Ta ni̱vi na kua̱ꞌa̱n yichi̱ ni̱ka̱ꞌa̱n na xíꞌin ra: ―¡Kasi ndó yuꞌu̱ ndó! ―káchí na. Ta ni̱‑chikaa̱ so̱ꞌo o̱vi̱ ta̱kuáá ña ni̱ka̱ꞌa̱n na xíꞌin ra, ta ki̱xáꞌá ra ndeé va̱ꞌa ka̱ káꞌa̱n ra: ―Tata, sa̱ꞌya ta̱David, ¡ná kundáꞌví ini ún koni ún ndi̱ꞌi̱! ―káchí ra.
Ta ki̱xaa̱ ñii ta̱a ta̱ ndeé ní ndóꞌo kue̱ꞌe̱ táꞌyí ña na̱ní lepra. Ki̱xaa̱ ra xi̱kuxítí ra no̱o̱ ta̱Jesús, ta káchí ra saá xíꞌin ra: ―Tata, tá kóni ún, ta sandaꞌa ún yi̱ꞌi̱ no̱o̱ kue̱ꞌe̱ ña ndóꞌo i̱ ―káchí ta̱ ndeé ndóꞌo xíꞌin ta̱Jesús.
Kua̱ꞌa̱ ní yichi̱ sákana ña ra no̱o̱ xíxi̱ ñoꞌo̱, ta kua̱ꞌa̱ ní yichi̱ sákana ña ra ini takuií, chi kóni ña kaꞌni ña ra. Tá kúchiño ún, ta chindeé ún ndi̱ꞌi̱. Kundáꞌví ini ún koni ún ndi̱ꞌi̱, ta sandaꞌa ún ra ―káchí yivá ta̱loꞌo.