San Mateo 13:15 - Alacatlatzala Mixtec New Testament

¹⁵ Ta níma̱ ni̱vi yóꞌo xa ku̱táꞌyá yu̱u̱ ña. Ta nákasi kútu̱ na so̱ꞌo na, ta nákasi na nduchu̱ no̱o̱ na, chi o̱n xi̱in na koto na, ni o̱n xi̱in na koni̱ so̱ꞌo na. Ña kéꞌé na saá kúu ña o̱n xi̱in na kunda̱a̱ ini na ñanda̱a̱, ni o̱n xi̱in na ndikó na kixi na no̱o̱ i̱ ña sandaꞌa i̱ na”, káchí Ndios, káchí ta̱profeta xi̱na̱ꞌá.

San Mateo 13:15 Iomraidhean Croise

San Marcos 4:12

Ta saá ku̱ndivi ña ni̱taa ñii ta̱profeta xi̱na̱ꞌá, ka̱chí ra: “Vará xíto na, ta o̱n vása xíni̱ na ñanda̱a̱. Vará xíni̱ so̱ꞌo na, ta o̱n vása chíkaa̱ so̱ꞌo na, ni o̱n vása kúnda̱a̱ ini na ña ndáto̱ꞌon i̱. Ña̱kán o̱n vása nándikó ini na, ta Ndios o̱n kúchiño kasa káꞌno ini ra xa̱ꞌa̱ na”, káchí to̱ꞌon Ndios ―káchí ta̱Jesús.

San Lucas 19:42

ta ni̱ka̱ꞌa̱n ra saá: ―¡Kóni ní i̱ vitin kunda̱a̱ ini ndó yu kúu ña kivi taxi koo va̱ꞌa ini ndó! Saá chi ña nákaa̱ seꞌé no̱o̱ ndó kúu ña vitin, ta o̱n ki̱ví koni ndó ña.

Hechos 28:27

Saá chi níma̱ ndó xa ku̱táꞌyá yu̱u̱ ña. Ta so̱ꞌo ndó, na̱kasi kútu̱ ndó ña, ta nduchu̱ no̱o̱ ndó, na̱kasi ndó ña, chi o̱n xi̱in ndó koto ndó, ni o̱n xi̱in ndó koni̱ so̱ꞌo ndó. Ña kéꞌé ndó saá kúu ña o̱n xi̱in ndó kunda̱a̱ ini ndó ñanda̱a̱, ni o̱n xi̱in ndó ndikó ndó kixi ndó no̱o̱ i̱ ña sandaꞌa i̱ ndóꞌó”, ka̱chí Ndios xíꞌin naxi̱i̱ síkuá yó naIsrael, saá ni̱taa ta̱profeta Isaías kui̱ya̱ xi̱na̱ꞌá.

Hechos 3:19

Ta vitin ndóꞌó, xíni̱ ñóꞌó nandikó ini ndó, ta sandakoo ndó kua̱chi ndó, ta ki̱ꞌvi ndó yichi̱ Ndios. Ta saá kasa káꞌno ini ra xa̱ꞌa̱ kua̱chi ndó. Ta saá ndixa kixaa̱ ki̱vi̱ ña Ndios taxi ra ña nakindée ndó.

Hechos 7:57

Tá xíni̱ so̱ꞌo na to̱ꞌon ña káꞌa̱n ta̱Esteban, ta xíꞌin ndaꞌa̱ na na̱kasi na so̱ꞌo na chi o̱n xi̱in na koni̱ so̱ꞌo ka̱ na to̱ꞌon ña káꞌa̱n ra xíꞌin na. Ta xíꞌin ña sáa̱ ini na, ndeé ní ni̱nda̱ꞌyi na, ta ñii na̱kuita ndiꞌi na, ta ti̱in na ra.

2 Timoteo 4:4

Ta saá sandakoo na ña koni̱ so̱ꞌo na to̱ꞌon ña nda̱a̱, ta ndasaá kuiti chikaa̱ so̱ꞌo na cuento ña va̱xi si̱ni̱ ni̱vi.

Hebreos 5:11

Yóo kua̱ꞌa̱ ní to̱ꞌon ña xíni̱ ñóꞌó koni̱ so̱ꞌo ndó xa̱ꞌa̱ ñayóꞌo, ta yo̱ꞌvi̱ ní ña kuchiño vivíi ndato̱ꞌon ndi̱ to̱ꞌon yóꞌo xíꞌin ndó, chi ndóꞌó o̱n vása chíkaa̱ ka̱ ndó ndee̱ ña kunda̱a̱ ini ndó to̱ꞌon yóꞌo.

Apocalipsis 22:2

ta xíno takuií yóꞌo kua̱ꞌa̱n rá ma̱ꞌñó yichi̱ káꞌno ña yóo ñoo yi̱i̱ káꞌno. Ta o̱vi̱ táꞌví saá yuꞌu̱ yu̱ta yóꞌo yíta yito̱n, ta kóon kui̱ꞌi ndaꞌa̱ nó. Ta ni̱vi na kaxi kui̱ꞌi yóꞌo kutaku̱ na ndiꞌi saá ki̱vi̱ ña va̱xi. Ta yito̱n yóꞌo táxi nó kóon u̱xu̱ o̱vi̱ no̱o̱ kui̱ꞌi ndaꞌa̱ nó, chi ñii ñii yo̱o̱ táxi nó kóon kui̱ꞌi ndaꞌa̱ nó. Ta yu̱ku̱ ndaꞌa̱ yito̱n yóꞌo va̱ꞌa sandaꞌa ña ndiꞌi no̱o̱ kue̱ꞌe̱ ni̱vi na kúu na ki̱xi ndiꞌi saá ñoo.