San Mateo 14:28 - Alacatlatzala Mixtec New Testament

²⁸ Ta ni̱ka̱ꞌa̱n ta̱Pedro, káchí ra saá: ―Tata, tá ndixa yóꞌó kúu ún, ta kaꞌnda chiño ún no̱o̱ i̱ ta ná kundo̱so̱ i̱ no̱o̱ takuií ta xaa̱ i̱ no̱o̱ ún.

San Mateo 14:28 Iomraidhean Croise

San Mateo 14:27

Ta saá kama ni̱ka̱ꞌa̱n ta̱Jesús xíꞌin na: ―O̱n kundiꞌi ini ndó, chi yi̱ꞌi̱ va kúu i̱. O̱n kuyi̱ꞌví ndó ―káchí ta̱Jesús xíꞌin na.

San Mateo 14:29

―Naꞌa ―káchí ta̱Jesús xíꞌin ra. Ta ta̱Pedro no̱o ra tón barco, ta ki̱xáꞌá ra xíka xáꞌá ra no̱o̱ takuií ña xaa̱ ra no̱o̱ ta̱Jesús.

San Mateo 19:27

Ta ni̱ka̱ꞌa̱n ta̱Pedro xíꞌin ra: ―Ta mi̱i ndi̱, xa sa̱ndakoo ndi̱ ndiꞌi ñava̱ꞌa ña xi̱komí ndi̱, xa̱ꞌa̱ ña ndíko̱n ndi̱ sa̱ta̱ ún. ¿Yu kúu ñava̱ꞌa nakiꞌin ndi̱ xa̱ꞌa̱ ñayóꞌo? ―káchí ra.

San Marcos 14:31

Ta xíꞌin ndiꞌi ndee̱ ra ni̱ka̱ꞌa̱n ta̱Pedro, káchí ra saá: ―Tata, ta̱nda̱ xíni̱ ñóꞌó kivi̱ i̱ xíꞌin ún, ta nda̱ ñii yichi̱ o̱n vása ka̱ꞌa̱n i̱ o̱n vása xíni̱ i̱ yóꞌó ―káchí ta̱Pedro. Ta ñii káchí saá ni̱ka̱ꞌa̱n ndiꞌi ka̱ naxíka xíꞌin ta̱Jesús.

San Juan 6:68

Ta nda̱kuii̱n ta̱Simón Pedro ni̱ka̱ꞌa̱n ra: ―Tata, ¿yu kúu ka̱ ví inka̱ ta̱a ta̱ kuchiño ndi̱ kundiko̱n ndi̱?, chi ñii la̱á yóꞌó kúu ta̱a ta̱ káꞌa̱n to̱ꞌon ña kómí ndee̱ ña taxi kutaku̱ ndinoꞌo ni̱vi.

Romanos 12:3

Ndios kúu ta̱a ta̱ va̱ꞌa ini, ta xa̱ꞌa̱ ñayóꞌo sa̱kuiso ra chiño yi̱ꞌi̱ kúu i̱ ta̱apóstol ta̱ kísa chiño no̱o̱ Jesucristo. Ta saá káꞌa̱n i̱ xíꞌin ndóꞌó vitin, káchí i̱ saá: O̱n váꞌa kani si̱ni̱ yó ndí ndasaá mi̱i yó kúu ni̱vi na ndáya̱ꞌví ní ka̱ no̱o̱ inka̱ ni̱vi, ta va̱ꞌa ka̱ vivíi kani si̱ni̱ yó xa̱ꞌa̱ mi̱i yó. Saá chi ndaꞌa̱ ñii ñii mi̱i yó, ni̱vi na kúu na kándixa Jesucristo, Ndios xa ta̱xi ra ndee̱ ña va̱ꞌa ndaꞌa̱ yó ña kúchiño yó chindeé táꞌan yó, ta va̱ꞌa kasa ndivi yó chiño ra. Ta saá tá va̱ꞌa kúnda̱a̱ ini yó yu kúu ndee̱ va̱ꞌa kómí yó ña ta̱xi Ndios ndaꞌa̱ yó, ta saá kúchiño yó vivíi kani si̱ni̱ yó xa̱ꞌa̱ mi̱i yó.

Santiago 1:6

Ta ki̱vi̱ ndúkú yó ñandíchí no̱o̱ Ndios, ta xíni̱ ñóꞌó kandixa ndinoꞌo ini yó ndí ndixa taxi ra ña xíni̱ ñóꞌó yó ndaꞌa̱ yó. Ta o̱n váꞌa kaka o̱vi̱ ini yó, chi nda̱tán yóo takuií tá kánda xíno no̱o̱ mi̱ni, ta kua̱ꞌa̱n rá yóꞌo ta kua̱ꞌa̱n rá kaa̱, ke̱ꞌé ta̱chi̱ xíꞌin rá, saá yóo ni̱vi na xíka o̱vi̱ ini.