San Mateo 22:30 - Alacatlatzala Mixtec New Testament

³⁰ Saá chi ki̱vi̱ nataku̱ ni̱vi na ni̱xiꞌi̱, o̱n vása tonda̱ꞌa̱ ka̱ na ñoyívi ni̱no, ni o̱n vása taxi na sa̱ꞌya na tonda̱ꞌa̱ na xíꞌin inka̱ ni̱vi. Nda̱tán yóo naángel ñoyívi ni̱no, saá koo ni̱vi na kundo̱o xíꞌin Ndios.

San Mateo 22:30 Iomraidhean Croise

San Mateo 13:43

Ta ndiꞌi ni̱vi na kísa ndivi ña kóni Ndios kundo̱o na no̱o̱ xáꞌnda chiño Yivá yó Ndios, ta nda̱tán yóo ña yéꞌe ño̱ꞌo, saá nayeꞌe ni̱vi yóꞌo. Ndiꞌi ni̱vi na yóo so̱ꞌo, xíni̱ ñóꞌó chikaa̱ so̱ꞌo na ña káꞌa̱n i̱ xíꞌin na ―káchí ta̱Jesús xíꞌin naxíka xíꞌin ra.

San Mateo 18:10

Ta nda̱to̱ꞌon tuku ta̱Jesús ñii cuento ña sanáꞌa ra na, káchí ra saá: ―Koto va̱ꞌa ndó ña o̱n kani si̱ni̱ ndó na o̱n vása ndáya̱ꞌví kúu naválí yóꞌo. Káꞌa̱n i̱ xíꞌin ndó, naángel na ndáa naválí yóꞌo ndóo na ndiꞌi saá ki̱vi̱ xíꞌin Yivá i̱ Ndios, ta̱ yóo ñoyívi ni̱no.

San Mateo 22:31

Xa̱ꞌa̱ ña nataku̱ na ni̱xiꞌi̱, ¿án o̱n vása ní‑kaꞌvi ndó yukía̱ ni̱ka̱ꞌa̱n Ndios xíꞌin ta̱Moisés xi̱na̱ꞌá? Ka̱chí ra saá:

San Mateo 24:38

Saá chi ki̱vi̱ xi̱taku̱ ta̱Noé xi̱na̱ꞌá ndiꞌi ni̱vi xíxi na, xíꞌi na, ta tónda̱ꞌa̱ na, ta táxi na tonda̱ꞌa̱ sa̱ꞌya na, saá yóo na nda̱ ni̱to̱nda̱a ki̱vi̱ ni̱ki̱ꞌvi ta̱Noé ini tón barco.

San Lucas 17:27

Saá chi ki̱vi̱ xi̱taku̱ ta̱Noé xi̱na̱ꞌá ndiꞌi ni̱vi xíxi na, xíꞌi na, ta tónda̱ꞌa̱ na, ta táxi na tonda̱ꞌa̱ sa̱ꞌya na, saá yóo na nda̱ ni̱to̱nda̱a ki̱vi̱ ni̱ki̱ꞌvi ta̱Noé ini tón barco. Ta saá ki̱xáꞌá ni̱koon sa̱vi̱ naꞌá, ta ta̱ni ndiꞌi ni̱vi ta ni̱ka̱ꞌa̱ na xíꞌin takuií, ta ni̱xiꞌi̱ ndiꞌi ni̱vi yóꞌo.

Apocalipsis 19:10

Ta yi̱ꞌi̱ xi̱kuxítí i̱ no̱o̱ ñaángel ña kasa to̱ꞌó i̱ ña, ta kama ni̱ka̱ꞌa̱n ñaángel yóꞌo xíꞌin i̱: ―O̱n keꞌé ún saá, o̱n kuxítí ún no̱o̱ i̱. Saá chi nda̱tán yóo mi̱i ún xíꞌin nañani ún na ndíko̱n Jesucristo, saá yóo yi̱ꞌi̱, chi ndiꞌi yó kísa chiño yó no̱o̱ Ndios, ta kándixa yó to̱ꞌon ña nda̱a̱ ña ni̱ka̱ꞌa̱n Jesucristo, ta o̱n sandakoo yó kándixa yó to̱ꞌon ra. Ta saá o̱n váꞌa kuxítí ún no̱o̱ i̱, chi xíni̱ ñóꞌó ndasaá Ndios kuiti kasa káꞌno yó. Chi to̱ꞌon ña sa̱náꞌa Jesucristo ñii kúu ña xíꞌin to̱ꞌon ña ni̱ka̱ꞌa̱n naprofeta xi̱na̱ꞌá, saá chi ndiꞌi to̱ꞌon yóꞌo ka̱ku ña no̱o̱ Níma̱ Ndios ―káchí ñaángel xíꞌin i̱.