San Mateo 14:33 - Alacatlatzala Mixtec New Testament

³³ Ta na ñóꞌo ini tón barco xi̱kuxítí na no̱o̱ ta̱Jesús, ta ki̱sa to̱ꞌó na ra, ni̱ka̱ꞌa̱n na saá xíꞌin ra: ―¡Ndixa yóꞌó kúu ún Sa̱ꞌya Ndios! ―káchí na.

San Mateo 14:33 Iomraidhean Croise

San Mateo 14:32

Ta saá nda̱a na tón barco, ta ni̱ya̱a̱ ta̱chi̱.

San Mateo 15:25

Ta ñáñaꞌa̱ yóꞌo ni̱to̱nda̱a yatin ñá, ta xi̱kuxítí ñá no̱o̱ ta̱Jesús, ta ni̱ka̱ꞌa̱n ñá xíꞌin ra: ―Tata, ¡chindeé ún yi̱ꞌi̱!

San Mateo 16:16

Ta nda̱kuii̱n ta̱Simón Pedro, ni̱ka̱ꞌa̱n ra: ―Yóꞌó kúu Cristo, ta̱a ta̱ ti̱ꞌví Ndios saka̱ku ni̱vi ñoyívi yóꞌo, ta kúu ún Sa̱ꞌya Ndios ta̱táku̱.

San Mateo 17:5

Tá káꞌa̱n ka̱ ta̱Pedro, ta no̱o ñii vi̱ko̱ ña yéꞌe nda̱ no̱o̱ ñíndichi ra xíꞌin nata̱a yóꞌo, ta ni̱saꞌvi ndiꞌi na ti̱xin vi̱ko̱. Ta ti̱xin vi̱ko̱ yóꞌo ki̱xi to̱ꞌon ña ni̱ka̱ꞌa̱n Ndios, káchí ra saá: ―Ta̱yóꞌo kúu Sa̱ꞌya i̱, ta̱ kíꞌvi ní ini i̱ xíni i̱, ta kúsii̱ ní ini i̱ xíni i̱ ra. Ta koni̱ so̱ꞌo va̱ꞌa ndó to̱ꞌon ña káꞌa̱n ra ―káchí Ndios.

San Mateo 2:11

Ta ni̱ki̱ꞌvi na ini veꞌe, ta xi̱ni na ta̱loꞌo xíꞌin siꞌí ra ñáMaría. Ta saá xi̱kuxítí na no̱o̱ ta̱loꞌo, ta ki̱sa to̱ꞌó na ra. Ta na̱kuiná na xa̱to̱n válí na, ta sa̱níꞌi na ra ñaoro, xíꞌin xuxa va̱ꞌa ña yáꞌví ní, xíꞌin nduta̱ va̱ꞌa tá támi xáꞌan na̱ní rá mirra.

San Mateo 26:63

Ta ta̱Jesús tási̱ín yóo ra, o̱n vása ní‑ndakuii̱n ra. Ta tuku ni̱ka̱ꞌa̱n ta̱káꞌno no̱o̱ nasu̱tu̱ xíꞌin ra: ―Ta xáꞌnda chiño i̱ no̱o̱ ún chináꞌa ún Ndios ta̱táku̱, ta ka̱ꞌa̱n ún ñanda̱a̱ xíꞌin ndi̱, ¿án Cristo ta̱ ti̱ꞌví Ndios kúu ún? ¿Án ndixa Sa̱ꞌya Ndios kúu ún? ―káchí ra.

San Mateo 27:43

Ta ta̱yóꞌo ni̱ka̱ꞌa̱n ra ndáa ini ra Ndios. Tá ndixa Ndios kíꞌvi ini ra xíni ra ta̱yóꞌo, ta Ndios ná saka̱ku ñaꞌá ra vitin, chi ni̱ka̱ꞌa̱n ta̱yóꞌo: “Yi̱ꞌi̱ kúu Sa̱ꞌya Ndios”, ka̱chí ra ―saá káꞌa̱n na, xáku̱ ndaa na ra.

San Mateo 27:54

Ta ta̱ ndíso chiño xíꞌin ñii ciento natropa, yóo ra xíꞌin inka̱ natropa ndáa na ta̱Jesús. Ta nayóꞌo xi̱ni na ni̱ta̱an no̱o̱ ñoꞌo̱, ta xi̱ni na ndiꞌi ña yi̱yo ní ni̱yaꞌa, ta ni̱yi̱ꞌví ní na, ta ni̱ka̱ꞌa̱n na: ―Ndixa ta̱yóꞌo xi̱kuu Sa̱ꞌya Ndios ―káchí na.

San Mateo 28:17

Ta xi̱ni na ra ta ki̱sa to̱ꞌó na ra, vará sava nayóꞌo ni̱xika ini na án ndixa kúu ta̱yóꞌo ta̱Jesús.

San Mateo 28:9

Ta xa̱ndi̱ko̱n ta̱Jesús na̱kutáꞌan ra xíꞌin náñaꞌa̱ yóꞌo yichi̱, ta chi̱ndeé ra ná ta ni̱ka̱ꞌa̱n ra siꞌa xíꞌin ná: ―Kuaꞌa, nana. Ná koo ñava̱ꞌa ini ndó ―káchí ra xíꞌin ná. Ta ni̱xaa̱ yatin ná no̱o̱ ra, ta xi̱kuxítí ná ta no̱mi ná xa̱ꞌa̱ ra ta ki̱sa to̱ꞌó ná ra.

San Mateo 4:3

Ta ki̱xaa̱ ñandiva̱ꞌa káꞌno no̱o̱ ta̱Jesús ña koto ndoso ña ra, ta ni̱ka̱ꞌa̱n ña xíꞌin ra to̱ꞌon yóꞌo, káchí ña saá: ―Tá ndixa Sa̱ꞌya Ndios kúu ún, ta va̱ꞌa kaꞌnda chiño ún no̱o̱ yu̱u̱ ña ndóo yóꞌo ná nduu ña si̱ta̱ va̱ꞌa ―káchí ña xíꞌin ra.

San Marcos 1:1

Siꞌa kíxáꞌá to̱ꞌon ñava̱ꞌa xa̱ꞌa̱ Jesucristo, Sa̱ꞌya Ndios,

San Marcos 14:61

Ta ta̱Jesús tási̱ín yóo ra, o̱n vása ní‑ndakuii̱n ra nda̱ ñii to̱ꞌon. Ta ta̱káꞌno no̱o̱ nasu̱tu̱ tuku ni̱nda̱ka̱ to̱ꞌon ñaꞌá ra: ―¿Án Cristo ta̱ ti̱ꞌví Ndios kúu ún? ¿Án ndixa Sa̱ꞌya Ndios kúu ún? ―káchí ra.

San Marcos 15:39

Ta ta̱ ndíso chiño xíꞌin ñii ciento natropa, yóo yatin ra no̱o̱ tákaa̱ ndaa ta̱Jesús, ta xi̱ni̱ so̱ꞌo ra ñii ndeé ni̱ka̱ꞌa̱n ta̱Jesús ta ni̱xiꞌi̱ ra, ta ta̱ ndíso chiño yóꞌo ni̱ka̱ꞌa̱n ra saá: ―Ndixa ta̱yóꞌo xi̱kuu Sa̱ꞌya Ndios ―káchí ra.

San Lucas 24:52

Ta saá na ndíko̱n ta̱Jesús ki̱sa káꞌno na ra, ta ndi̱kó na kua̱noꞌo̱ na ñoo Jerusalén, ta kúsii̱ ní ini na.

San Lucas 4:41

Ta ta̱va ra kua̱ꞌa̱ ní níma̱ ndiva̱ꞌa xi̱komí sava na. Tá ke̱e níma̱ ndiva̱ꞌa ni̱vi, ta xíꞌin to̱ꞌon ndason ni̱ka̱ꞌa̱n ña xíꞌin ta̱Jesús, káchí ña saá: ―Yóꞌó kúu Sa̱ꞌya Ndios ―káchí ña. Ta ta̱Jesús o̱n vása ní‑taxi ra ka̱ꞌa̱n ka̱ ñaníma̱ ndiva̱ꞌa, chi xíni̱ ña Cristo kúu ra.

San Lucas 8:28

Tá xi̱ni ra ta̱Jesús, ta ni̱xaa̱ ra xi̱kuxítí ra no̱o̱ ta̱Jesús, ta xíꞌin ndiꞌi ndee̱ ra ni̱ka̱ꞌa̱n ra: ―¿Yukía̱ kóni ún keꞌé ún xíꞌin i̱? Chi yóꞌó ta̱Jesús kúu Sa̱ꞌya Ndios ta̱Káꞌno. Ta xáku ndáꞌví i̱ no̱o̱ ún ndí o̱n saxo̱ꞌvi̱ ún yi̱ꞌi̱ ―káchí ra xíꞌin ta̱Jesús.

San Juan 1:49

Ta nda̱kuii̱n ta̱Natanael, káchí ra saá: ―Tata Rabí, ndixa yóꞌó kúu Sa̱ꞌya Ndios, yóꞌó kúu ta̱a ta̱Rey, ta̱káꞌno no̱o̱ naIsrael.

San Juan 11:27

Ta nda̱kuii̱n ñá, ni̱ka̱ꞌa̱n ñá: ―Ndixa, Tata, kándixa i̱ to̱ꞌon káꞌa̱n ún, ta kándixa i̱ yóꞌó kúu Cristo, Sa̱ꞌya Ndios, ta̱a ta̱ xi̱ndati ndi̱ ña tiꞌví Ndios, ta vitin xa ki̱xaa̱ ra ñoyívi yóꞌo ―káchí ñáMarta xíꞌin ta̱Jesús.

San Juan 17:1

Ta ndi̱ꞌi nda̱to̱ꞌon ra ñayóꞌo xíꞌin naxíka xíꞌin ra, ta saá ta̱Jesús na̱koto ndaa ra ñoyívi ni̱no, ta ni̱ka̱ꞌa̱n ra xíꞌin Ndios, káchí ra saá: ―Tata Yivá i̱, xa ki̱xaa̱ mi̱i ki̱vi̱ káꞌno ní. Ta vitin yi̱ꞌi̱, ta̱a ta̱ kúu Sa̱ꞌya ún, ndúkú i̱ no̱o̱ ún ña chinóo síkón ún ñato̱ꞌó i̱ no̱o̱ ni̱vi. Ñava̱ꞌa yóꞌo ndúkú i̱ no̱o̱ ún xa̱ꞌa̱ ña chinóo síkón i̱ ñato̱ꞌó mi̱i ún no̱o̱ ni̱vi.

San Juan 19:7

Ta ñii toon káꞌa̱n najudío, káchí na saá: ―Kómí ndi̱ nda̱yí ña káchí xíni̱ ñóꞌó kivi̱ ra, chi káꞌa̱n ra ndí mi̱i ra kúu Sa̱ꞌya Ndios ―káchí na xíꞌin ta̱Pilato.

San Juan 6:69

Xa kándixa va̱ꞌa ndi̱ yóꞌó, ta xíni̱ ndi̱ yóꞌó kúu Cristo, ta̱a ta̱ ti̱ꞌví Ndios saka̱ku ni̱vi ñoyívi yóꞌo ta kúu ún Sa̱ꞌya Ndios ta̱táku̱ ―káchí ta̱Pedro xíꞌin ta̱Jesús.

Hechos 8:36

Ta saá kua̱ꞌa̱n ka̱ na yichi̱ xíꞌin tón carreta, ta ni̱xaa̱ na ñii xiiña no̱o̱ ñóꞌo takuií. Ta ni̱ka̱ꞌa̱n ta̱Etiopía, káchí ra saá: ―Yóꞌo ñóꞌo takuií. ¿Án yóo ka̱ inka̱ chiño kúma̱ni̱ kasa ndivi i̱, ta saá va̱ꞌa kuchiño kuchu i̱ vitin? ―káchí ra xíꞌin ta̱Felipe.

Romanos 1:4

Ta saá ni, xa̱ꞌa̱ ña ni̱xiꞌi̱ ra, ta xa̱ꞌa̱ ña Ndios sa̱nataku̱ ñaꞌá ra xíꞌin ndee̱ Níma̱ ra, Jesucristo sa̱náꞌa ra ndí ndixa Sa̱ꞌya Ndios kúu ra, ta kómí ra ndiꞌi ndee̱ káꞌno.