San Marcos 8:12 - Alacatlatzala Mixtec New Testament

¹² Ta ta̱Jesús ñii kónó va̱ꞌa ta̱va ra ta̱chi̱ ra, ta ni̱ka̱ꞌa̱n ra xíꞌin na: ―¿Nda̱chun ndúkú ndóꞌó ña keꞌé i̱ ñii milagro koto ndó?, chi xa ni̱keꞌé i̱ kua̱ꞌa̱ ní milagro. Ndixa káꞌa̱n i̱ xíꞌin ndó, o̱n keꞌé ka̱ i̱ inka̱ milagro no̱o̱ ndó.

San Marcos 8:12 Iomraidhean Croise

San Mateo 12:38

Ta sava nafariseo xíꞌin na sánáꞌa nda̱yí Ndios ni̱ka̱ꞌa̱n na xíꞌin ta̱Jesús, káchí na saá: ―Tata maestro, kóni ndi̱ ña keꞌé ún ñii milagro no̱o̱ ndi̱.

San Mateo 16:4

¡Ni̱vi na ndiva̱ꞌa ní ini, na o̱n vása kándixa Ndios kúu ndóꞌó! Saá chi ndúkú ndó ñii milagro no̱o̱ i̱ ña kandixa ndó tá ta̱a ta̱ ki̱xi no̱o̱ Ndios kúu i̱. Ta yi̱ꞌi̱ o̱n keꞌé i̱ inka̱ milagro ña koto ndó, chi va̱ꞌa ka̱ xíni̱ ñóꞌó kunda̱a̱ ini ndó ña ni̱ndoꞌo ta̱profeta Jonás kui̱ya̱ xi̱na̱ꞌá. Ta saá ke̱e ta̱Jesús kua̱ꞌa̱n ra xíꞌin naxíka xíꞌin ra.

San Marcos 3:5

Ta ta̱Jesús na̱koto va̱ꞌa ra no̱o̱ ndiꞌi na, ta ni̱saa̱ ra xi̱ni ra na, ta kúchuchú ní ini ra chi na toon ní ini kúu na. Ta ni̱ka̱ꞌa̱n ra xíꞌin ta̱a ta̱ yi̱chí ndaꞌa̱: ―Sanakaa̱ ún ndaꞌa̱ ún vitin ―káchí ra. Ta ta̱yóꞌo sa̱nakaa̱ ra ndaꞌa̱ ra, ta ndu̱va̱ꞌa ña.

San Marcos 6:6

Ta ta̱Jesús na̱kaꞌnda ini ra chi nañoo mi̱i ra ni̱‑xiin na kandixa na ra. Ta saá ke̱e ra kua̱ꞌa̱n ra ñii ñii ñoo válí yatin sánáꞌa ra ni̱vi.

San Marcos 7:34

Ta na̱koto ndaa ta̱Jesús ñoyívi ni̱no, ta siꞌna ñii kónó va̱ꞌa ta̱va ra ta̱chi̱ ra, ta ni̱ka̱ꞌa̱n ra to̱ꞌon yóꞌo: ―¡Efata! To̱ꞌon aramaico yóꞌo káchí ña: ¡Ná no̱na̱!

San Marcos 8:13

Ta saá ta̱Jesús sa̱ndakoo ra na, ta tuku nda̱a ra tón barco, kua̱ꞌa̱n ra inka̱ xiiña no̱o̱ mi̱ni.

San Marcos 9:19

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―¡Ni̱vi na o̱n xi̱in kandixa Ndios kúu ndóꞌó! ¿Ndasaá ka̱ ki̱vi̱ xíni̱ ñóꞌó kutaku̱ i̱ xíꞌin ndó? ¿Nda̱ ama kundeé ini i̱ xíꞌin ndó? Ta vitin, va̱ꞌa taxi ndó ná kixi ta̱loꞌo yóꞌo no̱o̱ i̱ ―káchí ta̱Jesús.

San Lucas 19:41

Ta ki̱xaa̱ ta̱Jesús yatin ñoo Jerusalén. Tá xi̱ni ra ñoo yóꞌo, ta ki̱xáꞌá ra kúchuchú ní ini ra, ta xáku ra xa̱ꞌa̱ ni̱vi nañoo yóꞌo,