San Mateo 19:8 - Alacatlatzala Mixtec New Testament

⁸ Ta nda̱kuii̱n ta̱Jesús: ―Ta̱Moisés ta̱xi ra nda̱yí ña sandakoo va̱ꞌa nata̱a ñásíꞌí na chi ndóꞌó najudío ni̱‑xiin ndó chikaa̱ ndó to̱ꞌon Ndios ini ndó. Chi xi̱na̱ꞌá ki̱vi̱ ki̱xáꞌá ñoyívi o̱n vása ní‑chitóni̱ Ndios sandakoo va̱ꞌa ta̱a ñásíꞌí ra.

San Mateo 19:8 Iomraidhean Croise

San Mateo 19:7

Ta ni̱nda̱ka̱ to̱ꞌon nafariseo ta̱Jesús: ―Ta saá, ¿nda̱chun ta̱xi ta̱Moisés nda̱yí ndaꞌa̱ ta̱a ña kasa va̱ꞌa ra tutu xa̱ꞌa̱ ña sandakoo va̱ꞌa ra ñásíꞌí ra, ta ka̱ꞌa̱n ra nda̱yi ra ñá ko̱ꞌo̱n ñá?

San Mateo 19:9

Ta yi̱ꞌi̱ káꞌa̱n i̱ xíꞌin ndó, tá ñii ñaꞌa̱ ñá yóo yii̱ ta o̱n vása ní‑kiꞌvi ñá kua̱chi xíꞌin inka̱ ta̱a, ta yii̱ ñá o̱n ko̱ó yichi̱ kómí ra sandakoo va̱ꞌa ra ñá. Tá ñii ta̱a sandakoo va̱ꞌa ra ñásíꞌí ra, ta tonda̱ꞌa̱ tuku ra, ta̱yóꞌo ki̱ꞌvi ra kua̱chi xíꞌin ñásíꞌí ra ñáo̱vi̱. Ta ta̱a ta̱ tonda̱ꞌa̱ xíꞌin ñáñaꞌa̱ ñá ni̱ndo̱o, ki̱sa yii̱ ñá, ta ta̱yóꞌo ki̱ꞌvi ra kua̱chi xíꞌin ñá, chi ñásíꞌí ta̱no̱ó kúu ñá no̱o̱ Ndios ―káchí ta̱Jesús xíꞌin nafariseo.

San Mateo 3:15

Ta nda̱kuii̱n ta̱Jesús, káchí ra saá: ―Va̱ꞌa ka̱ sakuchu ún yi̱ꞌi̱ vitin, saá chi xíni̱ ñóꞌó kasa ndivi yó ndiꞌi ña xáꞌnda chiño Ndios ―káchí ta̱Jesús. Ta saá ni̱noo ini ta̱Juan, ta sa̱kuchu ra ta̱Jesús.

San Mateo 8:31

Ta ndiꞌi níma̱ ndiva̱ꞌa xa̱ku ndáꞌví ña no̱o̱ ta̱Jesús, káchí ña saá: ―Táná tava ún ndi̱ꞌi̱ ko̱ꞌo̱n ndi̱, ta taxi ún ki̱ꞌvi ndi̱ ini tíkini̱ kaa̱.

San Marcos 10:5

Ta nda̱kuii̱n ta̱Jesús: ―Ta̱Moisés ni̱taa ra nda̱yí yóꞌo chi ndóꞌó najudío ni̱‑xiin ndó chikaa̱ ndó to̱ꞌon Ndios ini ndó.

San Marcos 16:14

Ta saá ta̱Jesús ni̱ti̱vi ra no̱o̱ na u̱xu̱ ñii naxíka xíꞌin ra, tá ndóo ka̱ na no̱o̱ mesa. Ta ndeé ní ni̱ka̱ꞌa̱n ra xíꞌin na o̱n váꞌa kéꞌé na xa̱ꞌa̱ ña ni̱‑xiin na kandixa na ña na̱taku̱ ra, chi kísa sóꞌó xíꞌin mi̱i na, saá chi ni̱‑xiin na koni̱ so̱ꞌo na to̱ꞌon ña ni̱ka̱ꞌa̱n ni̱vi na xi̱ni xa na̱taku̱ ra.

1 Corintios 7:6

To̱ꞌon yóꞌo kúu kuiti to̱ꞌon ña ndáto̱ꞌon yi̱ꞌi̱ xíꞌin ndó, ta o̱n si̱ví to̱ꞌon ña xáꞌnda chiño i̱ no̱o̱ ndó kúu ña.