San Mateo 26:74 - Alacatlatzala Mixtec New Testament

⁷⁴ Ta ki̱xáꞌá ta̱Pedro xíꞌin ndiꞌi ndee̱ ra ni̱ka̱ꞌa̱n ra, káchí ra saá: ―Xa ni̱ka̱ꞌa̱n i̱ xíꞌin ndó, o̱n vása xíni̱ i̱ ta̱kaa̱. ¡Ndios ná saxo̱ꞌvi̱ ra yi̱ꞌi̱ tá ñavatá káꞌa̱n i̱! ―káchí ra. Ta xa̱ndi̱ko̱n ka̱na ñii nduxú chée.

San Mateo 26:74 Iomraidhean Croise

San Mateo 10:28

O̱n kuyi̱ꞌví ndó no̱o̱ ni̱vi na kóni kaꞌni ndóꞌó, chi o̱n kuchiño na sandiꞌi na xa̱ꞌa̱ níma̱ ndó. Va̱ꞌa ka̱ kuyi̱ꞌví ndó no̱o̱ Ndios, chi Ndios kivi sandiꞌi ra xa̱ꞌa̱ yi̱kí ko̱ñu ndó xíꞌin níma̱ ndó, ta sakana ra ndóꞌó nda̱ya.

San Mateo 26:34

Ta ni̱ka̱ꞌa̱n ta̱Jesús xíꞌin ra: ―Ndixa káꞌa̱n i̱ xíꞌin ún, ta̱ꞌán ka̱ kana nduxú chée ñoó vitin, ta xa u̱ni̱ yichi̱ ni̱ka̱ꞌa̱n ún xíꞌin ni̱vi ña o̱n vása xíni̱ ún yi̱ꞌi̱ ―káchí ta̱Jesús xíꞌin ra.

San Mateo 26:73

Ta ni̱yaꞌa ñii káni̱ loꞌo, ta nani̱vi yíta yóꞌo ni̱to̱nda̱a yatin na no̱o̱ ta̱Pedro, ta ni̱ka̱ꞌa̱n na xíꞌin ra, káchí na saá: ―Ndixa yóꞌó kúu ún ñii ta̱táꞌan ta̱Jesús, chi xíꞌin to̱ꞌon ña káꞌa̱n ún kúnda̱a̱ ini ndi̱ ke̱e ún estado Galilea ―káchí na.

San Mateo 26:75

Ta saá na̱káꞌán ta̱Pedro to̱ꞌon ña ni̱ka̱ꞌa̱n ta̱Jesús xíꞌin ra: “Ta̱ꞌán ka̱ kana ñii nduxú chée ta xa u̱ni̱ yichi̱ ni̱ka̱ꞌa̱n ún xíꞌin ni̱vi ndí o̱n vása xíni̱ ún yi̱ꞌi̱.” Ta ke̱e ta̱Pedro ke̱ꞌe, ta ndeé ní xáku ra xíꞌin ndinoꞌo ini ra.

San Mateo 27:25

Ta ndiꞌi ni̱vi nda̱kuii̱n na, káchí na saá: ―¡Mi̱i ndi̱ xíꞌin sa̱ꞌya ndi̱ kuiso ndi̱ kua̱chi xa̱ꞌa̱ ña kivi̱ ta̱yóꞌo! ―káchí na.

San Marcos 14:30

Ta ni̱ka̱ꞌa̱n ta̱Jesús xíꞌin ra: ―Ndixa káꞌa̱n i̱ xíꞌin ún, ta̱ꞌán ka̱ kana nduxú chée o̱vi̱ yichi̱ ñoó vitin, ta xa u̱ni̱ yichi̱ ni̱ka̱ꞌa̱n ún xíꞌin ni̱vi ña o̱n vása xíni̱ ún yi̱ꞌi̱ ―káchí ta̱Jesús xíꞌin ra.

San Marcos 14:68

Ta ta̱Pedro ni̱ka̱ꞌa̱n ra, káchí ra saá: ―O̱n vása xíni̱ i̱ ta̱kaa̱, ni o̱n vása kúnda̱a̱ ini i̱ yukía̱ káꞌa̱n ún xíꞌin i̱. Ta saá ke̱e ra yéꞌé ke̱ꞌe veꞌe yóꞌo. Ta ka̱na ñii nduxú chée.

San Lucas 22:60

Ta nda̱kuii̱n ta̱Pedro, ni̱ka̱ꞌa̱n ra: ―O̱n vása kúnda̱a̱ ini i̱ yukía̱ káꞌa̱n ún xíꞌin i̱. Ta̱nda̱ ta̱ꞌán ka̱ ndiꞌi ka̱ꞌa̱n ta̱Pedro, ta ka̱na ñii nduxú chée.

San Juan 18:27

Ta nda̱kuii̱n ta̱Pedro, káchí ra saá: ―O̱n si̱ví yi̱ꞌi̱ kúu ra ―káchí ra. Ta xa̱ndi̱ko̱n mií saá ka̱na nduxú chée.

Romanos 9:3

Saá chi xíꞌin ña ndinoꞌo ini i̱ kóni ní i̱ ña nañoo i̱ naIsrael kandixa na Jesucristo, ta saá va̱ꞌa kutaku̱ na xíꞌin Ndios. Ndixa xáni si̱ni̱ i̱ tá xíꞌin ña taxi xíꞌin mi̱i i̱ ña kuxíká i̱ no̱o̱ Jesucristo kuchiño chindeé i̱ ni̱vi nañoo i̱ naIsrael ña kuyatin na no̱o̱ ra, ta xa yóo tiꞌva i̱ keꞌé i̱ saá, chi kíꞌvi ní ini i̱ xíni i̱ nañoo i̱ naIsrael.

1 Corintios 16:22

Tá yóo ni̱vi na o̱n vása kíꞌvi ini xíni na Jesucristo, ta, ¡va̱ꞌa nayóꞌo kuiso na chiꞌña no̱o̱ Ndios! Ta ndúkú i̱ no̱o̱ Jesucristo, Ta̱a ta̱Káꞌno no̱o̱ yó, káchí i̱ saá: “¡Ya̱chi̱ ní ndikó ún kixaa̱ tuku ún ñoyívi yóꞌo, Tata!”, káchí i̱ xíꞌin ra.

Apocalipsis 3:19

Saá káꞌa̱n i̱ xíꞌin ndó chi to̱ꞌon yo̱ꞌvi̱ káꞌa̱n i̱ xíꞌin ndiꞌi ni̱vi na kúu na kíꞌvi ní ini i̱ xíni i̱, ta táxi i̱ ña xo̱ꞌvi̱ nayóꞌo xa̱ꞌa̱ ña nandikó ini na ta ko̱ꞌo̱n na yichi̱ va̱ꞌa. Ta vitin ndóꞌó, xíni̱ ñóꞌó nandikó ini ndó no̱o̱ ña o̱n váꞌa kéꞌé ndó, ta sandakoo ndó ña. Ta xíꞌin ña ndinoꞌo ini ndó kundiko̱n ndó Ndios.