San Mateo 15:15 - Alacatlatzala Mixtec New Testament

¹⁵ Ta nda̱kuii̱n ta̱Pedro, ni̱ka̱ꞌa̱n ra, káchí ra saá: ―Nandaxin ún no̱o̱ ndi̱ cuento sa̱náꞌa ún xa̱ꞌa̱ ña ndasaá nduu ni̱vi na ya̱kua̱ no̱o̱ Ndios.

San Mateo 15:15 Iomraidhean Croise

San Mateo 13:18

Ta tuku ni̱ka̱ꞌa̱n ta̱Jesús xíꞌin naxíka xíꞌin ra: ―Ta vitin koni̱ so̱ꞌo ndó yukía̱ káchí cuento xa̱ꞌa̱ ta̱ chíꞌi ndiki̱n trigo.

San Mateo 13:36

Ta ni̱nda̱yi ta̱Jesús ni̱vi, ta ni̱ki̱ꞌvi ra veꞌe. Ta ki̱xaa̱ yatin naxíka xíꞌin ra no̱o̱ ra, ta ni̱ka̱ꞌa̱n na xíꞌin ra: ―Nandaxin ún no̱o̱ ndi̱ yukía̱ kóni kachí cuento xa̱ꞌa̱ ku̱ꞌu̱ naꞌá xíꞌin yita trigo.

San Mateo 15:16

Ta ni̱ka̱ꞌa̱n ta̱Jesús xíꞌin na: ―¿Án ñii ki̱ꞌva nda̱tán yóo inka̱ ni̱vi, saá yóo ndóꞌó? ¿Án ta̱ꞌán kunda̱a̱ ini ndó?

San Marcos 4:34

Ta o̱n vása ní‑sanáꞌa ra nayóꞌo xíꞌin inka̱ no̱o̱ to̱ꞌon. Tá kíndo̱o matóꞌón ra xíꞌin naxíka xíꞌin ra, ta na̱ndaxin ndiꞌi ra cuento yóꞌo no̱o̱ na.

San Marcos 7:17

Tá sa̱ndakoo ra ni̱vi yóꞌo, ta ni̱ki̱ꞌvi ra veꞌe, ta naxíka xíꞌin ra ni̱nda̱ka̱ to̱ꞌon ñaꞌá na yukía̱ káchí cuento yóꞌo ña sa̱náꞌa ra.

San Juan 16:29

Ta nda̱kuii̱n naxíka xíꞌin ra, ni̱ka̱ꞌa̱n na, káchí na saá: ―Vitin to̱ꞌon ña káxín ní kúu ña káꞌa̱n ún xíꞌin ndi̱. Vitin o̱n vása káꞌa̱n ún to̱ꞌon ña yo̱ꞌvi̱ ní kunda̱a̱ ini ndi̱.