San Mateo 27:15 - Alacatlatzala Mixtec New Testament

¹⁵ Ñii ñii viko̱ Pascua ta̱gobernador sáña ra ñii ta̱ nákaa̱ ini veꞌe ka̱a ko̱ꞌo̱n ndíka̱ ra. Ta najudío káxin na yu kúu ta̱yóꞌo.

San Mateo 27:15 Iomraidhean Croise

San Mateo 26:5

Ta ni̱ka̱ꞌa̱n na, káchí na saá: ―O̱n kuchiño tiin yó ra ki̱vi̱ viko̱, ko̱to̱ koni ndiꞌi nani̱vi ñoo yóꞌo, ta si̱so̱ na nda̱ꞌyi na, ta kani táꞌan na, ta koo ní kua̱chi ―káchí na.

San Mateo 27:16

Ta yóo ñii ta̱ kánóo ní to̱ꞌon xa̱ꞌa̱ ta nákaa̱ ra ini veꞌe ka̱a, na̱ní ra Barrabás.

San Lucas 23:16

Ta va̱ꞌa kuiti natropa kani na ra xíꞌin kuártá, ta saña i̱ ra ko̱ꞌo̱n ndíka̱ ra ―káchí ta̱Pilato xíꞌin na.

San Lucas 23:17

Saá chi ñii ñii viko̱ Pascua ta̱gobernador xíni̱ ñóꞌó saña ra ñii ta̱a ta̱ nákaa̱ ini veꞌe ka̱a, ko̱ꞌo̱n ndíka̱ ra.

San Lucas 23:18

Ta nda̱ ñii ni̱vi ni̱‑xiin na saña ra ta̱Jesús, ta ñii yuꞌú kúu ndiꞌi ni̱vi yóꞌo, káchí na saá: ―¡Ná kivi̱ ta̱yóꞌo! ¡Va̱ꞌa saña ún ta̱Barrabás ko̱ꞌo̱n ndíka̱ ra! ―káchí na.

San Juan 18:16

Ta ta̱Pedro ni̱ndo̱o ra ñíndichi ra yatin yéꞌé. Ta saá ta̱táꞌan ra yóꞌo, ta̱xíka xíꞌin ta̱Jesús, ta̱ kúu ta̱ xíni̱ táꞌan xíꞌin ta̱su̱tu̱, ke̱ta ra ta ni̱ka̱ꞌa̱n ra xíꞌin ñáñaꞌa̱ ñá ndáa yéꞌé. Ta saá ta̱xi ñá ni̱ki̱ꞌvi ta̱Pedro.

San Juan 19:16

Ta saá, ta̱Pilato na̱taxi ra ta̱Jesús ndaꞌa̱ natropa ña katakaa̱ ndaa na ra ndaꞌa̱ tón cruz.

Hechos 24:27

Ta saá ni̱yaꞌa o̱vi̱ kui̱ya̱, ta ta̱Félix o̱n vása kúu ka̱ ra gobernador, ta ni̱ki̱ꞌvi inka̱ ta̱gobernador ta̱ na̱ní Porcio Festo. Ta xa̱ꞌa̱ ña kóni ta̱Félix kindo̱o va̱ꞌa ra no̱o̱ najudío, ni̱‑xiin ra saña ra ta̱Pablo ko̱ꞌo̱n ndíka̱ ra. Ta saá nákaa̱ ka̱ ta̱Pablo ini veꞌe ka̱a ki̱vi̱ ni̱ki̱ꞌvi ta̱Porcio Festo kuu ra ta̱gobernador ñoo yóꞌo.

Hechos 25:9

Ta ta̱Festo, xa̱ꞌa̱ ña kóni ra kindo̱o va̱ꞌa ra no̱o̱ najudío, ni̱nda̱ka̱ to̱ꞌon ra ta̱Pablo, káchí ra saá: ―¿Yukía̱ káchí ini mi̱i ún? ¿Án kóni ún ko̱ꞌo̱n ún ñoo Jerusalén ña kasa nani i̱ xa̱ꞌa̱ kua̱chi ún ñoo kán? ―káchí ta̱Festo xíꞌin ta̱Pablo.