San Mateo 23:39 - Alacatlatzala Mixtec New Testament

³⁹ Ta ndixa káꞌa̱n i̱ xíꞌin ndó, nañoo Jerusalén, o̱n koto ka̱ ndó yi̱ꞌi̱ nda̱ to̱nda̱a ki̱vi̱ ka̱ꞌa̱n ndó to̱ꞌon yóꞌo: “Ná keꞌé Ndios ñava̱ꞌa xíꞌin ta̱yóꞌo, ta̱a ta̱ ki̱xaa̱ xíꞌin nda̱yí Ndios”, kachí ndó xa̱ꞌa̱ i̱.

San Mateo 23:39 Iomraidhean Croise

San Mateo 21:9

Ta ni̱vi kua̱ꞌa̱n siꞌna no̱o̱ ra xíꞌin na ndíko̱n kua̱ꞌa̱n sa̱ta̱ ra, ndeé ní kúsii̱ ini na, ta káꞌa̱n na, káchí na saá: ―¡Kasa káꞌno yó Ndios xa̱ꞌa̱ sa̱ꞌya ta̱David yóꞌo! ¡Ná keꞌé Ndios ñava̱ꞌa xíꞌin ta̱yóꞌo, ta̱a ta̱ ki̱xaa̱ xíꞌin nda̱yí Ndios! ¡Ná kanóo síkón ñato̱ꞌó Ndios! ―káchí ni̱vi na kua̱ꞌa̱n xíꞌin ta̱Jesús.

San Lucas 17:22

Ta ta̱Jesús ni̱ka̱ꞌa̱n ra xíꞌin naxíka xíꞌin ra, káchí ra saá: ―Va̱xi ki̱vi̱ ña kachí ní ini ndó koto ndó yi̱ꞌi̱, ta̱a ta̱ ki̱xi no̱o̱ Ndios. Kachí ini ndó koo i̱ xíꞌin ndó, vará ñii ki̱vi̱, ta o̱n kuchiño ka̱.

San Juan 14:19

Ti̱xin ña saloꞌo ki̱vi̱, ni̱vi na ndíko̱n yichi̱ o̱n váꞌa ñoyívi yóꞌo, o̱n kuchiño ka̱ na koto na yi̱ꞌi̱. Ta ndóꞌó, o̱n kundoꞌo ndó saá, chi ndixa koto ka̱ ndó yi̱ꞌi̱. Ta xa̱ꞌa̱ ña ndixa ndinoꞌo táku̱ i̱, ndóꞌó ndixa ndinoꞌo kutaku̱ ndó.

San Juan 14:9

Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Xa kua̱ꞌa̱ ní ki̱vi̱ yóo i̱ xíꞌin ndó, ta, ¿án o̱n ta̱ꞌán koni̱ ún yi̱ꞌi̱, tata? Ndiꞌi ni̱vi na xíni yi̱ꞌi̱, nayóꞌo ñii káchí xíni na Yivá i̱. Ta saá, ¿nda̱chun káꞌa̱n ún xíꞌin i̱ xíni̱ ñóꞌó sanáꞌa i̱ ndóꞌó ndasaá kuchiño koni ndó Yivá i̱?

San Juan 8:21

Ta saá ni̱ka̱ꞌa̱n ta̱Jesús xíꞌin na: ―Ya̱chi̱ ní kee i̱ ko̱ꞌo̱n i̱, ta ndóꞌó nandukú ndó yi̱ꞌi̱, ta o̱n kuchiño ndó naníꞌi ndó yi̱ꞌi̱. Saá chi o̱n xi̱in ndó ndikó ini ndó xa̱ꞌa̱ kua̱chi ndíso ndó, ta ndixa kivi̱ ndó xíꞌin kua̱chi ndíso ndó. Ta saá o̱n ki̱ví ko̱ꞌo̱n ndó ta xaa̱ ndó no̱o̱ ko̱ꞌo̱n i̱ ―káchí ra.

San Juan 8:24

Xa nda̱to̱ꞌon i̱ xíꞌin ndó ndixa kivi̱ ndó xíꞌin kua̱chi ndíso ndó. Saá chi tá o̱n vása kándixa ndó to̱ꞌon ña nda̱to̱ꞌon i̱ xa̱ꞌa̱ i̱ xíꞌin ndó yu kúu yi̱ꞌi̱, ta ndixa kivi̱ ndó xíꞌin kua̱chi ndíso ndó ―káchí ta̱Jesús xíꞌin na.

San Juan 8:56

Kui̱ya̱ xi̱na̱ꞌá ta̱xi̱i̱ síkuá ndó ta̱Abraham kúsii̱ ní ini ra xa̱ꞌa̱ ña ni̱ka̱ꞌa̱n Ndios xíꞌin ra ndí koto ra ña kixaa̱ i̱ ñoyívi yóꞌo. Ta saá ndixa xi̱ni ta̱Abraham ki̱xaa̱ i̱ ñoyívi yóꞌo, ta ku̱sii̱ ní ini ra xi̱ni ra ñayóꞌo ―káchí ta̱Jesús xíꞌin na.

Romanos 11:25

Nañani yó xíꞌin náki̱ꞌva̱ yó, na o̱n vása kúu najudío, nda̱ loꞌo o̱n váꞌa ña kani si̱ni̱ ndó ndí ndóꞌó kúu na ndáya̱ꞌví ní ka̱ no̱o̱ najudío xa̱ꞌa̱ ña Ndios na̱kiꞌin ra ndóꞌó. Saá chi vitin ña ni̱‑xiin najudío chikaa̱ so̱ꞌo na to̱ꞌon Ndios kúu ña kundivi ña chi̱tóni̱ Ndios. Vará ña chi̱tóni̱ Ndios yóꞌo xi̱nakaa̱ seꞌé ña no̱o̱ yó, ta vitin Ndios táxi ra ña kúnda̱a̱ ini yó xa̱ꞌa̱ ña. Chi Ndios chi̱tóni̱ ra saá: Sava najudío nduu na ni̱vi nasóꞌó ní ta kutaku̱ xíká na no̱o̱ Ndios kua̱ꞌa̱ ní ki̱vi̱. Saá chi kua̱ꞌa̱ ní ka̱ ni̱vi na o̱n vása kúu najudío xíni̱ ñóꞌó ki̱ꞌvi na yichi̱ Ndios, ta Ndios ndáti ra ña ndiꞌi ki̱ꞌvi nayóꞌo,