San Mateo 10:5 - Alacatlatzala Mixtec New Testament

⁵ Ta ti̱ꞌví ta̱Jesús u̱xu̱ o̱vi̱ naapóstol ko̱ꞌo̱n na ka̱ꞌa̱n ndoso na to̱ꞌon ra, ta káchí ra xíꞌin na saá: ―O̱n ko̱ꞌo̱n ndó no̱o̱ inka̱ ni̱vi na o̱n si̱ví kúu najudío, o̱n ki̱ꞌvi ndó nda̱ ñii ñoo naSamaria.

San Mateo 10:5 Iomraidhean Croise

San Mateo 22:3

Ta mi̱i ki̱vi̱ viko̱ ti̱ꞌví ra namozo ra kua̱ꞌa̱n na nakana na ni̱vi na xa nda̱to̱ꞌon ra xíꞌin koo viko̱ yóꞌo, ta ni̱‑xiin na kixi na.

San Mateo 4:15

Ñoo no̱o̱ ndóo sa̱ꞌya ñani síkuá ta̱Zabulón xíꞌin inka̱ ta̱Neftalí, nákaa̱ ña yatin yuꞌu̱ mi̱ni, inka̱ yuꞌu̱ yu̱ta Jordán. Ta estado Galilea, ta kán ndóo sava ni̱vi na o̱n vása kúu najudío, ni o̱n vása ndíko̱n na yichi̱ najudío.

San Marcos 6:7

Ta ka̱na ra u̱xu̱ o̱vi̱ naxíka xíꞌin ra va̱xi na no̱o̱ ra, ta ki̱xáꞌá ra tíꞌví ra o̱vi̱ o̱vi̱ na ko̱ꞌo̱n na ñii ñii ñoo, ta ta̱xi ra nda̱yí ndaꞌa̱ na ña tava na níma̱ ndiva̱ꞌa ña sáxo̱ꞌvi̱ inka̱ ni̱vi.

San Lucas 10:1

Ta ndi̱ꞌi ñayóꞌo, ta ta̱Jesús na̱ka̱xin ra u̱ni̱ si̱ko̱ u̱xu̱ ta̱a, ta ti̱ꞌví ra na, o̱vi̱ o̱vi̱ na kua̱ꞌa̱n siꞌna na ndiꞌi saá ñoo, ta saá xaa̱ mi̱i ta̱Jesús.

San Lucas 10:33

Ta saá va̱xi inka̱ ta̱a ta̱ñoo Samaria, ta ki̱xaa̱ ra no̱o̱ kándúꞌu̱ ta̱ ta̱kuéꞌe̱. Tá xi̱ni ñaꞌá ra, ta ku̱ndáꞌví ní ini ra xi̱ni ra ta̱ ta̱kuéꞌe̱ yóꞌo.

San Lucas 17:16

Tá ni̱xaa̱ ra no̱o̱ ta̱Jesús, ta xi̱kuxítí ra, ta̱nda̱ no̱o̱ ñoꞌo̱ ni̱to̱nda̱a ta̱ꞌya̱ ra, ta ni̱ka̱ꞌa̱n ra, káchí ra saá: ―Táxaꞌvi ún sa̱ndaꞌa ún yi̱ꞌi̱ ―káchí ra. Ta ta̱yóꞌo o̱n si̱ví ta̱Israel kúu ra, ki̱xi ra ñoo estado Samaria.

San Lucas 9:1

Ñii ki̱vi̱ ta̱Jesús ka̱na ra u̱xu̱ o̱vi̱ naxíka xíꞌin ra, ta ki̱xaa̱ na no̱o̱ ra, ta ta̱xi ra ndee̱ xíꞌin nda̱yí ndaꞌa̱ na ña tava na níma̱ ndiva̱ꞌa ña sáxo̱ꞌvi̱ inka̱ ni̱vi, ta ta̱xi ra ndee̱ xíꞌin nda̱yí ndaꞌa̱ na ña sandaꞌa na ndiꞌi no̱o̱ kue̱ꞌe̱.

San Lucas 9:2

Ta ti̱ꞌví ra na ko̱ꞌo̱n na ka̱ꞌa̱n ndoso na xa̱ꞌa̱ yichi̱ ña xáꞌnda chiño Ndios, ta sandaꞌa na ni̱vi na ndeé ndóꞌo.

San Juan 17:18

Nda̱tán yóo ña ti̱ꞌví ún yi̱ꞌi̱ kasa ndivi i̱ chiño ña kóni ún ñoyívi yóꞌo, saá yóo ña tiꞌví i̱ ni̱vi na ndíko̱n yi̱ꞌi̱ ña kasa ndivi na chiño ña kóni ún ñoyívi yóꞌo.

San Juan 20:21

Ta tuku ni̱ka̱ꞌa̱n ta̱Jesús xíꞌin na: ―¡Ná koo ñava̱ꞌa ini ndó! Nda̱tán ti̱ꞌví Yivá i̱ yi̱ꞌi̱, saá tiꞌví i̱ ndóꞌó ko̱ꞌo̱n ndó kasa ndivi ndó chiño no̱o̱ i̱.

San Juan 4:20

Ta vitin, tata, ¿yukía̱ káchí ún?, chi yuku̱ káꞌno xíto yó kaa̱ kúu xiiña no̱o̱ ni̱vi naxi̱i̱ síkuá ndi̱ ki̱sa káꞌno na Ndios, ta ndóꞌó najudío káchí ndó xíni̱ ñóꞌó kasa káꞌno yó Ndios veꞌe ño̱ꞌo káꞌno ñoo Jerusalén ―káchí ñá xíꞌin ta̱Jesús.

San Juan 4:5

Ta ni̱xaa̱ ra ñii ñoo na̱ní Sicar, ña nákaa̱ yatin no̱o̱ yóo ñoꞌo̱ ña ni̱taxi ta̱Jacob ndaꞌa̱ sa̱ꞌya ra ta̱José kui̱ya̱ xi̱na̱ꞌá ní.

San Juan 4:9

Ta nda̱kuii̱n ñáñaꞌa̱, ni̱ka̱ꞌa̱n ñá saá xíꞌin ta̱Jesús: ―Yóꞌó kúu ta̱judío ta yi̱ꞌi̱ kúu ñii ñaꞌa̱ ñáñoo Samaria. ¿Nda̱chun ndúkú ún no̱o̱ yi̱ꞌi̱ taxi i̱ takuií koꞌo ún? ―káchí ñá. (Saá chi najudío o̱n vása nátaꞌan va̱ꞌa na xíꞌin nañoo Samaria.)

San Juan 7:35

Ta saá nanáꞌno no̱o̱ najudío káꞌa̱n táꞌan na, káchí na saá: ―¿Míkía̱ ko̱ꞌo̱n ta̱yóꞌo? ¿Nda̱chun káꞌa̱n ra ko̱ꞌo̱n ra no̱o̱ o̱n kívi naníꞌi yó ra? ¿Án ko̱ꞌo̱n ra ñoo xíká ña kúu ñoo griego no̱o̱ táku̱ kua̱ꞌa̱ ní najudío? ¿Án ko̱ꞌo̱n ra ñoo kán ña sanáꞌa ra nagriego?

San Juan 8:48

Ta nda̱kuii̱n sava najudío, ni̱ka̱ꞌa̱n na xíꞌin ta̱Jesús, káchí na saá: ―¿Án o̱n si̱ví ndixa yóꞌó kúu ún ta̱ñoo Samaria? ¿Án o̱n si̱ví ndixa kúu ún ta̱a ta̱ kómí ñii ñaníma̱ ndiva̱ꞌa ña sáka ní si̱ni̱ ún?

Hechos 1:8

Ta ndóꞌó, ki̱vi̱ ña kixaa̱ Níma̱ Ndios ña kutaku̱ ña ini ndó, ta saá nakiꞌin ndó ndee̱ Ndios, ta kuu ndó ni̱vi na ndakuii̱n xa̱ꞌa̱ i̱. Siꞌna kixáꞌá ndó ndato̱ꞌon ndó xa̱ꞌa̱ i̱ xíꞌin ni̱vi na táku̱ ñoo Jerusalén, ta saá ko̱ꞌo̱n ndó ndiꞌi ñoo ña yóo estado Judea, ta saá ko̱ꞌo̱n ndó ndiꞌi ñoo ña yóo estado Samaria, ta saá ko̱ꞌo̱n ndó ndiꞌi ñoo ña yóo ndiꞌi xiiña ñoyívi yóꞌo. Ta ndiꞌi ñoo yóꞌo ndato̱ꞌon ndó xíꞌin ni̱vi xa̱ꞌa̱ i̱ ―káchí ta̱Jesús xíꞌin na.

Hechos 10:45

Ta ni̱vi na ke̱e ñoo Jope xíꞌin ta̱Pedro kúu najudío na ndíko̱n yichi̱ ta̱Jesús, ta na̱kaꞌnda ini na ndóo na yóꞌo, chi Ndios ke̱ꞌé ra ñava̱ꞌa ña sa̱níꞌi ra Níma̱ ra ña kutaku̱ ña ini ni̱vi na o̱n si̱ví najudío kúu.

Hechos 8:1

Tá ta̱Saulo xi̱ni ra ña xa̱ꞌni na ta̱Esteban, ta yóo yuꞌú ra xíꞌin ni̱vi na xa̱ꞌni ta̱yóꞌo. Ta mi̱i ki̱vi̱ ña xa̱ꞌni na ta̱Esteban, ta ñoo Jerusalén kua̱ꞌa̱ ní ni̱vi ki̱xáꞌá na ndeé ní sáxo̱ꞌvi̱ na ni̱vi na ndíko̱n yichi̱ ta̱Jesús. Ña̱kán kía̱ ni̱xi̱ta̱ níꞌnó na, ta sava na kua̱ꞌa̱n na kutaku̱ na inka̱ ñoo ña ñóꞌo estado Judea, ta sava na kua̱ꞌa̱n na kutaku̱ na inka̱ ñoo ña ñóꞌo estado Samaria. Ta ndákuiti naapóstol kúu na ni̱ndo̱o ñoo Jerusalén.

1 Tesalonicenses 2:16

Ta saá najudío yóꞌo sási na no̱o̱ ndi̱ ki̱vi̱ ndáto̱ꞌon ndi̱ to̱ꞌon va̱ꞌa xa̱ꞌa̱ Jesucristo xíꞌin inka̱ ni̱vi na o̱n vása kúu najudío, saá chi o̱n xi̱in na ña saka̱ku Ndios nayóꞌo. Ta xa̱ꞌa̱ ña kéꞌé na ña o̱n váꞌa yóꞌo, sákuiso ka̱ na kua̱chi sa̱ta̱ mi̱i na, vará xa yóo kua̱ꞌa̱ ní kua̱chi ndíso na. Ta saá ñii ki̱vi̱ ña va̱xi, Ndios saxo̱ꞌvi̱ ní ra nayóꞌo xa̱ꞌa̱ ndiꞌi ña o̱n váꞌa ke̱ꞌé na.