi ra koo va̱ꞌa ni̱vi xíꞌin ra ñoyívi ni̱no! ¡Ná kanóo síkón ñato̱ꞌó Ndios! ―káchí na.

San Lucas 23:35

Ta xíto ni̱vi ña ndóꞌo ta̱Jesús, ta nanáꞌno no̱o̱ naIsrael xáku̱ ndaa na ra, ta káꞌa̱n na: ―Ta̱yóꞌo sa̱ka̱ku ra inka̱ ni̱vi. Ta va̱ꞌa ka̱ ná saka̱ku xíꞌin mi̱i ra vitin, tá ndixa kúu ra Cristo, ta̱a ta̱ ti̱ꞌví Ndios saka̱ku mi̱i yó ―káchí na.

San Lucas 23:37

ta ni̱ka̱ꞌa̱n na xíꞌin ra: ―Tá ndixa ta̱Rey no̱o̱ najudío kúu yóꞌó, ta va̱ꞌa saka̱ku xíꞌin mi̱i ún vitin ―káchí na xíꞌin ta̱Jesús.

San Juan 1:49

Ta nda̱kuii̱n ta̱Natanael, káchí ra saá: ―Tata Rabí, ndixa yóꞌó kúu Sa̱ꞌya Ndios, yóꞌó kúu ta̱a ta̱Rey, ta̱káꞌno no̱o̱ naIsrael.

San Juan 12:13

Ta saá ke̱e na kua̱ꞌa̱n na, ta xa̱ꞌnda na no̱o̱ ndaꞌa̱ tón yito̱n ño̱o̱, ta níꞌi na kua̱ꞌa̱ ní ño̱o̱ yóꞌo, ta kua̱ꞌa̱n na nakutáꞌan na xíꞌin ta̱Jesús yichi̱ no̱o̱ va̱xi ra. Ta xíꞌin ndiꞌi ndee̱ na, ni̱ka̱ꞌa̱n na, káchí na saá: ―¡Ná kasa káꞌno yó Ndios! ¡Ná keꞌé Ndios ñava̱ꞌa xíꞌin ta̱yóꞌo, ta̱a ta̱ ki̱xaa̱ xíꞌin nda̱yí Ndios! ¡Ná keꞌé Ndios ñava̱ꞌa xíꞌin ta̱yóꞌo ta̱a ta̱ kúu Rey, ta̱káꞌno no̱o̱ naIsrael! ―káchí na, káꞌa̱n na.

San Juan 12:47

Ta ndiꞌi ni̱vi na kuiti xíni̱ so̱ꞌo to̱ꞌon ña káꞌa̱n i̱, ta o̱n xi̱in na kasa ndivi na ña, ta o̱n si̱ví yi̱ꞌi̱ kúu ta̱a ta̱ kasa nani xa̱ꞌa̱ ña o̱n váꞌa kéꞌé nayóꞌo. Saá chi o̱n si̱ví xa̱ꞌa̱ ña kasa nani i̱ xa̱ꞌa̱ kua̱chi ni̱vi kúu ña ki̱xaa̱ i̱ ñoyívi yóꞌo, ta xa̱ꞌa̱ ña saka̱ku i̱ ni̱vi ñoyívi yóꞌo kúu ña ki̱xaa̱ i̱.

San Juan 9:24

Ta saá tuku ka̱na nafariseo ta̱a ta̱ xi̱kuu ta̱kuáá, ta ni̱ka̱ꞌa̱n na xíꞌin ra: ―Va̱ꞌa kasa káꞌno ún Ndios xa̱ꞌa̱ ña va̱ꞌa xíto nduchu̱ no̱o̱ ún. Saá chi mi̱i ndi̱, xíni̱ ndi̱ ña ta̱Jesús yóꞌo kúu ta̱a ta̱ kéꞌé ña o̱n váꞌa ―káchí na xíꞌin ra.

Hechos 4:14

Ta nachiño yóꞌo xíto na ña ñíndichi ta̱a ta̱ xi̱kuu ta̱ o̱n ki̱ví kanda xa̱ꞌa̱, ta vitin ndu̱va̱ꞌa ra. Ta saá o̱n vása ní‑niꞌi na to̱ꞌon ña ndakuii̱n na, ta ndá tási̱ín kuiti ndóo na.