San Mateo 26:61 - Alacatlatzala Mixtec New Testament

⁶¹ ta ni̱ka̱ꞌa̱n nayóꞌo saá xa̱ꞌa̱ ta̱Jesús: ―Ta̱yóꞌo ni̱ka̱ꞌa̱n ra, ka̱chí ra: “Yi̱ꞌi̱ kúchiño i̱ sandiꞌi i̱ xa̱ꞌa̱ veꞌe ño̱ꞌo káꞌno, ta ti̱xin ña u̱ni̱ ki̱vi̱ tuku kasa va̱ꞌa i̱ ña”, ka̱chí ta̱Jesús ―káchí o̱vi̱ ta̱a yóꞌo.

San Mateo 26:61 Iomraidhean Croise

San Mateo 12:24

Ta xi̱ni̱ so̱ꞌo nafariseo ña ni̱ka̱ꞌa̱n ni̱vi yóꞌo, ta saá ni̱ka̱ꞌa̱n táꞌan na: ―Xíꞌin ndee̱ ñaBeelzebú, ña kúu ñakáꞌno no̱o̱ ndiꞌi níma̱ ndiva̱ꞌa, táva ta̱yóꞌo níma̱ ndiva̱ꞌa ―káchí na.

San Mateo 26:62

Ta saá ta̱káꞌno no̱o̱ nasu̱tu̱ na̱kundichi ra, ta ni̱nda̱ka̱ to̱ꞌon ra ta̱Jesús: ―¿Án o̱n vása ndákuii̱n ún yuꞌu̱ na? ¿Yukía̱ kachí ún xa̱ꞌa̱ to̱ꞌon ña káꞌa̱n nayóꞌo xa̱ꞌa̱ ún?

San Mateo 26:71

Ta saá ke̱e ra yéꞌé ke̱ꞌe veꞌe yóꞌo, ta yóo inka̱ ñaꞌa̱ ñá kísa chiño no̱o̱ naveꞌe yóꞌo, ta xíni ñá ta̱Pedro, ta ni̱ka̱ꞌa̱n ñá xíꞌin nani̱vi, káchí ñá saá: ―Ta̱yóꞌo kúu ñii ta̱ ni̱xika xíꞌin ta̱Jesús, ta̱ ki̱xi ñoo Nazaret ―káchí ñá.

San Mateo 27:40

káchí na saá xíꞌin ra: ―Yóꞌó kúu ta̱a ta̱ ni̱ka̱ꞌa̱n: “Yi̱ꞌi̱ sandiꞌi i̱ xa̱ꞌa̱ veꞌe ño̱ꞌo káꞌno, ta ti̱xin ña u̱ni̱ ki̱vi̱ tuku kasa va̱ꞌa i̱ ña”, ka̱chí ún, ta vitin, ¡saka̱ku xíꞌin mi̱i ún! Tá ndixa Sa̱ꞌya Ndios kúu ún, ta saá, ¡sanoo xíꞌin mi̱i ún ndaꞌa̱ tón cruz! ―káchí na xíꞌin ra.

San Mateo 27:5

Ta saá ta̱Judas ni̱xa̱ꞌa̱n ra sa̱kana ra si̱ꞌún ñaplata ini veꞌe ño̱ꞌo káꞌno, ta ke̱e ra kua̱ꞌa̱n ra. Ta ni̱xaa̱ ra ñii xiiña ta sa̱kuáꞌna xíꞌin mi̱i ra.

San Marcos 14:58

―Ndi̱ꞌi̱ xi̱ni̱ so̱ꞌo ndi̱ ni̱ka̱ꞌa̱n ra, ka̱chí ra: “Yi̱ꞌi̱ sandiꞌi i̱ xa̱ꞌa̱ veꞌe ño̱ꞌo káꞌno yóꞌo ña ki̱sa va̱ꞌa ni̱vi, ta ti̱xin ña u̱ni̱ ki̱vi̱ kasa va̱ꞌa i̱ inka̱ veꞌe ño̱ꞌo ña o̱n si̱ví kuva̱ꞌa xíꞌin ndaꞌa̱ ni̱vi kuu ña”, ka̱chí ta̱Jesús ―káchí na.

San Marcos 15:29

Ta nani̱vi yáꞌa yichi̱ no̱o̱ tákaa̱ ndaa ta̱Jesús kándiva̱ꞌa ní na xíꞌin ra, ta káva na si̱ni̱ na, káchí na saá xíꞌin ra: ―Yóꞌó kúu ta̱a ta̱ ni̱ka̱ꞌa̱n: “Yi̱ꞌi̱ sandiꞌi i̱ xa̱ꞌa̱ veꞌe ño̱ꞌo káꞌno, ta ti̱xin ña u̱ni̱ ki̱vi̱ tuku kasa va̱ꞌa i̱ ña”, ka̱chí ún,

San Lucas 23:2

Ta ki̱xáꞌá na táxi na kua̱chi xa̱ꞌa̱ ta̱Jesús no̱o̱ ra, ni̱ka̱ꞌa̱n na, káchí na saá: ―Xi̱ni ndi̱ ta̱yóꞌo sánáꞌa ra nañoo yó ña sandakoo na yichi̱ va̱ꞌa. Káꞌa̱n ra xíꞌin na ña o̱n váꞌa taxi na kota ndaꞌa̱ ta̱rey César. Ta káꞌa̱n ra mi̱i ra kúu Cristo, ña kóni kachí mi̱i ra kúu ñii ta̱rey ―káchí na xíꞌin ta̱Pilato.

San Juan 9:29

Chi xíni̱ ndi̱ ndixa Ndios ni̱ka̱ꞌa̱n ra xíꞌin ta̱Moisés, ta ta̱Jesús yóꞌo, o̱n vása xíni̱ ndi̱ míchí ki̱xi ra ―káchí na.

Hechos 17:18

Sava ni̱vi na na̱kutáꞌan yóꞌo ndíko̱n na yichi̱ ña sánáꞌa naepicúreos, ta sava ni̱vi na na̱kutáꞌan yóꞌo ndíko̱n na inka̱ yichi̱ ña sánáꞌa naestoicos. Ta ni̱vi na ndíko̱n ñii ñii yichi̱ yóꞌo xi̱ni̱ so̱ꞌo na to̱ꞌon ta̱Pablo, ta ni̱ka̱ꞌa̱n na xa̱ꞌa̱ ra, káchí na saá: ―¿Yu kúu ña kóni kachí ta̱yóꞌo? Kua̱ꞌa̱ ní to̱ꞌon vi̱chí kuiti káꞌa̱n ra ―káchí na, káꞌa̱n na xa̱ꞌa̱ ta̱Pablo. Ta inka̱ na ni̱ka̱ꞌa̱n na, káchí na saá: ―Ta̱yóꞌo káꞌa̱n ra xa̱ꞌa̱ inka̱ nandios na ñoo xíyo ―káchí na, káꞌa̱n na. Saá chi xi̱ni̱ so̱ꞌo na ta̱Pablo káꞌa̱n ra xa̱ꞌa̱ ta̱Jesús, ta káꞌa̱n ra xa̱ꞌa̱ ña nataku̱ ni̱vi na ni̱xiꞌi̱.

Hechos 18:13

Ta no̱o̱ ta̱gobernador Galión yóꞌo, ta̱xi na kua̱chi xa̱ꞌa̱ ta̱Pablo, ni̱ka̱ꞌa̱n na, káchí na saá: ―Ta̱yóꞌo kúu ta̱a ta̱ chúꞌu ni̱vi ña yaꞌa ndoso na nda̱yí ndi̱, chi káchí ra ndí o̱n vása va̱ꞌa kasa to̱ꞌó ni̱vi Ndios ñii ki̱ꞌva nda̱tán yóo ña xa̱ꞌnda chiño naxi̱i̱ síkuá ndi̱ xi̱na̱ꞌá ―káchí na xíꞌin ta̱gobernador.

Hechos 22:22

Tá ni̱vi na na̱kutáꞌan yóꞌo xi̱ni̱ so̱ꞌo na to̱ꞌon yóꞌo ña ni̱ka̱ꞌa̱n ta̱Pablo xa̱ꞌa̱ ni̱vi na o̱n vása kúu najudío, ta o̱n vása ní‑xiin ka̱ na koni̱ so̱ꞌo na to̱ꞌon káꞌa̱n ra, ta ki̱xáꞌá na sáa̱ ní ini na. Ta ñii síso̱ na ndáꞌyi na, káchí na saá: ―¡Ná kivi̱ ta̱yóꞌo! ¡O̱n vása va̱ꞌa ña kutaku̱ ka̱ ra ñoyívi yóꞌo! ―káchí na, ndáꞌyi na.