San Marcos 7:2 - Alacatlatzala Mixtec New Testament

² Ta xi̱ni na ndí sava naxíka xíꞌin ta̱Jesús ni̱‑ndaꞌá na nda̱tán chi̱ndúꞌu̱ naxi̱i̱ síkuá na xi̱na̱ꞌá, ta xi̱xi na. Ta nafariseo xíꞌin na sánáꞌa nda̱yí Ndios ni̱ka̱ꞌa̱n na xa̱ꞌa̱ naxíka xíꞌin ta̱Jesús, káchí na saá: ―Na ndíso kua̱chi kúu nayóꞌo.

San Marcos 7:2 Iomraidhean Croise

San Mateo 15:2

―¿Nda̱chun yáꞌa ndoso naxíka xíꞌin ún no̱o̱ ña sa̱náꞌa naxi̱i̱ síkuá yó xi̱na̱ꞌá? Chi o̱n vása ndáꞌá na ta xíxi na ―káchí na xíꞌin ta̱Jesús.

San Marcos 7:5

Ta nafariseo xíꞌin na sánáꞌa nda̱yí Ndios ni̱nda̱ka̱ to̱ꞌon na ta̱Jesús: ―¿Nda̱chun o̱n vása kísa ndivi naxíka xíꞌin ún ña sa̱náꞌa naxi̱i̱ síkuá yó xi̱na̱ꞌá, ña siꞌna vivíi ndaꞌá na ta kuxu na?, chi na o̱n vása ndáꞌá, naya̱kua̱ kúu na no̱o̱ Ndios.

San Lucas 11:38

Ta na̱kaꞌnda ini ta̱fariseo xíto ra o̱n vása ní‑ndaꞌá ta̱Jesús, nda̱tán ki̱ꞌva yóo nda̱yí mi̱i na.

Hechos 10:28

Ta ni̱ka̱ꞌa̱n ta̱Pedro xíꞌin na: ―Xíni̱ va̱ꞌa ndó yóo nda̱yí ña kísa ndivi ndi̱ najudío ña káchí saá: O̱n váꞌa nakutáꞌan ni̱vi najudío xíꞌin inka̱ ni̱vi na o̱n vása kúu najudío, káchí nda̱yí yóꞌo. Ta vitin Ndios sa̱náꞌa ra no̱o̱ i̱, ndí nda̱ ñii ni̱vi o̱n vása kúu na nakini no̱o̱ ra, ta saá o̱n váꞌa kani si̱ni̱ i̱ ndí ni̱vi na o̱n vása kúu najudío kúu ni̱vi na kini.

Hechos 11:8

Ta yi̱ꞌi̱ nda̱kuii̱n i̱, ka̱chí i̱ saá: “Tata, o̱n ki̱ví keꞌé i̱ saá ña kuxu i̱ kiti̱ yóꞌo, chi nda̱ loꞌo o̱n vása ní‑xixi i̱ ko̱ñu kiti̱ tí káꞌa̱n nda̱yí ña ni̱taa ta̱Moisés ña kúu rí kiti̱ tí kini no̱o̱ Ndios”, ka̱chí i̱ ni̱ka̱ꞌa̱n i̱.

Romanos 14:14

Yi̱ꞌi̱ xíꞌin ndinoꞌo ini i̱ kándixa i̱ Jesucristo, ta kúnda̱a̱ ini i̱ ndí nda̱ ñii ña xíxi ni̱vi kúu ña o̱n váꞌa án ñakini no̱o̱ Ndios. Ta saá ni, yóo sava ni̱vi na xáni si̱ni̱ ndí ña o̱n váꞌa án ñakini no̱o̱ Ndios kúu sava no̱o̱ ña xíxi ni̱vi. Ta saá mi̱i ni̱vi yóꞌo na kúu na xáni si̱ni̱ ndí ñakini no̱o̱ Ndios kúu ña, ta va̱ꞌa ka̱ ná o̱n kuxu na ña.

Hebreos 10:29

Ta, ¿án o̱n ndixa káꞌno ní ka̱ kua̱chi ndíso ni̱vi na chi̱kaa̱ ni̱no̱ Jesucristo?, ta va̱ꞌa ná yo̱ꞌvi̱ ka̱ xo̱ꞌvi̱ nayóꞌo, saá chi ni̱‑xiin na nakoni na yaꞌvi ña ni̱xiꞌi̱ ra ta ni̱xi̱ta̱ ni̱i̱ ra xa̱ꞌa̱ kua̱chi na. Ta ni̱i̱ yóꞌo kúu ña kísa nda̱a̱ xa̱ꞌa̱ ñaxa̱á ki̱ndo̱o Ndios xíꞌin ni̱vi, ta ñaxa̱á yóꞌo chi̱ndúꞌu̱ ndí ni̱i̱ Jesucristo kúu ña sandoo kua̱chi na. Ta ni̱vi na o̱n xi̱in nakoni ñayóꞌo, ta ni̱vi yóꞌo yóo na nda̱tán yóo ni̱vi na kándiva̱ꞌa xíꞌin Níma̱ Ndios, ña kúu ña sánáꞌa no̱o̱ ni̱vi ndí Ndios kíꞌvi ní ini ra xíni ra na.

Apocalipsis 21:27

Ta nda̱ ñii ña kúu ñakini, ni ñaya̱kua̱ o̱n kuchiño ki̱ꞌvi ña ñoo yi̱i̱ yóꞌo. Ni nda̱ ñii ni̱vi na kúu na kéꞌé ñakini, ni ni̱vi na káꞌa̱n ñavatá, o̱n kuchiño ki̱ꞌvi na ñoo yi̱i̱ yóꞌo. Ndasaá kuiti ni̱vi na ni̱ka̱ꞌyi̱ ki̱vi̱ no̱o̱ tutu ña kómí Ndikachi kúu ni̱vi na kuchiño ki̱ꞌvi ñoo yi̱i̱ yóꞌo, chi no̱o̱ tutu yóꞌo yóo ki̱vi̱ ndiꞌi ni̱vi na kutaku̱ xíꞌin Ndios ndiꞌi saá ki̱vi̱ ña va̱xi.