San Lucas 9:58 - Alacatlatzala Mixtec New Testament

⁵⁸ Ta nda̱kuii̱n ta̱Jesús, ni̱ka̱ꞌa̱n ra: ―Tíñokuii kómí rí kavua̱ no̱o̱ kísi̱n rí, ta tísaa kómí rí ta̱ka̱ rí ndaꞌa̱ yito̱n no̱o̱ kísi̱n rí, ta yi̱ꞌi̱, ta̱a ta̱ ki̱xi no̱o̱ Ndios, o̱n ko̱ó veꞌe i̱ no̱o̱ ku̱su̱n i̱ ―káchí ta̱Jesús xíꞌin ra.

San Lucas 9:58 Iomraidhean Croise

San Mateo 13:32

Ta ndiki̱n mostaza kúu ña válí ní ka̱ no̱o̱ ndiꞌi ndiki̱n yóo ñoyívi yóꞌo, ta ki̱vi̱ ndúta̱ ña ta ndúu ña ña káꞌno ní ka̱ no̱o̱ ndiꞌi inka̱ ñata̱ta̱ chíꞌi ni̱vi. Ki̱vi̱ xa̱ꞌno ña, ta ndu̱u ña ñii tón yito̱n káꞌno, ta kíxaa̱ tísaa kísa va̱ꞌa rí ta̱ka̱ rí ndaꞌa̱ nó.

San Mateo 8:20

Ta nda̱kuii̱n ta̱Jesús, káchí ra saá: ―Tíñokuii kómí rí kavua̱ no̱o̱ kísi̱n rí, ta tísaa kómí rí ta̱ka̱ rí ndaꞌa̱ yito̱n no̱o̱ kísi̱n rí, ta yi̱ꞌi̱, ta̱a ta̱ ki̱xi no̱o̱ Ndios, o̱n ko̱ó veꞌe i̱ no̱o̱ ku̱su̱n i̱ ―káchí ta̱Jesús xíꞌin ra.

2 Corintios 8:9

Xa xíni̱ ndó ndí Jesucristo kúu ra ta̱a ta̱ káꞌno ini, ta náꞌno ní ñava̱ꞌa ke̱ꞌé ra xíꞌin yó. Saá chi ta̱a ta̱ kómí ndiꞌi ñakuíká kúu ra, ta ki̱sa ndáꞌví xíꞌin mi̱i ra xa̱ꞌa̱ yó. Ta xa̱ꞌa̱ ña ki̱sa ndáꞌví xíꞌin mi̱i ra, vitin mi̱i yó ni̱vi na kándixa ra kómí yó ndiꞌi ñakuíká Ndios.

Santiago 2:5

Nañani yó xíꞌin náki̱ꞌva̱ yó, koni̱ so̱ꞌo va̱ꞌa ndó ña káꞌa̱n i̱ xíꞌin ndó: Ndios ni̱ka̱ꞌa̱n ra ndí nandáꞌví ñoyívi yóꞌo kuu nakuíká no̱o̱ ra xa̱ꞌa̱ ña kándixa na Jesucristo. Ta ni̱vi na kándixa yóꞌo kúu na kutaku̱ xíꞌin ra ta kaꞌnda chiño na xíꞌin ra no̱o̱ ndiꞌi ña yóo, chi saá yóo to̱ꞌon ña ni̱ka̱ꞌa̱n Ndios chi̱ndúꞌu̱ ra kundivi xa̱ꞌa̱ ni̱vi na kíꞌvi ní ini xíni ñaꞌá.