San Marcos 9:10 - Alacatlatzala Mixtec New Testament

¹⁰ Ta chi̱kaa̱ va̱ꞌa na ña xi̱ni na ini mi̱i na, ta o̱n vása ní‑ndato̱ꞌon na ñayóꞌo xíꞌin inka̱ ni̱vi. Ta ni̱nda̱ka̱ to̱ꞌon xíꞌin táꞌan na yukía̱ káchí ña “nataku̱ ra.”

San Marcos 9:10 Iomraidhean Croise

San Mateo 16:22

Ta saá ta̱Pedro ta̱va síín ñaꞌá ra, ta ki̱xáꞌá ra ni̱na̱a ra xíꞌin ta̱Jesús xa̱ꞌa̱ ña ni̱ka̱ꞌa̱n ra, ta ta̱Pedro ni̱ka̱ꞌa̱n ra, káchí ra saá xíꞌin ta̱Jesús: ―¡Ná o̱n taxi Ndios kundoꞌo ún ñayóꞌo, Tata! ¡Nda̱ ñii ki̱vi̱ o̱n kundoꞌo ún saá!

San Marcos 9:11

Ta ni̱nda̱ka̱ to̱ꞌon na ta̱Jesús: ―¿Nda̱chun káꞌa̱n na sánáꞌa nda̱yí Ndios ndí siꞌna xíni̱ ñóꞌó kixi ta̱Elías, ta saá kixaa̱ ta̱a ta̱ tiꞌví Ndios saka̱ku ra ni̱vi ñoyívi yóꞌo? ―káchí na.

San Marcos 9:32

Ta naxíka xíꞌin ra o̱n vása ní‑kunda̱a̱ ini na yukía̱ káchí to̱ꞌon ña ni̱ka̱ꞌa̱n ra xíꞌin na, ta yíꞌví na nda̱ka̱ to̱ꞌon na ra yukía̱ kóni kachí ña káꞌa̱n ra.

San Marcos 9:9

Ta va̱xi noo na yuku̱ yóꞌo, ta ta̱Jesús xa̱ꞌnda chiño ra no̱o̱ na ña o̱n ndato̱ꞌon na xíꞌin nda̱ ñii ni̱vi xa̱ꞌa̱ ña sa̱kán xi̱ni na. Tá kixaa̱ ki̱vi̱ kivi̱ ra ta nataku̱ ra, saá kivi ndato̱ꞌon na xíꞌin ni̱vi.

San Juan 12:16

Ta naxíka xíꞌin ta̱Jesús o̱n vása ní‑kunda̱a̱ ini na yukía̱ kóni kachí ndiꞌi ña xíto na yóꞌo. Ta saá ni, ki̱vi̱ ndi̱ꞌi ku̱ndivi ña ni̱xiꞌi̱ ta̱Jesús ta na̱taku̱ ra ta ndi̱kó ra nda̱a ra ñoyívi ni̱no, ta̱nda̱ saá na̱káꞌán na to̱ꞌon Ndios ña ni̱taa na xi̱na̱ꞌá xa̱ꞌa̱ ta̱Jesús. Ta saá ku̱nda̱a̱ ini na ndí ndiꞌi ña ke̱ꞌé ni̱vi xíꞌin ta̱Jesús kúu ña ki̱sa ndivi na to̱ꞌon Ndios yóꞌo.

Hechos 17:18

Sava ni̱vi na na̱kutáꞌan yóꞌo ndíko̱n na yichi̱ ña sánáꞌa naepicúreos, ta sava ni̱vi na na̱kutáꞌan yóꞌo ndíko̱n na inka̱ yichi̱ ña sánáꞌa naestoicos. Ta ni̱vi na ndíko̱n ñii ñii yichi̱ yóꞌo xi̱ni̱ so̱ꞌo na to̱ꞌon ta̱Pablo, ta ni̱ka̱ꞌa̱n na xa̱ꞌa̱ ra, káchí na saá: ―¿Yu kúu ña kóni kachí ta̱yóꞌo? Kua̱ꞌa̱ ní to̱ꞌon vi̱chí kuiti káꞌa̱n ra ―káchí na, káꞌa̱n na xa̱ꞌa̱ ta̱Pablo. Ta inka̱ na ni̱ka̱ꞌa̱n na, káchí na saá: ―Ta̱yóꞌo káꞌa̱n ra xa̱ꞌa̱ inka̱ nandios na ñoo xíyo ―káchí na, káꞌa̱n na. Saá chi xi̱ni̱ so̱ꞌo na ta̱Pablo káꞌa̱n ra xa̱ꞌa̱ ta̱Jesús, ta káꞌa̱n ra xa̱ꞌa̱ ña nataku̱ ni̱vi na ni̱xiꞌi̱.