San Mateo 19:7 - Alacatlatzala Mixtec New Testament

⁷ Ta ni̱nda̱ka̱ to̱ꞌon nafariseo ta̱Jesús: ―Ta saá, ¿nda̱chun ta̱xi ta̱Moisés nda̱yí ndaꞌa̱ ta̱a ña kasa va̱ꞌa ra tutu xa̱ꞌa̱ ña sandakoo va̱ꞌa ra ñásíꞌí ra, ta ka̱ꞌa̱n ra nda̱yi ra ñá ko̱ꞌo̱n ñá?

San Mateo 19:7 Iomraidhean Croise

San Mateo 1:19

Ta ta̱José, ta̱ kóni kuu yii̱ ñáMaría, ñii ta̱a va̱ꞌa ní ini kúu ra, ta ni̱‑xiin ra ndato̱ꞌon ra xíꞌin ni̱vi ña ñóꞌo sa̱ꞌya ñáMaría ta sakukaꞌan ra no̱o̱ ñá. Ta saá chi̱kaa̱ ini ra sandakoo seꞌé ra ñá, ña o̱n koni ndiꞌi ni̱vi ñayóꞌo.

San Mateo 19:6

Ta saá, o̱n si̱ví ka̱ o̱vi̱ ni̱vi kúu na, saá chi ñii ni̱vi kúu na no̱o̱ Ndios. Ta ni̱vi na sa̱nakutáꞌan Ndios, nda̱ ñii inka̱ ni̱vi o̱n váꞌa sataꞌví táꞌan na nayóꞌo ―káchí ta̱Jesús xíꞌin na.

San Mateo 19:8

Ta nda̱kuii̱n ta̱Jesús: ―Ta̱Moisés ta̱xi ra nda̱yí ña sandakoo va̱ꞌa nata̱a ñásíꞌí na chi ndóꞌó najudío ni̱‑xiin ndó chikaa̱ ndó to̱ꞌon Ndios ini ndó. Chi xi̱na̱ꞌá ki̱vi̱ ki̱xáꞌá ñoyívi o̱n vása ní‑chitóni̱ Ndios sandakoo va̱ꞌa ta̱a ñásíꞌí ra.

San Mateo 5:31

Ta tuku káchí ta̱Jesús saá: ―Ni̱ka̱ꞌa̱n namaestro xi̱na̱ꞌá, káchí na saá: “Tá ñii ta̱a kóni ra sandakoo va̱ꞌa ra ñásíꞌí ra, ta saá xíni̱ ñóꞌó taxi ra ñii tutu ndaꞌa̱ ñá ña káꞌa̱n ndí sa̱ndakoo va̱ꞌa ra ñá”, káchí namaestro.

San Marcos 10:4

Ta ni̱ka̱ꞌa̱n na: ―Ta̱Moisés ta̱xi ra nda̱yí ndaꞌa̱ ta̱a ña kasa va̱ꞌa ra tutu xa̱ꞌa̱ ña sandakoo va̱ꞌa ra ñásíꞌí ra, ta ka̱ꞌa̱n ra xíꞌin ñá nda̱yi ra ñá ko̱ꞌo̱n ñá.