San Mateo 19:26 - Alacatlatzala Mixtec New Testament

²⁶ Ta ta̱Jesús xi̱to ra no̱o̱ na, ta ni̱ka̱ꞌa̱n ra xíꞌin na: ―Ni̱vi o̱n kúchiño na saka̱ku xíꞌin mi̱i na, ñii la̱á Ndios kúu ta̱ kúchiño saka̱ku ñaꞌá. Ndios kúchiño kasa ndivi ra ndiꞌi chiño. O̱n ko̱ó ña yo̱ꞌvi̱ no̱o̱ Ndios.

San Mateo 19:26 Iomraidhean Croise

San Mateo 19:25

Ta naxíka xíꞌin ra xi̱ni̱ so̱ꞌo na ña ni̱ka̱ꞌa̱n ta̱Jesús, ta na̱kaꞌnda ní ini na, ta ni̱nda̱ka̱ to̱ꞌon na ra: ―Tá yo̱ꞌvi̱ ní ki̱ꞌvi nakuíká yichi̱ Ndios, ta, ¿yu kúu ni̱vi kuchiño ki̱ꞌvi yichi̱ Ndios ta kundo̱o na xíꞌin ra?

San Mateo 19:27

Ta ni̱ka̱ꞌa̱n ta̱Pedro xíꞌin ra: ―Ta mi̱i ndi̱, xa sa̱ndakoo ndi̱ ndiꞌi ñava̱ꞌa ña xi̱komí ndi̱, xa̱ꞌa̱ ña ndíko̱n ndi̱ sa̱ta̱ ún. ¿Yu kúu ñava̱ꞌa nakiꞌin ndi̱ xa̱ꞌa̱ ñayóꞌo? ―káchí ra.

San Marcos 10:27

Ta ta̱Jesús xi̱to ra no̱o̱ na, ta ni̱ka̱ꞌa̱n ra xíꞌin na: ―Ni̱vi o̱n kúchiño na saka̱ku xíꞌin mi̱i na, ñii la̱á Ndios kúu ta̱ kúchiño saka̱ku ñaꞌá. Ndios kúchiño kasa ndivi ra ndiꞌi chiño. O̱n ko̱ó ña yo̱ꞌvi̱ no̱o̱ Ndios.

San Lucas 1:37

Saá chi Ndios kúchiño ra kasa ndivi ra ndiꞌi chiño, o̱n ko̱ó nda̱ ñii chiño ña yo̱ꞌvi̱ no̱o̱ Ndios ―káchí ñaángel xíꞌin ñáMaría.

San Lucas 18:27

Ta nda̱kuii̱n ta̱Jesús, ni̱ka̱ꞌa̱n ra saá: ―Ni̱vi o̱n kúchiño na saka̱ku xíꞌin mi̱i na, ñii la̱á Ndios kúu ta̱ kúchiño saka̱ku ñaꞌá. Ndios kúchiño kasa ndivi ra ndiꞌi chiño. O̱n ko̱ó ña yo̱ꞌvi̱ no̱o̱ Ndios ―káchí ta̱Jesús.

Hebreos 6:6

Ta saá ni, ni̱vi yóꞌo, tá sakana nayóꞌo ndiꞌi ñava̱ꞌa na̱kiꞌin na ndaꞌa̱ Ndios ta sandakoo na ña kándixa na ra, ta saá o̱n kívi ka̱ tuku ndikó koo ini na ña va̱ꞌa kutáꞌan na xíꞌin Ndios. Chi ña tuku ndikó koo ini na saá, nda̱tán yóo ña katakaa̱ ndaa tuku na Sa̱ꞌya Ndios ndaꞌa̱ tón cruz, saá yóo ña, ta xíꞌin ñayóꞌo taxi na ña inka̱ ni̱vi kusiki na Jesucristo.