San Mateo 15:28 - Alacatlatzala Mixtec New Testament

²⁸ Ta ta̱Jesús ni̱ka̱ꞌa̱n ra: ―Nana, kónó ní chi̱kaa̱ ún ña ndáa ini ún yi̱ꞌi̱. Ta kasa ndivi i̱ ña ndúkú ún no̱o̱ i̱ ―káchí ra. Ta ñáloꞌo sa̱ꞌya ñáñaꞌa̱ yóꞌo mi̱i hora yóꞌo ndu̱va̱ꞌa ñá.

San Mateo 15:28 Iomraidhean Croise

San Mateo 14:31

Ta ta̱Jesús xa̱ndi̱ko̱n sa̱nakaa̱ ra ndaꞌa̱ ra, ta ti̱in ra ta̱Pedro, ta ni̱ka̱ꞌa̱n ra xíꞌin ra: ―¡Ta̱a ta̱ loꞌo ní kándixa ini yi̱ꞌi̱ kúu yóꞌó! ¿Nda̱chun xíka ini ún, ta o̱n vása kándixa ún yi̱ꞌi̱ chindeé i̱ yóꞌó?

San Mateo 15:27

Ta ni̱ka̱ꞌa̱n ñá xíꞌin ra, káchí ñá saá: ―Ndixa, Tata. Ta saá ni, tí ina xíxi rí ña cha̱chi kóyo yuꞌu̱ mesa xitoꞌo rí ―káchí ñá.

San Mateo 8:10

Ta ta̱Jesús na̱kaꞌnda ini ra xíni̱ so̱ꞌo ra to̱ꞌon yóꞌo, ta ni̱ka̱ꞌa̱n ra xíꞌin ni̱vi na ndóo xíꞌin ra: ―Ndixa káꞌa̱n i̱ xíꞌin ndó, ndiꞌi saá ñoo Israel ta̱ꞌán nakutáꞌan i̱ xíꞌin ñii ta̱a ta̱ kándixa Ndios nda̱tán kándixa ta̱yóꞌo, ta ni o̱n si̱ví ta̱judío kúu ra.

San Mateo 8:13

Ta ni̱ka̱ꞌa̱n ta̱Jesús xíꞌin ta̱ ndíso chiño xíꞌin natropa, káchí ra saá: ―Vitin va̱ꞌa, noꞌo̱ ún veꞌe ún. Ta xa ndu̱va̱ꞌa ta̱ kísa chiño no̱o̱ ún xa̱ꞌa̱ ña kándixa ún yi̱ꞌi̱ ―káchí ta̱Jesús. Ta mi̱i hora ni̱ka̱ꞌa̱n ta̱Jesús ñayóꞌo, ndu̱va̱ꞌa ta̱ ndeé ndóꞌo.

San Mateo 9:22

Ta ndi̱kó koo ta̱Jesús ta xi̱ni ra ñá, ta káchí ra saá xíꞌin ñá: ―O̱n kuyi̱ꞌví ún, nana. Xa ndu̱va̱ꞌa ún chi kándixa ini ún yi̱ꞌi̱. Ta saá xa̱ndi̱ko̱n ndu̱va̱ꞌa ñá, ta ni̱ya̱a̱ xíta̱ ni̱i̱ ñá.

San Marcos 5:34

Ta ni̱ka̱ꞌa̱n ta̱Jesús xíꞌin ñá: ―Nana, xa ndu̱va̱ꞌa ún chi kándixa ini ún yi̱ꞌi̱. Ta vitin noꞌo̱ ún, ta ná koo va̱ꞌa ini ún chi ndu̱va̱ꞌa ún, xa ke̱e kue̱ꞌe̱ yóꞌó.

San Lucas 17:5

Ta saá ni̱ka̱ꞌa̱n naxíka xíꞌin ta̱Jesús xíꞌin ra, káchí na saá: ―Tata, chindeé ún ndi̱ꞌi̱ ña kandixa va̱ꞌa ní ka̱ ndi̱ Ndios ―káchí na.

San Lucas 7:50

Ta ta̱Jesús ni̱ka̱ꞌa̱n ra xíꞌin ñaꞌa̱: ―Xa̱ꞌa̱ ña kándixa ún yi̱ꞌi̱, Ndios sa̱ka̱ku ra yóꞌó. Ta vitin ná koo va̱ꞌa ini ún ta kua̱noꞌo̱ ún veꞌe ún ―káchí ra xíꞌin ñá.

San Lucas 7:9

Ta ta̱Jesús na̱kaꞌnda ini ra xi̱ni̱ so̱ꞌo ra to̱ꞌon yóꞌo, ta ni̱ka̱ꞌa̱n ra xíꞌin ni̱vi na ndóo xíꞌin ra: ―Ndixa káꞌa̱n i̱ xíꞌin ndó, ndiꞌi saá ñoo Israel ta̱ꞌán nakutáꞌan i̱ xíꞌin ñii ta̱a ta̱ kándixa Ndios nda̱tán kándixa ta̱yóꞌo, ta ni o̱n si̱ví ta̱judío kúu ra ―káchí ta̱Jesús xíꞌin na.

2 Tesalonicenses 1:3

Ndiꞌi saá ki̱vi̱ táxi ndi̱ ña táxaꞌvi ñaꞌá ndaꞌa̱ Ndios xa̱ꞌa̱ ndóꞌó. Ndixa chiño no̱o̱ ndi̱ kúu ña káꞌa̱n ndi̱ saá xa̱ꞌa̱ ndó xíꞌin Ndios, chi va̱ꞌa ní vivíi ndíko̱n ndó yichi̱ Jesucristo. Chi ñii ñii ki̱vi̱ ña táku̱ ndó, ta saá va̱xi kuaꞌno ka̱ ña va̱ꞌa kándixa ndó Jesucristo, ta ñii ki̱ꞌva saá va̱xi kuaꞌno ka̱ ña kíꞌvi ini ndó xíni táꞌan ndó.