San Lucas 9:11 - Alacatlatzala Mixtec New Testament

¹¹ Ta saá ni̱vi xi̱ni̱ so̱ꞌo na míchí kua̱ꞌa̱n ta̱Jesús, ta ke̱e na kua̱ꞌa̱n na sa̱ta̱ ra. Ta ki̱xaa̱ na no̱o̱ ra, ta ta̱Jesús na̱kiꞌin va̱ꞌa ra na. Sánáꞌa ra na xa̱ꞌa̱ yichi̱ ña xáꞌnda chiño Ndios, ta sa̱ndaꞌa ra ni̱vi na ndeé ndóꞌo.

San Lucas 9:11 Iomraidhean Croise

San Mateo 12:15

Ta ta̱Jesús xíni̱ ra yukía̱ xáni ini nafariseo, ta ke̱ta ra veꞌe ño̱ꞌo sinagoga ta kua̱ꞌa̱n ra. Ta kua̱ꞌa̱ ní ni̱vi xi̱kundiko̱n na sa̱ta̱ ra, ta saá sa̱ndaꞌa ra ndiꞌi na ndeé ndóꞌo.

San Mateo 14:14

Tá no̱o ta̱Jesús tón barco, ta xi̱ni ra kua̱ꞌa̱ ní ni̱vi, ta kúndáꞌví ní ini ra xíni ra na, ta sa̱ndaꞌa ra ni̱vi na ndeé ndóꞌo.

San Mateo 21:31

Ta vitin, ¿yukía̱ xáni ini ndó? ¿Ndá sa̱ꞌya ta̱yóꞌo kúu ta̱ ki̱sa ndivi ña xa̱ꞌnda chiño yivá ra? ―káchí ta̱Jesús. Ta nda̱kuii̱n na: ―Ta̱no̱ó kúu ta̱ ki̱sa ndivi chiño ña kóni yivá ra ―káchí na. Ta saá ni̱ka̱ꞌa̱n ta̱Jesús xíꞌin na: ―Ndixa káꞌa̱n i̱ xíꞌin ndó, ni̱vi na káya si̱ꞌún xa̱ꞌa̱ nagobierno, xíꞌin náñaꞌa̱ ná kísi̱n xíꞌin kua̱ꞌa̱ ní ta̱a, kúu na siꞌna ka̱ kúchiño ki̱ꞌvi no̱o̱ ndó yichi̱ no̱o̱ xáꞌnda chiño Ndios.

San Mateo 21:43

Ta saá káꞌa̱n i̱ xíꞌin ndó, Ndios tava ra ndóꞌó no̱o̱ xáꞌnda chiño ra, ta taxi ra kundo̱o inka̱ ni̱vi no̱o̱ xáꞌnda chiño ra, ta ni̱vi yóꞌo kúu na kasa ndivi ña kóni Ndios.

San Lucas 1:53

Ndios ta̱xi ra kua̱ꞌa̱ ní ñaxíxi ndaꞌa̱ ni̱vi nandáꞌví na xíꞌi̱ so̱ko, ta ta̱xi ra ni̱vi nakuíká kua̱ꞌa̱n vi̱chí na.

San Lucas 5:31

Ta saá ni̱ka̱ꞌa̱n ta̱Jesús xíꞌin na: ―Ni̱vi na o̱n vása ndeé ndóꞌo, o̱n vása xíni̱ ñóꞌó nayóꞌo na kasa ta̱ta̱n ñaꞌá, ta ni̱vi na ndeé ndóꞌo kúu na xíni̱ ñóꞌó kutátán.

San Lucas 8:1

Ta saá ke̱e ta̱Jesús, kua̱ꞌa̱n ra kua̱ꞌa̱ ní ñoo náꞌno xíꞌin ñoo válí, káꞌa̱n ndoso ra no̱o̱ ni̱vi to̱ꞌon ñava̱ꞌa xa̱ꞌa̱ yichi̱ no̱o̱ xáꞌnda chiño Ndios. Ta xíꞌin ra kua̱ꞌa̱n u̱xu̱ o̱vi̱ naapóstol,

San Lucas 8:10

Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―Ta ndóꞌó, Ndios ta̱xi ra ña kúnda̱a̱ ini ndó to̱ꞌon ña ñóꞌo seꞌé ña yo̱ꞌvi̱ ní ña káꞌa̱n xa̱ꞌa̱ yichi̱ no̱o̱ xáꞌnda chiño ra. Ta inka̱ ni̱vi kuiti xíni̱ so̱ꞌo na cuento ña ndáto̱ꞌon i̱ xíꞌin na, ta o̱n vása kúnda̱a̱ va̱ꞌa ini na yukía̱ káchí ña. Ta saá ku̱ndivi to̱ꞌon Ndios ña káchí saá: “Vará xíto na, ta o̱n vása xíni̱ na ñanda̱a̱. Vará xíni̱ so̱ꞌo na, ta o̱n vása chíkaa̱ so̱ꞌo na, ni o̱n vása kúnda̱a̱ ini na ña ndáto̱ꞌon i̱”, káchí to̱ꞌon Ndios ―káchí ta̱Jesús.

San Lucas 9:10

Ta ndi̱kó u̱xu̱ o̱vi̱ naapóstol na ti̱ꞌví ta̱Jesús, ta na̱xaa̱ na no̱o̱ ra, ta nda̱to̱ꞌon na xíꞌin ra ndiꞌi ña ke̱ꞌé na. Ta saá ta̱Jesús ka̱na ra nayóꞌo ña ko̱ꞌo̱n na xíꞌin ra inka̱ xiiña no̱o̱ o̱n ko̱ó ni̱vi, ta ni̱xaa̱ na yatin ñoo Betsaida.

San Lucas 9:12

Ta xa ni̱kuaa ní kúu ña, ta saá ni̱to̱nda̱a yatin na u̱xu̱ o̱vi̱ xíka xíꞌin ta̱Jesús, ta ni̱ka̱ꞌa̱n na xíꞌin ra: ―Tata, va̱ꞌa tiꞌví ún ndiꞌi ni̱vi yóꞌo ná ko̱ꞌo̱n na rancho án ñoo válí ña yóo yatin, ta nandukú na no̱o̱ ku̱su̱n na ñoó vitin, ta sata na ña kuxu na, chi no̱o̱ ndóo yó vi̱chí ní yóꞌo.

San Lucas 9:2

Ta ti̱ꞌví ra na ko̱ꞌo̱n na ka̱ꞌa̱n ndoso na xa̱ꞌa̱ yichi̱ ña xáꞌnda chiño Ndios, ta sandaꞌa na ni̱vi na ndeé ndóꞌo.

San Juan 4:34

Ta nda̱kuii̱n ta̱Jesús, ni̱ka̱ꞌa̱n ra xíꞌin na, káchí ra saá: ―Ñaxíxi ndinoꞌo kúu ña kasa ndivi i̱ ta saxi̱no̱ i̱ ña kóni Ndios, ta̱a ta̱ ti̱ꞌví yi̱ꞌi̱ ki̱xaa̱ i̱.

San Juan 6:37

Ta ni̱vi na chi̱tóni̱ Yivá i̱ Ndios kundiko̱n na sa̱ta̱ i̱, ndiꞌi nayóꞌo kixaa̱ na no̱o̱ i̱. Ta nakiꞌin va̱ꞌa i̱ ndiꞌi na kixaa̱ no̱o̱ i̱, ta nda̱ ñii ki̱vi̱ o̱n vása taxin i̱ nda̱ ñii nayóꞌo ña kuxíká na no̱o̱ i̱.

Hechos 28:31

ta nda̱ loꞌo o̱n vása ní‑yiꞌví ini ra, ta ni̱ka̱ꞌa̱n ndoso ra no̱o̱ ndiꞌi ni̱vi xa̱ꞌa̱ yichi̱ no̱o̱ xáꞌnda chiño Ndios, ta sa̱náꞌa ra ni̱vi xa̱ꞌa̱ Jesucristo, Ta̱a ta̱Káꞌno no̱o̱ yó. Ta nda̱ ñii ni̱vi ni̱‑sasi na no̱o̱ ra ña ni̱ka̱ꞌa̱n ra nda̱to̱ꞌon ra to̱ꞌon yóꞌo.

Romanos 10:14

Ta saá ni, tá o̱n ta̱ꞌán kandixa ni̱vi Ndios ndinoꞌo, ta, ¿ndasaá kuchiño kana na ra ña saka̱ku ra na? Tá o̱n ta̱ꞌán koni̱ so̱ꞌo ni̱vi to̱ꞌon xa̱ꞌa̱ Ndios, ta, ¿ndasaá kuchiño ni̱vi kandixa na ra? Ta, ¿ndasaá koo koni̱ so̱ꞌo ni̱vi yóꞌo to̱ꞌon xa̱ꞌa̱ Ndios, tá o̱n ko̱ó ni̱vi na ndato̱ꞌon xíꞌin na xa̱ꞌa̱ ra?

Romanos 10:17

Ta saá kúnda̱a̱ ini yó ndí siꞌna xíni̱ ñóꞌó koni̱ so̱ꞌo ni̱vi to̱ꞌon Ndios ña káꞌa̱n xa̱ꞌa̱ Jesucristo, saá chi ña xi̱ni̱ so̱ꞌo na to̱ꞌon yóꞌo táxi ña kuchiño kandixa na ra.

Romanos 15:3

Saá chi ni mi̱i Jesucristo, nda̱ loꞌo o̱n vása ní‑ndukú ra ndasaá kuiti sakusii̱ ra ini mi̱i ra. Ta to̱ꞌon Ndios ña ni̱taa na xi̱na̱ꞌá, káꞌa̱n ña xa̱ꞌa̱ ña ndo̱ꞌo ra, ta káchí ña saá: “Mi̱i to̱ꞌon ña o̱n váꞌa ña káꞌa̱n ni̱vi kándiva̱ꞌa na xíꞌin Ndios kúu to̱ꞌon ña kándiva̱ꞌa na xíꞌin i̱”, káchí to̱ꞌon Ndios xa̱ꞌa̱ Jesucristo.

2 Timoteo 4:2

ña chikaa̱ ún ndee̱ ka̱ꞌa̱n ndoso ún to̱ꞌon Ndios ndiꞌi saá ki̱vi̱ no̱o̱ ni̱vi. Xíni̱ ñóꞌó keꞌé ún saá, ki̱vi̱ ña kútoo ní ni̱vi koni̱ so̱ꞌo na to̱ꞌon Ndios, án ki̱vi̱ ña o̱n vása kútoo ni̱vi koni̱ so̱ꞌo na to̱ꞌon Ndios. Ndato̱ꞌon ún sanáꞌa ún na ña kunda̱a̱ ini na yu kúu ña o̱n váꞌa ke̱ꞌé na, ta ka̱ꞌa̱n káxín ún xíꞌin na ña sandakoo na kéꞌé na ña o̱n váꞌa. Ta chikaa̱ ún ndee̱ ini ni̱vi xa̱ꞌa̱ ña kundiko̱n va̱ꞌa na yichi̱ Jesucristo. Ki̱vi̱ ka̱ꞌa̱n ún xíꞌin ni̱vi yóꞌo án sanáꞌa ún na to̱ꞌon nda̱a̱, ta xíni̱ ñóꞌó xíꞌin ñato̱ꞌó ní ini ún ka̱ꞌa̱n ún xíꞌin na, ta xíꞌin ña káꞌno ini ún sanáꞌa ún na.

Hebreos 4:16

Ta saá tá yóo ní tondóꞌó no̱o̱ yó, án yóo ní ña xíni̱ ñóꞌó no̱o̱ yó, ta va̱ꞌa ka̱ꞌa̱n yó xíꞌin Ndios, ta o̱n kuyi̱ꞌví yó ndukú yó no̱o̱ ra ña keꞌé ra ñava̱ꞌa xíꞌin yó ña kúu ña chindeé ra mi̱i yó, chi ta̱a ta̱ kíꞌvi ní ini xíni mi̱i yó kúu ra.