San Mateo 20:22 - Alacatlatzala Mixtec New Testament

²² Ta nda̱kuii̱n ta̱Jesús, ni̱ka̱ꞌa̱n ra xíꞌin o̱vi̱ sa̱ꞌya ñá: ―O̱n vása kúnda̱a̱ ini ndó yukía̱ ndúkú ndó no̱o̱ i̱ xa̱ꞌa̱ mi̱i ndó. ¿Án ndixa kúndeé ndó xo̱ꞌvi̱ ní ndó nda̱tán xo̱ꞌvi̱ yi̱ꞌi̱? Ta nda̱kuii̱n na o̱vi̱ yóꞌo: ―Kúchiño va ndi̱ ―káchí na xíꞌin ta̱Jesús.

San Mateo 20:22 Iomraidhean Croise

San Mateo 26:35

Ta ni̱ka̱ꞌa̱n ta̱Pedro xíꞌin ra: ―Tata, ta̱nda̱ xíni̱ ñóꞌó kivi̱ i̱ xíꞌin ún, ta nda̱ ñii yichi̱ o̱n vása ka̱ꞌa̱n i̱ o̱n vása xíni̱ i̱ yóꞌó ―káchí ta̱Pedro. Ta ñii káchí saá ni̱ka̱ꞌa̱n ndiꞌi ka̱ naxíka xíꞌin ta̱Jesús.

San Mateo 26:39

Ta ta̱Jesús ke̱e ra kua̱ꞌa̱n ra ñii xiiña xíká ka̱ loꞌo, ta xi̱kuxítí ra ta xi̱kundee ra nda̱ ni̱to̱nda̱a ta̱ꞌya̱ ra no̱o̱ ñoꞌo̱, ta ni̱ka̱ꞌa̱n ra xíꞌin Ndios, káchí ra saá: ―Tata Yivá mi̱i i̱, tá kuchiño, ta o̱n taxi ún ña xo̱ꞌvi̱ ní i̱ yóꞌo. Ta saá ni, o̱n kundivi ña kóni mi̱i i̱, ta va̱ꞌa ka̱ ná kundivi ña kóni mi̱i ún ―káchí ta̱Jesús xíꞌin Ndios.

San Mateo 26:42

Ta yichi̱ o̱vi̱ tuku ndi̱kó ta̱Jesús kua̱ꞌa̱n ra ka̱ꞌa̱n ra xíꞌin Ndios, káchí ra saá: ―Tata Yivá mi̱i i̱, tá xíni̱ ñóꞌó xo̱ꞌvi̱ i̱ ña yo̱ꞌvi̱ ní yóꞌo, ta va̱ꞌa ka̱ saá ná koo ña kóni mi̱i ún ―káchí ra.

San Mateo 26:56

Ta ndiꞌi ñayóꞌo kundoꞌo i̱ vitin, chi saá xíni̱ ñóꞌó kundivi to̱ꞌon Ndios ña ni̱taa naprofeta ―káchí ta̱Jesús. Ta ndiꞌi naxíka xíꞌin ra sa̱ndakoo na ta̱Jesús, ta xi̱no na kua̱ꞌa̱n na.

San Marcos 14:36

Ta káchí ra xíꞌin Ndios saá: ―Tata Yivá mi̱i i̱, xíni̱ va̱ꞌa i̱ yóꞌó kúchiño kasa ndivi ún ndiꞌi saá ña̱ꞌa. Ta ña kóni i̱ kúu ña o̱n taxi ún ña xo̱ꞌvi̱ i̱. Ta saá ni, o̱n kundivi ña kóni mi̱i i̱, ta va̱ꞌa ka̱ ná kundivi ña kóni mi̱i ún ―káchí ta̱Jesús xíꞌin Ndios.

San Lucas 12:50

Xíni̱ ñóꞌó xo̱ꞌvi̱ ní i̱, ta ndíꞌi ní ini i̱ nda̱ kixaa̱ ki̱vi̱ ña xo̱ꞌvi̱ ní i̱.

San Lucas 22:42

―Tata Yivá mi̱i i̱, tá kóni ún, ta o̱n taxi ún ña xo̱ꞌvi̱ ní i̱ yóꞌo. Ta saá ni, o̱n kundivi ña kóni mi̱i i̱, ta va̱ꞌa ka̱ ná kundivi ña kóni mi̱i ún ―káchí ta̱Jesús xíꞌin Ndios.

San Juan 18:11

Ta saá ta̱Jesús xa̱ꞌnda chiño ra no̱o̱ ta̱Pedro, ni̱ka̱ꞌa̱n ra xíꞌin ra: ―Chikaa̱ va̱ꞌa ún espada ún, saá chi Ndios chi̱tóni̱ ra ña yo̱ꞌvi̱ xo̱ꞌvi̱ i̱, ta ndixa kasa ndivi i̱ ndiꞌi ña yo̱ꞌvi̱ yóꞌo ―káchí ta̱Jesús xíꞌin ta̱Pedro.

Romanos 8:26

Ta Níma̱ Ndios ndixa chíndeé ña mi̱i yó chi loꞌo ndee̱ kómí yó ña vivíi kua̱ꞌa̱n yó yichi̱ Ndios ta kasa ndivi yó ña kóni ra, ni o̱n vása xíni̱ yó ndasaá va̱ꞌa ka̱ꞌa̱n yó xíꞌin Ndios. Ta Níma̱ Ndios xáku ndáꞌví ña, ta̱nda̱ tána ña xa̱ꞌa̱ yó, chi o̱n ko̱ó to̱ꞌon kómí ni̱vi ña kuchiño ka̱ꞌa̱n xa̱ꞌa̱ ña xáku ini Níma̱ Ndios.

Santiago 4:3

Chi tá yóo ña ndúkú ndó no̱o̱ Ndios, ta o̱n vása nákiꞌin ndó ña, saá chi ndasaá kuiti ndúkú ndó ñakuíká kóni mi̱i ndó ña koni̱ ñóꞌó ndó no̱o̱ káchí ini mi̱i ndó, ta o̱n vása ndúkú ndó ña kóni Ndios.