San Mateo 27:23 - Alacatlatzala Mixtec New Testament

²³ Ta saá tuku ni̱nda̱ka̱ to̱ꞌon ta̱Pilato na: ―¿Yu kúu kua̱chi ni̱ki̱ꞌvi ra? Ta ndeé ka̱ ni̱ka̱ꞌa̱n nayóꞌo, káchí na saá: ―¡Katakaa̱ ndaa ún ra ndaꞌa̱ tón cruz!

San Mateo 27:23 Iomraidhean Croise

San Mateo 27:22

Ta ta̱Pilato ni̱nda̱ka̱ to̱ꞌon tuku ra na: ―¿Ta yukía̱ koo ta̱Jesús, ta̱a ta̱ na̱ní Cristo? ―káchí ta̱Pilato. Ta ndiꞌi na nda̱kuii̱n na, káchí na saá: ―¡Ná kivi̱ ra! ¡Katakaa̱ ndaa ún ra ndaꞌa̱ tón cruz! ―káchí na.

San Mateo 27:24

Ta ku̱nda̱a̱ ini ta̱Pilato o̱n vása xi̱in ka̱ na chikaa̱ so̱ꞌo na to̱ꞌon ra, ta ki̱xáꞌá na ndeé ka̱ ni̱si̱so̱ na. Ta xa̱ꞌnda chiño ra no̱o̱ na kísa chiño xíꞌin ra taxi na takuií ndaꞌa̱ ra, ta saá nda̱ꞌá ra no̱o̱ nani̱vi, káchí ra saá: ―Yi̱ꞌi̱ o̱n vása kuiso i̱ kua̱chi xa̱ꞌa̱ ña kivi̱ ta̱va̱ꞌa yóꞌo. Mi̱i ndó kuiso kua̱chi xa̱ꞌa̱ ña kivi̱ ra ―káchí ta̱gobernador xíꞌin ni̱vi.

San Lucas 23:4

Ta saá ni̱ka̱ꞌa̱n ta̱Pilato xíꞌin nanáꞌno no̱o̱ nasu̱tu̱, ta ni̱ka̱ꞌa̱n ra xíꞌin ni̱vi, káchí ra: ―Nda̱ ñii kua̱chi ta̱yóꞌo o̱n vása ní‑naníꞌi i̱, o̱n ko̱ó xa̱ꞌa̱ ña kivi̱ ra ―káchí ta̱Pilato.

Hechos 13:28

Vará o̱n vása ní‑naníꞌi na kua̱chi ta̱Jesús ña taxi kaꞌni na ra, ta ndu̱kú na no̱o̱ ta̱gobernador Pilato taxi ra nda̱yí ndaꞌa̱ na ña kaꞌni na ta̱Jesús.

Hechos 23:10

Ta saá ki̱xáꞌá ni̱vi ndeé ní ndáꞌyi na, ta ndeé ní síso̱ na. Ta yíꞌví ní ta̱káꞌno no̱o̱ natropa ko̱to̱ yi̱yo ní xíꞌin ñasáa̱ na, sakuáchi na yi̱kí ko̱ñu ta̱Pablo. Ta saá ta̱káꞌno yóꞌo xa̱ꞌnda chiño ra no̱o̱ natropa ña nakiꞌin na ta̱Pablo ña ko̱ꞌo̱n ra xíꞌin na kunda̱si̱ tuku ra ini cuartel.

Hechos 7:57

Tá xíni̱ so̱ꞌo na to̱ꞌon ña káꞌa̱n ta̱Esteban, ta xíꞌin ndaꞌa̱ na na̱kasi na so̱ꞌo na chi o̱n xi̱in na koni̱ so̱ꞌo ka̱ na to̱ꞌon ña káꞌa̱n ra xíꞌin na. Ta xíꞌin ña sáa̱ ini na, ndeé ní ni̱nda̱ꞌyi na, ta ñii na̱kuita ndiꞌi na, ta ti̱in na ra.