San Mateo 18:21 - Alacatlatzala Mixtec New Testament

²¹ Ta saá ta̱Pedro ni̱to̱nda̱a yatin ra no̱o̱ ta̱Jesús, ta ni̱nda̱ka̱ to̱ꞌon ñaꞌá ra: ―Tata, ¿ndasaá yichi̱ xíni̱ ñóꞌó kasa káꞌno ini i̱ xa̱ꞌa̱ ta̱a ta̱ kéꞌé ña o̱n váꞌa xíꞌin i̱? ¿Án va̱ꞌa a̱nda̱ u̱xa̱ yichi̱ kasa káꞌno ini i̱ xa̱ꞌa̱ ra?

San Mateo 18:21 Iomraidhean Croise

San Mateo 18:15

Ta tuku ni̱ka̱ꞌa̱n ta̱Jesús xíꞌin na: ―Tá yóo ñii ta̱táꞌan ún, ta ke̱ꞌé ra ña o̱n váꞌa xíꞌin ún, ta xíni̱ ñóꞌó ko̱ꞌo̱n matóꞌón ún ka̱ꞌa̱n ún xíꞌin ra ña o̱n keꞌé ka̱ ra ña o̱n váꞌa saá xíꞌin ún. Tá ta̱yóꞌo chikaa̱ so̱ꞌo ra ña káꞌa̱n ún, ta ndikó ini ra xa̱ꞌa̱ ña o̱n váꞌa ke̱ꞌé ra, ta saá tuku nakoo va̱ꞌa ra xíꞌin ún ta nakoo va̱ꞌa ra xíꞌin Ndios.