San Mateo 12:16 - Alacatlatzala Mixtec New Testament

¹⁶ Ta ni̱ka̱ꞌa̱n ra xíꞌin na: ―O̱n ka̱ꞌa̱n ndó xíꞌin nda̱ ñii ni̱vi xa̱ꞌa̱ ña kéꞌé i̱.

San Mateo 12:16 Iomraidhean Croise

San Mateo 12:17

Ñayóꞌo ni̱ka̱ꞌa̱n ra, ta saá ku̱ndivi to̱ꞌon ña ni̱ka̱ꞌa̱n Ndios xíꞌin ta̱profeta Isaías xi̱na̱ꞌá. Ta to̱ꞌon yóꞌo ni̱taa ta̱Isaías ña ni̱ka̱ꞌa̱n Ndios xa̱ꞌa̱ ta̱a ta̱ tiꞌví ra saka̱ku ni̱vi ñoyívi yóꞌo, káchí ña saá:

San Mateo 17:9

Tá va̱xi noo na yuku̱ yóꞌo, ta ta̱Jesús xa̱ꞌnda chiño ra no̱o̱ na, káchí ra saá xíꞌin na: ―O̱n ndato̱ꞌon ndó xíꞌin nda̱ ñii ni̱vi ña sa̱kán xi̱ni ndó. Tá kixaa̱ ki̱vi̱ kivi̱ i̱ ta nataku̱ i̱, saá kivi ndato̱ꞌon ndó xíꞌin ni̱vi ―káchí ra xíꞌin na.

San Mateo 8:4

Ta saá ni̱ka̱ꞌa̱n ta̱Jesús xíꞌin ra: ―O̱n ndato̱ꞌon ún xíꞌin nda̱ ñii ni̱vi. Ta vitin ko̱ꞌo̱n ún no̱o̱ ta̱su̱tu̱ ná koto ra yóꞌó ña kunda̱a̱ ini ra xa ni̱ndaꞌa ún. Ta kuniꞌi ún ndiꞌi ñasóko̱ ña xáꞌnda chiño nda̱yí Ndios ña ni̱taa ta̱Moisés, ta taxi ún ñayóꞌo ndaꞌa̱ Ndios ña kunda̱a̱ ini ni̱vi xa ni̱ndaꞌa ún ―káchí ta̱Jesús xíꞌin ra.

San Mateo 9:30

Ta ndu̱va̱ꞌa o̱vi̱ ra saá, va̱ꞌa na̱koto nduchu̱ no̱o̱ ra. Ta ta̱Jesús ni̱ka̱ꞌa̱n ra xíꞌin ra: ―Kuenda koo ndó, o̱n ndato̱ꞌon ndó xíꞌin nda̱ ñii ni̱vi ndasaá ndu̱va̱ꞌa ndó.

San Marcos 3:7

Ta ta̱Jesús xíꞌin naxíka xíꞌin ra ke̱e na kua̱ꞌa̱n na yuꞌu̱ mi̱ni Galilea. Ta kua̱ꞌa̱ ní ni̱vi na ki̱xi ndiꞌi saá ñoo estado Galilea kua̱ꞌa̱n na sa̱ta̱ ra.

San Marcos 7:36

Ta ta̱Jesús xa̱ꞌnda chiño ra no̱o̱ na xi̱ni ña ke̱ꞌé ra, ña o̱n ndato̱ꞌon na xíꞌin nda̱ ñii ni̱vi ndasaá nda̱ꞌa ta̱yóꞌo. Vará ni̱ka̱ꞌa̱n ka̱ ra xíꞌin na ndúkú ra ñayóꞌo no̱o̱ na, ta saá ni, ndu̱xa̱ nda̱to̱ꞌon na xíꞌin inka̱ ni̱vi ndasaá ndu̱va̱ꞌa ta̱sóꞌó.