San Mateo 11:2 - Alacatlatzala Mixtec New Testament

² Ta ta̱Juan ta̱a ta̱ sa̱kuchu ni̱vi, nákaa̱ ra ini veꞌe ka̱a, ta xi̱ni̱ so̱ꞌo ra xa̱ꞌa̱ ndiꞌi ñava̱ꞌa kéꞌé ta̱Jesús xíꞌin ni̱vi, ta ti̱ꞌví ra o̱vi̱ naxíka xíꞌin ra kua̱ꞌa̱n na no̱o̱ ta̱Jesús, ta ni̱xaa̱ na no̱o̱ ra,

San Mateo 11:2 Iomraidhean Croise

San Mateo 1:17

Ta saá ni̱yaꞌa u̱xu̱ ko̱mi̱ naveꞌe ra, na xi̱kuu xi̱i̱ síkuá Jesucristo ña ki̱xáꞌá nda̱ kui̱ya̱ xi̱taku̱ ta̱Abraham ta̱nda̱ kui̱ya̱ xi̱taku̱ ta̱David. Ta tuku ni̱yaꞌa u̱xu̱ ko̱mi̱ naveꞌe ra, ña ki̱xáꞌá nda̱ kui̱ya̱ xi̱taku̱ ta̱David ta̱nda̱ kui̱ya̱ nañoo Babilonia ti̱in na naIsrael kua̱ꞌa̱n na ñoo Babilonia. Ta ni̱yaꞌa inka̱ u̱xu̱ ko̱mi̱ naveꞌe ra, ña ki̱xáꞌá nda̱ kui̱ya̱ ke̱e nañoo Israel ni̱xa̱ꞌa̱n na ñoo Babilonia ta̱nda̱ kui̱ya̱ ka̱ku Jesucristo.

San Mateo 14:3

Ni̱ka̱ꞌa̱n ta̱Herodes to̱ꞌon yóꞌo chi xáni si̱ni̱ ra xa̱ꞌa̱ ña o̱n váꞌa ke̱ꞌé ra xíꞌin ta̱Juan. Chi ta̱Juan ni̱ka̱ꞌa̱n ra kua̱ꞌa̱ ní yichi̱ xíꞌin ta̱Herodes, káchí ra saá: ―Nda̱yí Ndios ña ni̱taa ta̱Moisés káchí ña, o̱n ko̱ó yichi̱ nakiꞌin ún ñásíꞌí ñani ún koo ñá xíꞌin ún ―káchí ra. Saá chi ta̱Herodes xa ni̱tonda̱ꞌa̱ ra xíꞌin ñáHerodías ñásíꞌí ta̱Felipe ta̱ kúu ñani mi̱i ra. Ta ta̱Herodes, xa̱ꞌa̱ ña sakusii̱ ra ini ñásíꞌí ra yóꞌo, xa̱ꞌnda chiño ra no̱o̱ natropa ña tiin na ta̱Juan, ta ka̱tón na ra ta chi̱kaa̱ na ra ini veꞌe ka̱a.

San Mateo 4:12

Ki̱vi̱ xi̱ni̱ so̱ꞌo ta̱Jesús xa̱ꞌa̱ ña chi̱kaa̱ na ta̱Juan ini veꞌe ka̱a, ta ndi̱kó ta̱Jesús kua̱noꞌo̱ ra estado Galilea.

San Mateo 9:14

Ta naxíka xíꞌin ta̱Juan ta̱ sa̱kuchu ni̱vi, ki̱xaa̱ na no̱o̱ ta̱Jesús, ta ni̱nda̱ka̱ to̱ꞌon na ra: ―Kua̱ꞌa̱ ní yichi̱ yóo soꞌon ndi̱, ta yóo soꞌon nafariseo. Ta naxíka xíꞌin mi̱i ún, ¿nda̱chun nda̱ ñii ki̱vi̱ o̱n vása yóo soꞌon na?

San Marcos 6:17

Ni̱ka̱ꞌa̱n ta̱Herodes to̱ꞌon yóꞌo chi xáni si̱ni̱ ra xa̱ꞌa̱ ña o̱n váꞌa ni̱keꞌé ra xíꞌin ta̱Juan. Chi ta̱Juan ni̱ka̱ꞌa̱n ra kua̱ꞌa̱ ní yichi̱ xíꞌin ta̱Herodes, káchí ra saá: ―Nda̱yí Ndios ña ni̱taa ta̱Moisés káchí ña, o̱n ko̱ó yichi̱ nakiꞌin ún ñásíꞌí ñani ún koo ñá xíꞌin ún ―káchí ra. Saá chi ta̱Herodes xa ni̱tonda̱ꞌa̱ ra xíꞌin ñáHerodías ñásíꞌí ta̱Felipe ta̱ kúu ñani mi̱i ra. Ta ta̱Herodes, xa̱ꞌa̱ ña sakusii̱ ra ini ñásíꞌí ra yóꞌo, xa̱ꞌnda chiño ra no̱o̱ natropa ña tiin na ta̱Juan, ta ka̱tón na ra, ta chi̱kaa̱ na ra ini veꞌe ka̱a.

San Lucas 3:19

Ta xa̱ꞌa̱ ta̱rey Herodes, ni̱ka̱ꞌa̱n ta̱Juan, káchí ra saá: “O̱n váꞌa ke̱ꞌé ta̱rey Herodes, chi to̱nda̱ꞌa̱ ra xíꞌin ñásíꞌí ñani mi̱i ra ta̱Felipe”, káchí ra, ni̱ka̱ꞌa̱n ra no̱o̱ ni̱vi. Ta ta̱Juan ni̱ka̱ꞌa̱n ka̱ ra xa̱ꞌa̱ kua̱ꞌa̱ ní inka̱ ña o̱n váꞌa ke̱ꞌé ta̱Herodes yóꞌo.

San Lucas 9:7

Ta ta̱rey Herodes, xi̱ni̱ so̱ꞌo ra xa̱ꞌa̱ ndiꞌi ñava̱ꞌa ña ke̱ꞌé ta̱Jesús, ta o̱n vása xíni̱ ra yukía̱ kúu to̱ꞌon ña ndixa xa̱ꞌa̱ ta̱Jesús. Saá chi sava ni̱vi káꞌa̱n na siꞌa: ―Ta̱Jesús kúu ta̱Juan, ta̱ sa̱kuchu ni̱vi, ta ni̱xiꞌi̱ ra ta vitin na̱taku̱ ra ―káchí na.

San Juan 4:1

Nafariseo xi̱ni̱ so̱ꞌo na ndí kua̱ꞌa̱ ní ka̱ ni̱vi ndíko̱n sa̱ta̱ ta̱Jesús vitin no̱o̱ ni̱vi na ndíko̱n sa̱ta̱ ta̱Juan, ta ta̱Jesús sákuchu ra kua̱ꞌa̱ ní ka̱ ni̱vi no̱o̱ ta̱Juan káchí na, káꞌa̱n na.