San Marcos 14:12 - Alacatlatzala Mixtec New Testament

¹² Ta ni̱to̱nda̱a ki̱vi̱ ki̱xáꞌá viko̱ xíxi najudío si̱ta̱ va̱ꞌa ña o̱n ko̱ó levadura kómí, ta ñii ñii veꞌe na, xáꞌni na ndikachi loꞌo ña nákáꞌán na viko̱ Pascua. Ta naxíka xíꞌin ta̱Jesús ni̱nda̱ka̱ to̱ꞌon na ra: ―¿Míkía̱ kóni ún kasa ndivi ndi̱ ña kuxu yó viko̱ Pascua? ―káchí na.

San Marcos 14:12 Iomraidhean Croise

San Mateo 3:15

Ta nda̱kuii̱n ta̱Jesús, káchí ra saá: ―Va̱ꞌa ka̱ sakuchu ún yi̱ꞌi̱ vitin, saá chi xíni̱ ñóꞌó kasa ndivi yó ndiꞌi ña xáꞌnda chiño Ndios ―káchí ta̱Jesús. Ta saá ni̱noo ini ta̱Juan, ta sa̱kuchu ra ta̱Jesús.

San Marcos 14:1

Ta kúma̱ni̱ o̱vi̱ ki̱vi̱ ña to̱nda̱a ki̱vi̱ kana viko̱ Pascua, xíꞌin inka̱ viko̱ no̱o̱ xíxi najudío si̱ta̱ va̱ꞌa ña o̱n ko̱ó levadura kómí. Ta na sánáꞌa nda̱yí Ndios xíꞌin nanáꞌno no̱o̱ nasu̱tu̱ ndúkú na ndasaá koo kasa va̱ꞌa na kua̱chi vatá xa̱ꞌa̱ ta̱Jesús, ta tiin na ra ña kaꞌni ñaꞌá na.

San Marcos 14:11

Ta ku̱sii̱ ní ini na xi̱ni̱ so̱ꞌo na ña ni̱ka̱ꞌa̱n ta̱Judas xíꞌin na, ta nayóꞌo ni̱ka̱ꞌa̱n na xíꞌin ra: ―Tá nataxi ún ra ndaꞌa̱ ndi̱, ta taxaꞌvi ndi̱ yóꞌó ―káchí na. Ta saá ki̱xáꞌá ndúkú ta̱Judas ndasaá koo nataxi ra ta̱Jesús ndaꞌa̱ na.

San Marcos 14:13

Ta saá ti̱ꞌví ta̱Jesús o̱vi̱ naxíka xíꞌin ra, káchí ra saá xíꞌin na: ―Kua̱ꞌa̱n ndó, ta kua̱ꞌa̱n ki̱ꞌvi ndó ñoo Jerusalén, ta nakutáꞌan ndó xíꞌin ñii ta̱a ndíso ki̱si takuií, ta kundiko̱n ndó ko̱ꞌo̱n ndó sa̱ta̱ ra,

Gálatas 4:4

Saá ni̱xi̱yo, ta ni̱to̱nda̱a ki̱vi̱ ña chi̱tóni̱ Ndios, ta saá ti̱ꞌví ra Sa̱ꞌya ra ki̱xi ra ñoyívi yóꞌo. Ta Sa̱ꞌya ra yóꞌo ka̱ku ra ti̱xin ñii ñaꞌa̱, ta ka̱ku ra ta xa̱ꞌno ra ti̱xin ndee̱ nda̱yí Ndios ña ni̱taa ta̱Moisés.