San Lucas 9:49 - Alacatlatzala Mixtec New Testament

⁴⁹ Ta ni̱ka̱ꞌa̱n ta̱Juan xíꞌin ta̱Jesús: ―Tata Maestro, xi̱ni ndi̱ ñii ta̱a táva ra níma̱ ndiva̱ꞌa. Xáꞌnda chiño ra no̱o̱ níma̱ ndiva̱ꞌa xíꞌin nda̱yí ún, káchí ra. Ta ni̱ka̱ꞌa̱n ndi̱ xíꞌin ra sandakoo ra ña kéꞌé ra saá, chi o̱n si̱ví ta̱ ndíko̱n sa̱ta̱ ún xíꞌin ndi̱ kúu ra ―káchí ra xíꞌin ta̱Jesús.

San Lucas 9:49 Iomraidhean Croise

San Mateo 3:14

Ta ta̱Juan ni̱‑xiin ra sakuchu ra ta̱Jesús, káchí ra saá xíꞌin ra: ―O̱n vása xíni̱ ñóꞌó sakuchu i̱ yóꞌó. Yóꞌó kúu ta̱ xíni̱ ñóꞌó sakuchu ún yi̱ꞌi̱ va ―káchí ta̱Juan xíꞌin ta̱Jesús.

San Lucas 5:5

Ta nda̱kuii̱n ta̱Simón, káchí ra saá: ―Tata Maestro, xa ni̱kisa chiño ndi̱ niño ñoó, ta nda̱ ñii tia̱ká o̱n vása ní‑tava ndi̱. Ta vitin tuku sakana niꞌni ndi̱ ñono̱, chi saá xa̱ꞌnda chiño ún no̱o̱ ndi̱.

San Lucas 9:33

Tá xa yatin ko̱ꞌo̱n na o̱vi̱ yóꞌo, ta ni̱ka̱ꞌa̱n ta̱Pedro xíꞌin ta̱Jesús: ―Tata Maestro, va̱ꞌa ní ndóo yó yóꞌo. Tá kóni ún, ta kasa va̱ꞌa ndi̱ u̱ni̱ tia̱ꞌva, ñii ña koo mi̱i ún, ñii ña koo ta̱Moisés, ta inka̱ ña koo ta̱Elías. Ni̱ka̱ꞌa̱n ta̱Pedro saá chi o̱n vása kúnda̱a̱ ini ra yukía̱ káꞌa̱n ra.

Hechos 5:28

―Xa xa̱ꞌnda chiño ndi̱ no̱o̱ ndó ña o̱n ka̱ꞌa̱n ka̱ ndó xíꞌin nda̱yí ki̱vi̱ ta̱Jesús. Ta, ¿nda̱chun sóꞌó ní ndó ña o̱n xi̱in ndó kasa ndivi ndó to̱ꞌon ña ni̱ka̱ꞌa̱n ndi̱? Ta vitin ni̱vi na ndóo ndiꞌi saá xiiña ñoo Jerusalén xa xi̱ni̱ so̱ꞌo na to̱ꞌon ña sánáꞌa ndó xa̱ꞌa̱ ta̱Jesús. Ta ndóꞌó ndúkú ndó sakuiso ndó kua̱chi sa̱ta̱ ndi̱ ña xa̱ꞌni ndi̱ ta̱Jesús yóꞌo ―káchí ta̱káꞌno no̱o̱ nasu̱tu̱ xíꞌin naapóstol.

1 Tesalonicenses 2:16

Ta saá najudío yóꞌo sási na no̱o̱ ndi̱ ki̱vi̱ ndáto̱ꞌon ndi̱ to̱ꞌon va̱ꞌa xa̱ꞌa̱ Jesucristo xíꞌin inka̱ ni̱vi na o̱n vása kúu najudío, saá chi o̱n xi̱in na ña saka̱ku Ndios nayóꞌo. Ta xa̱ꞌa̱ ña kéꞌé na ña o̱n váꞌa yóꞌo, sákuiso ka̱ na kua̱chi sa̱ta̱ mi̱i na, vará xa yóo kua̱ꞌa̱ ní kua̱chi ndíso na. Ta saá ñii ki̱vi̱ ña va̱xi, Ndios saxo̱ꞌvi̱ ní ra nayóꞌo xa̱ꞌa̱ ndiꞌi ña o̱n váꞌa ke̱ꞌé na.