San Mateo 21:5 - Alacatlatzala Mixtec New Testament

⁵ Ka̱ꞌa̱n ún xíꞌin nañoo Jerusalén: “Koto ndó, ta̱Rey ñoo ndó va̱xi ra no̱o̱ ndó, ta̱ ndáꞌví ini kúu ra, yóso ra ñii burro, yóso ra ñii burro loꞌo, sa̱ꞌya tí ndíso ñaveé”, káchí to̱ꞌon Ndios.

San Mateo 21:5 Iomraidhean Croise

San Mateo 11:29

Nakuiso ndó xíꞌin i̱ ña ndíso i̱ ta kasa chiño ndó xíꞌin i̱, ta kandixa ini ndó yi̱ꞌi̱, ta sakuáꞌá ndó yichi̱ i̱, chi ta̱a ta̱ ya̱a̱ ini ta̱ ndáꞌví ini kúu i̱, ta saá naníꞌi ndó ña koo va̱ꞌa ini ndó, ta nakindée níma̱ ndó.

San Mateo 2:2

Ta saá ki̱xáꞌá na ndáka̱ to̱ꞌon na nañoo Jerusalén, káchí na siꞌa: ―¿Míkía̱ ka̱ku ta̱loꞌo ta̱ kuu rey no̱o̱ ndóꞌó najudío? Chí no̱o̱ va̱xi kana ño̱ꞌo xi̱ni ndi̱ ñii ki̱mi, ta saá ku̱nda̱a̱ ini ndi̱ xa ka̱ku ra, ta vitin va̱xi ndi̱ yóꞌo ña kasa to̱ꞌó ndi̱ ra ―káchí nandíchí.

San Mateo 2:6

Ñoo Belén, ña ndáꞌvi ndaa estado Judea, kúu ña ñii ñoo ña ndáya̱ꞌví ní ka̱ no̱o̱ ndiꞌi ñoo; chi nda̱ ñoo yóꞌo kixi ta̱ kuiso chiño, ta kundaa ra nañoo Israel, káchí to̱ꞌon Ndios ña ni̱taa ta̱profeta ―káchí na ndíso chiño no̱o̱ nañoo judío xíꞌin ta̱rey Herodes.

San Mateo 21:6

Ta kua̱ꞌa̱n o̱vi̱ naxíka xíꞌin ta̱Jesús, ta ki̱sa ndivi na chiño nda̱tán yóo ña ni̱ka̱ꞌa̱n ta̱Jesús xíꞌin na.

San Lucas 24:27

Ta saá ki̱xáꞌá ta̱Jesús xíꞌin to̱ꞌon Ndios ña ni̱taa ta̱Moisés xi̱na̱ꞌá, ta sa̱náꞌa ra xa̱ꞌa̱ to̱ꞌon ña ni̱taa ndiꞌi inka̱ naprofeta. Nda̱to̱ꞌon káxín ra xíꞌin na yukía̱ káchí ndiꞌi to̱ꞌon Ndios yóꞌo xa̱ꞌa̱ mi̱i ra.

San Juan 1:49

Ta nda̱kuii̱n ta̱Natanael, káchí ra saá: ―Tata Rabí, ndixa yóꞌó kúu Sa̱ꞌya Ndios, yóꞌó kúu ta̱a ta̱Rey, ta̱káꞌno no̱o̱ naIsrael.

2 Corintios 10:1

Vitin xáku ndáꞌví i̱ no̱o̱ ndó, chi ñii ki̱ꞌva nda̱tán yóo Jesucristo ta̱a ta̱ ndáꞌví ini, ta ta̱a ta̱ va̱ꞌa ini saá yóo yi̱ꞌi̱. Ta saá ni, sava ndóꞌó káꞌa̱n ndó káchí ndó xa̱ꞌa̱ i̱ ndí ki̱vi̱ yóo i̱ xíꞌin ndó, kúu i̱ ñii ta̱a ta̱ yíꞌví ini xíto ndó, ta saá ni, tá xíká ní yóo i̱ no̱o̱ ndó, ta nda̱tán yóo ta̱a ta̱ kútee ní, saá yóo i̱, chi táa i̱ to̱ꞌon kue̱ꞌe̱ no̱o̱ tutu ña tíꞌví i̱ xaa̱ ndaꞌa̱ ndó, saá káchí ndó xa̱ꞌa̱ i̱.