San Mateo 10:26 - Alacatlatzala Mixtec New Testament

²⁶ Ta tuku ni̱ka̱ꞌa̱n ta̱Jesús, káchí ra saá: ―Ta saá o̱n kuyi̱ꞌví ndó no̱o̱ ni̱vi na kándiva̱ꞌa xíꞌin ndó. Xíni̱ ñóꞌó ka̱ꞌa̱n ndoso ndó xa̱ꞌa̱ i̱ xíꞌin na, chi nda̱tán yóo ña yóo seꞌé, saá yóo to̱ꞌon ñava̱ꞌa xa̱ꞌa̱ i̱. Ta nda̱ ñii ñava̱ꞌa nákaa̱ seꞌé o̱n ki̱ví koo seꞌé ña ndiꞌi saá ki̱vi̱, ta xíni̱ ñóꞌó nati̱vi ña.

San Mateo 10:26 Iomraidhean Croise

San Mateo 10:28

O̱n kuyi̱ꞌví ndó no̱o̱ ni̱vi na kóni kaꞌni ndóꞌó, chi o̱n kuchiño na sandiꞌi na xa̱ꞌa̱ níma̱ ndó. Va̱ꞌa ka̱ kuyi̱ꞌví ndó no̱o̱ Ndios, chi Ndios kivi sandiꞌi ra xa̱ꞌa̱ yi̱kí ko̱ñu ndó xíꞌin níma̱ ndó, ta sakana ra ndóꞌó nda̱ya.

San Marcos 4:22

Kúnda̱a̱ ini yó ndí ndiꞌi ña yóo seꞌé vitin, ñii ki̱vi̱ ña va̱xi nati̱vi ndiꞌi ña, ña koni̱ ndiꞌi ni̱vi ña.

San Lucas 24:47

Saá na kándixa ra kixáꞌá na ka̱ꞌa̱n ndoso na to̱ꞌon ra no̱o̱ ni̱vi nañoo Jerusalén, ta ka̱ꞌa̱n ndoso na to̱ꞌon ra no̱o̱ ndiꞌi ni̱vi nañoo ñoyívi yóꞌo. Ta xíꞌin nda̱yí mi̱i ra, ndato̱ꞌon na xíꞌin ni̱vi ndí xíni̱ ñóꞌó ndikó ini na ta sandakoo na ña o̱n váꞌa, ta saá Ndios kasa káꞌno ini ra xa̱ꞌa̱ kua̱chi na.

San Lucas 8:17

Kúnda̱a̱ ini yó ndí ndiꞌi ña yóo seꞌé vitin, ñii ki̱vi̱ ña va̱xi nati̱vi ndiꞌi ña, ña koni̱ ndiꞌi ni̱vi ña, ta kunda̱a̱ ini na xa̱ꞌa̱ ña.

Hechos 1:8

Ta ndóꞌó, ki̱vi̱ ña kixaa̱ Níma̱ Ndios ña kutaku̱ ña ini ndó, ta saá nakiꞌin ndó ndee̱ Ndios, ta kuu ndó ni̱vi na ndakuii̱n xa̱ꞌa̱ i̱. Siꞌna kixáꞌá ndó ndato̱ꞌon ndó xa̱ꞌa̱ i̱ xíꞌin ni̱vi na táku̱ ñoo Jerusalén, ta saá ko̱ꞌo̱n ndó ndiꞌi ñoo ña yóo estado Judea, ta saá ko̱ꞌo̱n ndó ndiꞌi ñoo ña yóo estado Samaria, ta saá ko̱ꞌo̱n ndó ndiꞌi ñoo ña yóo ndiꞌi xiiña ñoyívi yóꞌo. Ta ndiꞌi ñoo yóꞌo ndato̱ꞌon ndó xíꞌin ni̱vi xa̱ꞌa̱ i̱ ―káchí ta̱Jesús xíꞌin na.

Hechos 4:13

Ta ndiꞌi nachiño yóꞌo, na̱kaꞌnda ini na ndóo na, xíni̱ so̱ꞌo na to̱ꞌon káꞌa̱n ta̱Pedro xíꞌin to̱ꞌon káꞌa̱n ta̱Juan. Saá chi o̱n vása yíꞌví o̱vi̱ ta̱a yóꞌo, ta xíꞌin ña ndinoꞌo ní ini na ni̱ka̱ꞌa̱n ndoso na to̱ꞌon no̱o̱ nachiño náꞌno yóꞌo. Ta nachiño yóꞌo kúnda̱a̱ ini na ndí ta̱Pedro xíꞌin ta̱Juan loꞌo ní ka̱ꞌvi na escuela, ta saá ni, va̱ꞌa ní káꞌa̱n na. Ta saá nachiño yóꞌo na̱káꞌán na ndí ta̱Pedro xíꞌin ta̱Juan xi̱kuu nata̱a na ni̱xika xíꞌin ta̱Jesús.

Hechos 4:19

Ta saá ta̱Pedro xíꞌin ta̱Juan nda̱kuii̱n na, káchí na saá: ―Kani si̱ni̱ ndó ta ndakuii̱n ndó, ¿yu kúu ña nda̱a̱ ka̱ no̱o̱ Ndios? ¿Án va̱ꞌa ka̱ kasa ndivi ndi̱ ña kóni ndóꞌó, án va̱ꞌa ka̱ kasa ndivi ndi̱ ña kóni Ndios?

1 Corintios 4:5

Ta saá ndóꞌó, tá o̱n ta̱ꞌán kixaa̱ ki̱vi̱ ña ndikó Jesucristo ñoyívi yóꞌo, ta o̱n váꞌa kasa nani ndó xa̱ꞌa̱ chiño ña ke̱ꞌé nda̱ ñii ni̱vi. Saá chi ki̱vi̱ ndikó Jesucristo ñoyívi yóꞌo, sanati̱vi ra ndiꞌi ña ni̱xi̱yo seꞌé, ta sanati̱vi ra ndiꞌi ña ñóꞌo seꞌé níma̱ ni̱vi, ta sanati̱vi ra ndiꞌi ña xáni si̱ni̱ na. Ta saá Ndios kasa káꞌno ra ñii ñii ni̱vi nda̱tán yóo chiño va̱ꞌa ki̱sa ndivi na.

1 Pedro 3:14

Ta saá ni, tá xóꞌvi̱ ní ndó vará kéꞌé ndó ñava̱ꞌa, ta Ndios chindeé ra ndóꞌó ña kunakaa̱ ñasi̱i̱ ini ndó. O̱n kuyi̱ꞌví ndó no̱o̱ nda̱ ñii ni̱vi, ta ni o̱n kundiꞌi ini ndó no̱o̱ ña o̱n váꞌa keꞌé na xíꞌin ndó.