San Marcos 14:2 - Alacatlatzala Mixtec New Testament

² Ta ni̱ka̱ꞌa̱n na, káchí na saá: ―O̱n kuchiño tiin yó ra ki̱vi̱ viko̱, ko̱to̱ koni ndiꞌi nani̱vi ñoo yóꞌo, ta si̱so̱ na nda̱ꞌyi na, ta kani táꞌan na, ta koo ní kua̱chi ―káchí na.

San Marcos 14:2 Iomraidhean Croise

San Mateo 26:2

―Xíni̱ ndó kúma̱ni̱ o̱vi̱ ki̱vi̱ ña to̱nda̱a ki̱vi̱ kana viko̱ Pascua. Ta nataxi na yi̱ꞌi̱, ta̱a ta̱ ki̱xi no̱o̱ Ndios, ndaꞌa̱ ni̱vi na o̱n xi̱in koni yi̱ꞌi̱ ña katakaa̱ ndaa na yi̱ꞌi̱ ña kivi̱ i̱ ndaꞌa̱ tón cruz ―káchí ra xíꞌin na.

San Mateo 26:5

Ta ni̱ka̱ꞌa̱n na, káchí na saá: ―O̱n kuchiño tiin yó ra ki̱vi̱ viko̱, ko̱to̱ koni ndiꞌi nani̱vi ñoo yóꞌo, ta si̱so̱ na nda̱ꞌyi na, ta kani táꞌan na, ta koo ní kua̱chi ―káchí na.

San Marcos 11:18

Ta na sánáꞌa nda̱yí Ndios xíꞌin nanáꞌno no̱o̱ nasu̱tu̱ xi̱ni̱ so̱ꞌo na ña ni̱ka̱ꞌa̱n ra, ta ki̱xáꞌá na ndúkú na ndasaá koo kaꞌni na ta̱Jesús, chi yíꞌví ní na no̱o̱ ra, xa̱ꞌa̱ ña ndiꞌi ni̱vi nákaꞌnda ini na xíni̱ so̱ꞌo na ña sánáꞌa ra.

San Marcos 11:32

¿Án kivi ka̱ꞌa̱n yó ni̱vi kuiti kúu na ta̱xi nda̱yí ndaꞌa̱ ta̱Juan? ―káchí na, káꞌa̱n táꞌan na. Káꞌa̱n táꞌan na saá chi yíꞌví na ko̱to̱ saa̱ nañoo, chi ndiꞌi nañoo kándixa na ndí ta̱Juan xi̱kuu ra ñii ta̱profeta.

San Marcos 14:1

Ta kúma̱ni̱ o̱vi̱ ki̱vi̱ ña to̱nda̱a ki̱vi̱ kana viko̱ Pascua, xíꞌin inka̱ viko̱ no̱o̱ xíxi najudío si̱ta̱ va̱ꞌa ña o̱n ko̱ó levadura kómí. Ta na sánáꞌa nda̱yí Ndios xíꞌin nanáꞌno no̱o̱ nasu̱tu̱ ndúkú na ndasaá koo kasa va̱ꞌa na kua̱chi vatá xa̱ꞌa̱ ta̱Jesús, ta tiin na ra ña kaꞌni ñaꞌá na.

San Marcos 14:3

Ta yóo ta̱Jesús ñoo Betania veꞌe ta̱Simón, ta̱ xi̱komí kue̱ꞌe̱ táꞌyí na̱ní ña lepra. Tá yóo ta̱Jesús xíxi ra no̱o̱ mesa, ta ki̱xaa̱ yatin ñii ñaꞌa̱ níꞌi ñá ñii yu̱yu̱ ña ku̱va̱ꞌa xíꞌin yu̱u̱ na̱ní alabastro, ti̱xin ña ñóꞌo nduta̱ tá xáꞌan támi ní, tá ku̱va̱ꞌa xíꞌin yu̱ku̱ nardo kúu rá, ta nduta̱ yóꞌo kúu tá yáꞌví ní. Ta ni̱xaꞌno ñá si̱ko̱n yu̱yu̱ yóꞌo ta chi̱kaa̱ ndiꞌi ñá rá si̱ni̱ ta̱Jesús.

San Lucas 20:6

Táná ka̱ꞌa̱n yó ni̱vi kuiti kúu na ta̱xi nda̱yí ndaꞌa̱ ta̱Juan, ta saá yi̱yo ní sasaa̱ yó nañoo, ta kixáꞌá na tiin na yu̱u̱, ta koon na mi̱i yó, chi ndiꞌi ni̱vi yóꞌo kándixa na ndí ta̱Juan xi̱kuu ra ñii ta̱profeta ―káchí na, káꞌa̱n táꞌan na.

San Lucas 22:1

Xa ni̱kuyatin ní kana viko̱ Pascua, ta viko̱ yóꞌo naIsrael xíxi na si̱ta̱ va̱ꞌa ña o̱n ko̱ó levadura kómí.

San Juan 12:19

Ta xa̱ꞌa̱ ñayóꞌo nafariseo ni̱ka̱ꞌa̱n na xíꞌin táꞌan na, káchí na saá: ―¡Nda̱ ma̱ni̱ kúu ña ndukú yó kundeé yó no̱o̱ ta̱yóꞌo! ¡Koto ndó! Ndiꞌi saá ni̱vi ñoyívi yóꞌo ndíko̱n na sa̱ta̱ ta̱Jesús vitin ―káchí na, káꞌa̱n na xíꞌin táꞌan na.

San Juan 7:40

Tá xi̱ni̱ so̱ꞌo na ña káꞌa̱n ta̱Jesús, ta sava ni̱vi ni̱ka̱ꞌa̱n na, káchí na saá: ―Ñanda̱a̱ kía̱ ta̱yóꞌo kúu ta̱profeta káꞌno ta̱ ndáti ndi̱ kixaa̱ ―káchí na.