San Lucas 9:45 - Alacatlatzala Mixtec New Testament

⁴⁵ Ta naxíka xíꞌin ra o̱n vása ní‑kunda̱a̱ ini na yukía̱ káchí to̱ꞌon ña ni̱ka̱ꞌa̱n ra xíꞌin na, saá chi o̱n vása ní‑taxi ya̱chi̱ Ndios ña kunda̱a̱ ini na. Ta yíꞌví ní na nda̱ka̱ to̱ꞌon na ra yukía̱ kóni kachí ña káꞌa̱n ra.

San Lucas 9:45 Iomraidhean Croise

San Mateo 16:22

Ta saá ta̱Pedro ta̱va síín ñaꞌá ra, ta ki̱xáꞌá ra ni̱na̱a ra xíꞌin ta̱Jesús xa̱ꞌa̱ ña ni̱ka̱ꞌa̱n ra, ta ta̱Pedro ni̱ka̱ꞌa̱n ra, káchí ra saá xíꞌin ta̱Jesús: ―¡Ná o̱n taxi Ndios kundoꞌo ún ñayóꞌo, Tata! ¡Nda̱ ñii ki̱vi̱ o̱n kundoꞌo ún saá!

San Mateo 17:22

Ta yóo ta̱Jesús xíꞌin naxíka xíꞌin ra estado Galilea, ta ni̱ka̱ꞌa̱n ra xíꞌin na: ―Ñii ki̱vi̱ ña va̱xi ñii ta̱a nataxi ra yi̱ꞌi̱, ta̱ kúu ta̱a ta̱ ki̱xi no̱o̱ Ndios, ndaꞌa̱ ni̱vi.

San Marcos 9:10

Ta chi̱kaa̱ va̱ꞌa na ña xi̱ni na ini mi̱i na, ta o̱n vása ní‑ndato̱ꞌon na ñayóꞌo xíꞌin inka̱ ni̱vi. Ta ni̱nda̱ka̱ to̱ꞌon xíꞌin táꞌan na yukía̱ káchí ña “nataku̱ ra.”

San Marcos 9:32

Ta naxíka xíꞌin ra o̱n vása ní‑kunda̱a̱ ini na yukía̱ káchí to̱ꞌon ña ni̱ka̱ꞌa̱n ra xíꞌin na, ta yíꞌví na nda̱ka̱ to̱ꞌon na ra yukía̱ kóni kachí ña káꞌa̱n ra.

San Lucas 18:34

Ta naxíka xíꞌin ra ni̱‑kunda̱a̱ ini na yukía̱ kóni kachí to̱ꞌon yóꞌo, chi ña xi̱nakaa̱ seꞌé no̱o̱ na xi̱kuu ña.

San Lucas 2:50

Ta o̱n vása ní‑kunda̱a̱ ini na yukía̱ kóni kachí to̱ꞌon ña ni̱ka̱ꞌa̱n ra xíꞌin na.

San Lucas 9:46

Ñii ki̱vi̱ naxíka xíꞌin ta̱Jesús ki̱xáꞌá na náa na xíꞌin táꞌan na xa̱ꞌa̱ yu kúu ta̱ káꞌno ka̱ no̱o̱ ndiꞌi na.

San Juan 12:16

Ta naxíka xíꞌin ta̱Jesús o̱n vása ní‑kunda̱a̱ ini na yukía̱ kóni kachí ndiꞌi ña xíto na yóꞌo. Ta saá ni, ki̱vi̱ ndi̱ꞌi ku̱ndivi ña ni̱xiꞌi̱ ta̱Jesús ta na̱taku̱ ra ta ndi̱kó ra nda̱a ra ñoyívi ni̱no, ta̱nda̱ saá na̱káꞌán na to̱ꞌon Ndios ña ni̱taa na xi̱na̱ꞌá xa̱ꞌa̱ ta̱Jesús. Ta saá ku̱nda̱a̱ ini na ndí ndiꞌi ña ke̱ꞌé ni̱vi xíꞌin ta̱Jesús kúu ña ki̱sa ndivi na to̱ꞌon Ndios yóꞌo.

San Juan 12:34

Ta nda̱kuii̱n ni̱vi, ni̱ka̱ꞌa̱n na, káchí na saá: ―Xa ka̱ꞌvi ndi̱ to̱ꞌon Ndios ña ni̱taa na kui̱ya̱ xi̱na̱ꞌá ña káchí xa̱ꞌa̱ Cristo, ta̱a ta̱ tiꞌví Ndios. Ta to̱ꞌon yóꞌo káchí ña ndí Cristo kutaku̱ ra ndiꞌi saá ki̱vi̱ ña va̱xi. Ta yóꞌó káchí ún ndí ndaníꞌi na ta̱a ta̱ ki̱xi no̱o̱ Ndios, ta sandaa na ra ndaꞌa̱ tón cruz. Ta, ¿yu kúu ta̱a ta̱ káꞌa̱n ún xa̱ꞌa̱, ta̱ káchí ún kúu ta̱a ta̱ ki̱xi no̱o̱ Ndios? ―káchí na xíꞌin ra.

San Juan 14:5

Ta ñii ta̱xíka xíꞌin ta̱Jesús, na̱ní ra Tomás, ni̱nda̱ka̱ to̱ꞌon ra, káchí ra saá: ―Tata, o̱n vása xíni̱ ndi̱ míchí ko̱ꞌo̱n ún, ta saá, ¿ndasaá koo kuchiño koni̱ ndi̱ yichi̱?

San Juan 4:33

Ta naxíka xíꞌin ra káꞌa̱n na xíꞌin táꞌan na, káchí na saá: ―¿Án xa ki̱xi ni̱vi ta̱xi na xi̱xi ra? ―káchí na.